यूहन्‍ना 14:12 - ओङ राजपूत

¹² मैं तम्हानु सच्‍च-सच्‍च किहे कि जको माये उपर विश्‍वास राखे, ये कामे जको मैं करे, ऊं वी करी, यानि याकनु वी बङे काम करी, कांकि मैं ब़ा चे गोढु जाये पला।

यूहन्‍ना 14:12 ပူးပေါင်းရင်းမြစ်များ

मत्ती 21:21

ईशु ने वानु उत्तर ङिला, “मैं तम्हानु सच्‍च किहे पला, अगर तम्ही विश्‍वास राखा ते शक्‍क ना करा, तां ना सेर्फ ईं करा जको ऐ अंजीरा चे दरख्ता लारे करले गेले, पर अगर ऐ पहाड़ा नु वी किहा, ‘उखड़ती जा, ते समुन्दरा मां जती पड़,’ तां ईं हुती जई।

मरकुस 11:13

ओ दूरी कनु सावे अंजीरा चे दरख्त ङेखती कर गोढु गेला कि का पता ओचे मां कोच्छ मिलो, पर पाना नु छोड़ती कोच्छ कोनी मिड़ले, कांकि फला चा समय कोनी हुता।

मरकुस 16:17

जको माये उपर विश्‍वास करी, ओचे मां ये चैन्ह हुवे, वे माये नांवा उपर दुष्टात्मा नु काढ़े, वे नवींया-नवींया ब़ोलीया ब़ोले।

यूहन्‍ना 14:28

तम्ही मनु केहते हुले सुणले, ‘मैं जाये पला ते तम्चे गोढु बल्ति आवी।’ अगर तम्ही माये प्रेम राखते, तां यां बाता कनु खौश हुवा हा कि मैं ब़ा चे गोढु जाये पला, कांकि ब़ा माये कनु बङा छै।

यूहन्‍ना 16:7

तां वी मैं तम्हानु सच्‍च किहे कि, माये जाणे तम्चे वास्ते आच्छे छै। कांकि अगर मैं ना जई तां, ओह सहायक तम्चे गोढु कोनी आवे। पर अगर मैं जई तां, ओनु तम्चे गोढु भेज़ी।

यूहन्‍ना 4:37

कांकि इठे हा कहावत ठीक ब़ेसे, ‘राहवणे आला नेरा छै, ते बाढणे आला नेरा।’

यूहन्‍ना 5:20

कांकि ब़ा पूता लारे प्रेम करे ते जको-जको काम ओह आप करे वे सारे आपणे पूता नु ङिखाणे। ते याकनु वी बङे काम ओनु ङिखाणी, कि तम्ही अचम्भा करा।

यूहन्‍ना 7:33

ईशु ने केहले, “मैं थोड़ी देरी वास्ते तम्चे लारे छै, बल्ति आपणे भेज़णे आले गोढु चाह्‍ला जई।

यूहन्‍ना 7:39

ओणे हा वचन पवित्र आत्मा चे बारे मां केहला, जको ईशु उपर विश्‍वास करने आला नु मिलणे आला हुता। कांकि आत्मा हालि तक कोनी उतरला हुता, कांकि ईशु हालि तक आपणी महिमा मां कोनी पुज़ला हुता।

प्रेरितां चे काम 10:46

कांकि वाणे वानु तरह तरह ची ब़ोली ब़ोलते ते नरीकारा ची बढ़ाई करते सुणले ते।

प्रेरितां चे काम 16:18

वा घणा ङिहां तक यूंही करती रेहली आखरी मां पौलुस परेशान हुती गेला ते भांसु मुड़ती कर जको दुष्टात्मा विचे मां समाली हुती विनु केहले, “मैं तनु ईशु मसीह चे नांवा लारे आज्ञा ङिये पला।” कि यिचे महु निकलती जा ते वा दुष्टात्मा ओही बेले विचे महु ब़ाहरु निकलती गेली।

प्रेरितां चे काम 19:12

इठे तक कि कन्दुरीया ते रुमाले ओचे शरीरा नु लवाती जब बिमारा उपर नाखते, ते वांची बिमारीया ठीक हुती जतीया। ते दुष्टात्मा वी वांचे महु निकलती जतीया।

प्रेरितां चे काम 2:33

यूं करती नरीकारा चे सज़्ज़े हाथा कनु ऊंची पद्दवी गेहती कर, ते ब़ा कनु वा पवित्र आत्मा गेहती कर जाया वायदा करला गेलता, ओणे हा उण्डेलती ङिला जको तम्ही ङेखा ते सुणा वी।

प्रेरितां चे काम 2:41

ऐवास्ते जेह्णे पतरस चे वचना नु स्वीकार करले ते बपतिस्मा गेहला, ते ओही ङिओ लगभग तीन हजार बन्दी वांचे मां शामिल हुती गेली।

प्रेरितां चे काम 4:16

“अम्ही यां बन्दा लारे का करु? कांकि यरुशलेम चे सारे रेहणे आला उपर उजागर छै, कि यांचे जरिये हेक खास चैन्ह ङिखाणला गेला, ते अम्ही ओचा इन्कार ना कर सग़ु।

प्रेरितां चे काम 4:33

ते प्रेरित बङी ताकती लारे प्रभु ईशु चे जीते हुवणे ची ग़वाही ङिते रेहले ते वांचे सारा उपर बङा अनुग्रह हुता।

प्रेरितां चे काम 4:4

पर वचन सुणने आला महु घणा ने विश्‍वास करला, ते वांची गिणती पाँच हजार मर्दा चे करीब हुती गेली।

प्रेरितां चे काम 5:15

इठे तक कि लौक बिमारा नु सड़का उपर आणती आणती कर, खाटा ते तङीया उपर लिटाती ङिते, कि जिसे बेले पतरस आओ, ओची छां ही वांचे महु काये उपर पड़ती जाओ।

प्रेरितां चे काम 6:7

ते नरीकारा चा वचन फैलता गेला ते यरुशलेम मां चैला ची गिणती ब़ोहत बधती गेली ते याजका चा हेक बङा समाज ऐ मत्त नु मनणे आला हुती गेला।

प्रेरितां चे काम 8:7

कांकि घणा महु अशुद्ध आत्मा बङी अवाजी लारे चीकतीया हुलीया निकलती गेलीया, ते ब़ोहत सारे लकवे चे बिमार ते लंगड़े वी ठीक करले गेले।

प्रेरितां चे काम 9:34

पतरस ने ओनु केहले, “हे ऐनियास, ईशु मसीह तनु ठीक करे पला। ऊठ, आपणा बिस्तरा चा।” ते बल्ति ओ तुरन्त ऊठती खड़ा हुला।

प्रेरितां चे काम 9:40

बल्ति पतरस ने सारा नु ब़ाहर काढ़ती ङिले, ते गोङे टेकती कर प्राथना करली ते मय्यत नु ङेखती कर केहले, “हे तबीता, ऊठ।” बल्ति विणे आपणीया आँख खोलती ङिलीया ते पतरस नु ङेखती कर ऊठती ब़ेहली।

रोमियां 15:19

ते चैन्ह ते अदभोत कामा ची सामर्थ लारे, ते पवित्र आत्मा ची सामर्थ लारे माये ही जरिये करले गेले। इठे तक मैं यरुशलेम कनु लाती कर चऊं पासु ते इल्‍लुरिकुम तक मसीह चे सुसमाचार चा पूरा-पूरा प्रचार करला।