यूहन्‍ना 13:8 - ओङ राजपूत

⁸ पतरस ने ओनु केहले, “तु माये पग़्ग़ कङी वी नी धो सग़े।” ईं सुणती ईशु ने ओनु केहले, “अगर मैं ना धोवे, तां माये लारे दुधा कुई वी साझा कोनी।”

यूहन्‍ना 13:8 ပူးပေါင်းရင်းမြစ်များ

मत्ती 16:22

ऐचे उपर पतरस ओनु अलग़ गेहती कर झिड़कु लाग़ला, “हे प्रभु, नरीकार ना करो! दुधे लारे इसड़े कङी नी हुवी!”

मत्ती 21:29

ते ओणे उत्तर ङिला, ‘मैं ना जई,’ पर बादा मां पछताती कर चाह्‍ला गेला।

मत्ती 26:33

ऐचे उपर पतरस ने ओनु केहले, “अगर सारे दुधे बारे मां ठोकर खाओ तां खाओ, पर मैं कङी वी ठोकर नी खई।”

मत्ती 26:35

पतरस ने ओनु केहले, “अगर मनु दुधे लारे मरणे वी पड़ो, तांवी मैं दुधे कनु कङी नी मुकरी।” ते इसड़े ही सारा चैला ने वी केहले।

यूहन्‍ना 13:6

जिसे बेले ओ शमौन पतरस चे गोढु आला, बल्ति पतरस ने ओनु केहले, “हे प्रभु, का तु माये पग़्ग़ धोवे?”

यूहन्‍ना 13:9

शमौन पतरस ने ओनु केहले, “हे प्रभु, तां माये पग़्ग़ ही ना, बल्कि हाथ ते ठोङ वी धोती ङे!”

यूहन्‍ना 3:5

ईशु ने उत्तर ङिला, “मैं तम्हानु सच्‍च-सच्‍च किहे पला, जब तक कुई इन्सान जल ते आत्मा लारे ना जमही तां ऊं नरीकारा चे राज़ मां जा ना सग़ी।

प्रेरितां चे काम 22:16

हमा कां देर करी पला? खड़ा हो, बपतिस्मा गे, ते ओचा नाम गेहती कर आपणे पापा नु धोती नाख।’

1 कुरिन्थियां 6:11

ते तम्चे महु कोच्छ इसड़े ही हुते। पर हमा तम्ही धुपती कर शोद्ध हुती गेले प्रभु ईशु मसीह चे नांवा लारे ते अम्चे नरीकारा ची आत्मा चे जरिये करले गेले कामा चे नतीजे लारे धर्मी घोषित करले गेले ही छिवा।

इफिसियां 5:26

कि वानु वचना चे लारे पाणीया चे इश्नान लारे शोद्ध करती पवित्र बणाओ।

कुलुस्सियां 2:18

कुई बन्दे दीनता चा ङिखावा करती स्वर्ग़दूता ची पुज़ा करती तम्हानु बेवकूफ ना बणाओ, तम्ची द्रोड़ने चे प्रतिफल कनु दूर ना करो। इसड़े बन्दे ङेखली आलीया बाता मां लाग़ले रिहे ते आपणे शरीरिक समझ उपर बेकार मां फुंडे।

कुलुस्सियां 2:23

ये सारीया बाता तां आपणी मर्जी चे अनुसार घड़ली आली भग़ती ची रीति, ते आपणे शरीरा नु ङोख ङेणा ते कूड़ी दीनता कनु शरीरा चा फायदा तां छै, पर शरीरा ची लालसा नु रोकणे मां याकनु कोच्छ वी फायदा कोनी हुला।

तीतुस 3:5

ते ओणे अम्चा उद्धार करला। ते ईं धर्मा चे कामा ची वजह कनु कोनी, जको अम्ही आप करले, पर आपणी दया चे अनुसार, नवें जनमा चे झूलने लारे, ते पवित्र आत्मा चे अम्हानु नवें बणावणे लारे हुले।

इब्रानियां 10:22

तां आवा, अम्ही सच्‍चे मना लारे, ते पुरे विश्‍वासा लारे, ते विवेक चा दोष दूर करने वास्ते दिला उपर मसीह चे लुहींया चा छिड़काव गेहती कर, ते शरीरा नु शोद्ध पाणीया लारे धुवाती कर, नरीकारा चे गोढु जऊं।

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।

प्रकाशितवाक्य 7:14

मैं ओनु केहले, “हे मालिक, तु ही जाणी।” ओणे मनु केहले, “ये वे छी जको बङे क्लेशा महु निकलती कर आले। यांणे आपणी-आपणी ओढ़णी मैमणे चे लुहींया लारे धोती कर चिट्टी करली।