यूहन्‍ना 14:2 - ओङ राजपूत

² माये ब़ा चे घरा मां ब़ोहत सारी रेहणे ची जग़हा छै, अगर ना हुवीया तां, मैं तम्हानु केहती ङिया। कांकि मैं तम्चे वास्ते जग़हा तियार करने वास्ते जाये पला।

यूहन्‍ना 14:2 ပူးပေါင်းရင်းမြစ်များ

लूका 14:22

“दासा ने बल्ति केहले, ‘हे मालिक, जिंवे तु केहले हुते, यूंही करले गेले, ते बल्ति वी जग़ह छै।’

यूहन्‍ना 13:33

हे ब़ाले, मैं थोड़ी देर तम्चे गोढु छै। बल्ति तम्ही मनु सोधा, ते जिंवे मैं यहूदिया नु केहले कि, ‘जिठे मैं जाये पला, ओठे तम्ही ना आ सग़ा।’ यूंही मैं हमा तम्हानु वी किहे पला,

यूहन्‍ना 13:36

शमौन पतरस ने ओनु केहले, “हे प्रभु, तु किठे जई पला?” ईशु ने केहले, “जिठे मैं जाये पला, उठे तु हालि माये भांसु आ ना सग़ी, पर ऐचे बाद माये भांसु आवे।”

यूहन्‍ना 14:28

तम्ही मनु केहते हुले सुणले, ‘मैं जाये पला ते तम्चे गोढु बल्ति आवी।’ अगर तम्ही माये प्रेम राखते, तां यां बाता कनु खौश हुवा हा कि मैं ब़ा चे गोढु जाये पला, कांकि ब़ा माये कनु बङा छै।

यूहन्‍ना 16:4

“पर ये बाता मैं ऐवास्ते तम्हानु केहलीया, कि जिसे बेले वांचा समय आवी तां तम्हानु याद आवी कि मैं तम्हानु पेहले ही केहती ङिले। मैं शुरु कनु तम्हानु ये बाता ऐवास्ते कोनी केहलीया कांकि मैं तम्चे लारे हुता,

यूहन्‍ना 17:24

“हे ब़ा, मैं चाहवे कि जानु तु मनु ङिले जिठे मैं छै ओठे वे वी माये लारे हो, कि वे माई वा महिमा ङेखो, जको तु मनु ङिली कांकि तु संसारा ची उत्पत्ति चे पेहले माये लारे प्रेम राखला।

प्रेरितां चे काम 9:16

ते मैं ओनु बावड़ी, कि माये नांवा वास्ते ओनु किसड़े-किसड़े ङोख चवणे पड़े।”

2 कुरिन्थियां 5:1

कांकि अम्ही जाणु कि, जिसे बेले अम्चे संसारिक देह नु धरती कनु ढाती ङिले जई तां अम्चे वास्ते नरीकारा ची ओर कनु स्वर्ग़ा मां हेक इसड़े घरा जिसड़ी देह तय करली गेली, जको इन्साना चे हाथा लारे बणाले आले कोनी छै पर स्वर्ग़ीय ते अनन्त काल चे छै।

1 थिस्सलुनीकियां 5:9

कांकि नरीकारा ने अम्हानु आपणे गुस्से वास्ते कोनी, पर ऐवास्ते चुणले कि अम्ही आपणे प्रभु ईशु मसीह चे जरिये उद्धार पा सग़ु।

तीतुस 1:2

ओ अनन्त जीवन ची आस उपर, जको वायदा नरीकारा ने, जको कूड़ मार ना सग़ी शुरु कनु करला।

इब्रानियां 11:10

कांकि ओची नजर ओ टिकाऊं शहरा उपर हुती, जानु रचने आला ते बणावणे आला नरीकार छै।

इब्रानियां 13:14

कांकि इठे अम्चा कुई स्थाई रेहणे आला शहर कोनी, बल्कि अम्ही ओ शहरा ची बाट ङेखु पले जको आणे आला अनन्तकाल चा छै।

इब्रानियां 6:20

जिठे ईशु ने मेलिकिसिदक ची रीति उपर सदा काल चा महायाजक बणती कर, अम्चे वास्ते अग़ुवे चे रुप मां प्रवेश करले।

इब्रानियां 9:8

पवित्र आत्मा हा बात स्पष्ट करे कि जब तक तम्बूआ चे पेहले खाने छै, तब तक अति पवित्र स्थान मां जाणे चा मार्ग़ खुला कोनी।

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।

प्रकाशितवाक्य 21:2

बल्ति मैं पवित्र शहर नवें यरुशलेम नु स्वर्ग़ा कनु ते नरीकारा चे गोढु कनु तले उतरते ङेखले, ते ओ शहर वे बीन्दणी आलीकर हुता, जको आपणे मुणसा चे वास्ते सिंगार करली आली बीन्दणी हो।

प्रकाशितवाक्य 3:12

जको जीतती जई, ओनु मैं आपणे नरीकारा चे मन्दरा मां हेक खम्बा बणावी, ते ओ बल्ति कङी ब़ाहर नी निकली, ते मैं आपणे नरीकारा चे नां ते आपणे नरीकारा चा शहर यानि नवें यरुशलेम शहरा चे नां, जको माये नरीकारा चे गोढु कनु स्वर्ग़ा कनु उतरने आला छै, ते आपणे नां, ओचे उपर लिखी।

प्रकाशितवाक्य 3:21

जको जीतती जई, मैं ओनु आपणे लारे आपणे सिंहासना उपर ब़िसाणी, जिंवे मैं वी जीतती कर आपणे ब़ा चे लारे ओचे सिंहासना उपर ब़ेसती रेहला।