यूहन्‍ना 13:5 - ओङ राजपूत

⁵ बल्ति ठांवा मां पाणी भरती चैला चे पग़्ग़ धोऊं ते जिसे रुमाला लारे ओणे कमर ब़ांधली हुती ओचे लारे लुंह लाग़ला।

यूहन्‍ना 13:5 ပူးပေါင်းရင်းမြစ်များ

लूका 7:38

ते ओचे पग़्ग़ा चे गोढु, भांसु भिली रेहती, रोती हुली, ओचे पग़्ग़ा नु हींजवा लारे भेंवणे ते आपणे ठोङा चे माला लारे लुंह लाग़ली, ते ओचे पग़्ग़ बार-बार चूपती कर वांचे पर इत्र मसड़ला।

लूका 7:44

ते वे असतरी ची तरफ घूमती कर ओणे शमौन नु केहले, “का तु ये असतरी नु ङेखी पला? मैं दुधे घरे आला, पर ते माये पग़्ग़ धोवणे वास्ते पाणी कोनी ङिले, पर यिणे माये पग़्ग़ हींजवा लारे भेले, ते आपणे माला लारे लुहले।

यूहन्‍ना 13:10

ईशु ने ओनु केहले, “जको झूलती चुकला ओनु पग़्ग़ा चे अलावा होर कोच्छ धोवणे ची जरुरत कोनी, पर ओह बेलकोल शोद्ध छै। ते तम्ही शोद्ध छिवा, पर सारे चे सारे कोनी।”

यूहन्‍ना 13:6

जिसे बेले ओ शमौन पतरस चे गोढु आला, बल्ति पतरस ने ओनु केहले, “हे प्रभु, का तु माये पग़्ग़ धोवे?”

यूहन्‍ना 13:8

पतरस ने ओनु केहले, “तु माये पग़्ग़ कङी वी नी धो सग़े।” ईं सुणती ईशु ने ओनु केहले, “अगर मैं ना धोवे, तां माये लारे दुधा कुई वी साझा कोनी।”

यूहन्‍ना 19:34

पर वांचे महु हेक सिपाहीया ने बरछे लारे ओचे पासे मां सुराख करले, ते ओचे महु लुहीं ते पाणी निकड़ले।

प्रेरितां चे काम 22:16

हमा कां देर करी पला? खड़ा हो, बपतिस्मा गे, ते ओचा नाम गेहती कर आपणे पापा नु धोती नाख।’

1 कुरिन्थियां 6:11

ते तम्चे महु कोच्छ इसड़े ही हुते। पर हमा तम्ही धुपती कर शोद्ध हुती गेले प्रभु ईशु मसीह चे नांवा लारे ते अम्चे नरीकारा ची आत्मा चे जरिये करले गेले कामा चे नतीजे लारे धर्मी घोषित करले गेले ही छिवा।

इफिसियां 5:26

कि वानु वचना चे लारे पाणीया चे इश्नान लारे शोद्ध करती पवित्र बणाओ।

1 तीमुथियुस 5:10

ते भले कामा मां सरनाम रेहली हो, जेह्णे ब़ाला चा पालन पोसण करला हो, मेहमाना ची सेवा करली हो, प्रभु चे पवित्र लौका चे पग़्ग़ धोले हो, ङुखीया ची सहायता करली हो, ते हर हेक भले कामा मां मन लाले हो।

इब्रानियां 10:22

तां आवा, अम्ही सच्‍चे मना लारे, ते पुरे विश्‍वासा लारे, ते विवेक चा दोष दूर करने वास्ते दिला उपर मसीह चे लुहींया चा छिड़काव गेहती कर, ते शरीरा नु शोद्ध पाणीया लारे धुवाती कर, नरीकारा चे गोढु जऊं।

1 यूहन्‍ना 1:7

अगर जिसड़ा ओ सोज़ले छै, यूंही अम्ही हमा वी सोज़ले मां टुरु तां हेके ङुजे लारे सहभागिता राखु वी, ते नरीकारा चा पूत ईशु चे लुहीं अम्हानु सारा पापा कनु शोद्ध करे।

1 यूहन्‍ना 5:6

हाओ ईशु मसीह ही छै जको अम्चे गोढु बपतिस्मा गेहणे आला पाणी, ते क्रूसा उपर बेहणे आले लुहींया लारे प्रकट हुला, सेर्फ पाणीया चे लारे ही कोनी, बल्कि पाणी ते लुहींया चे लारे आला।

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।

प्रकाशितवाक्य 7:14

मैं ओनु केहले, “हे मालिक, तु ही जाणी।” ओणे मनु केहले, “ये वे छी जको बङे क्लेशा महु निकलती कर आले। यांणे आपणी-आपणी ओढ़णी मैमणे चे लुहींया लारे धोती कर चिट्टी करली।