यूहन्‍ना 13:34 - ओङ राजपूत

³⁴ मैं तम्हानु हेक नवीं आज्ञा ङिये पला कि हेके ङुजे लारे प्रेम करा। जिंवे मैं तम्चे लारे प्रेम करला, तम्ही वी हेके ङुजे लारे प्रेम राखा।

यूहन्‍ना 13:34 ပူးပေါင်းရင်းမြစ်များ

मत्ती 5:44

पर मैं तम्हानु ईं किहे कि आपणे दुश्मना लारे प्रेम राखा ते आपणे सतावणे आला वास्ते प्राथना करा,

यूहन्‍ना 15:17

मैं तम्हानु हा आदेश ङिये पला कि तम्ही हेके ङुजे लारे प्रेम राखा।

यूहन्‍ना 17:21

हे ब़ा मैं प्राथना करे पला कि वे सब हेक हो, जिंवे तु माये मां छी ते मैं दुधे मां छै। यूंही वे वी अम्चे मां हो जाये कनु संसार विश्‍वास करो कि तु ही मनु भेज़ले।

रोमियां 12:10

भाईचारे चे प्रेम लारे हेके-ङुजे उपर दया करो, आपस मां हेके-ङुजे नु आदर चे लारे आपणे आप कनु ज्यादा समान ङिया।

रोमियां 13:10

प्रेम पड़ोसी ची कुई बुराई ना करी, ऐवास्ते प्रेम राखणे व्यवस्था नु पुरे करने छै।

रोमियां 13:8

आपसी प्रेम चे अलावा ते नेरी कुई बाते मां काया वी कर्जदार ना हुवा, कांकि जको ङुजा लारे प्रेम राखे, ओणे ही व्यवस्था नु पुरे करले।

गलातियां 5:22

पर आत्मा चा फल प्रेम, आनन्द, शान्ति, धीरज, कृपा, भलाई, विश्‍वास चे लायक,

गलातियां 5:6

मसीह ईशु मां ना खतना ते ना बिना खतना कुई कामा चा छै, पर सेर्फ विश्‍वास, जको प्रेम चे जरिये असर नाखे।

गलातियां 6:10

ऐवास्ते जिठे तक मौका मिले अम्ही सारा लारे भलाई करु इठे तक कि खास करती आपणे विश्‍वास करने आला भावां लारे।

गलातियां 6:2

ङुखा बेले हेके ङुजे ची सहायता करा तां मसीह चे व्यवस्था नु पुरे करा।

इफिसियां 5:2

ते प्रेम मां चला, जिंवे मसीह ने वी अम्चे लारे प्रेम करला, ओणे आपणे आप नु सोख ङेणे आली खुश्बु ची तरह नरीकारा नु कुर्बानी ङिली जती।

कुलुस्सियां 1:4

कांकि अम्ही सुणले छै कि मसीह ईशु उपर तम्चा विश्‍वास छै, ते सब पवित्र लौका लारे तम्ही प्रेम राखा वी।

1 थिस्सलुनीकियां 3:12

ते प्रभु इसड़े करो, कि जिसड़ा अम्ही तम्चे लारे प्रेम राखु, उसड़ा ही तम्चा प्रेम वी आपस मां, ते सारे बन्दा लारे बधो, ते बढ़ोतरी करते जावा।

2 थिस्सलुनीकियां 1:3

हे माये भऊ, तम्चे बारे मां अम्हानु हर समय नरीकारा चा धन्यवाद करना चाही छै, ते ईं ठीक वी छै, ऐवास्ते कि तम्चा विश्‍वास घणा बढ़ता जाये पला, ते तम्चा सब प्रेम आपस मां घणा ही बढ़ता जाये पला।

इब्रानियां 13:1

विश्‍वासी भावां आलीकर हेके ङुजे लारे प्रेम राखा।

याकूब 2:8

तांवी अगर तम्ही पवित्रशास्त्र चे ऐ वचना चे अनुसार कि, “तु आपणे पड़ोसीया लारे आपणे आलीकर प्रेम राख,” सच्‍चमां ओ राज़ व्यवस्था नु पुरी करा, तां आच्छे ही करा।

1 पतरस 1:22

हमा ङेखा, जिसे बेले तम्ही सच्‍चाई चा पालन करते हुले, सच्‍चे भाईचारे चे प्रीति नु उजागर करने चे वास्ते आपणी आत्मा नु पवित्र करते गेले ते पवित्र मना लारे हेके ङुजे लारे प्रेम राखा।

2 पतरस 1:7

ते भग़ती उपर भाईचारा, ते भाईचारे चे प्रेम मां बधते जावा।

1 यूहन्‍ना 3:11

कांकि जको समाचार तम्ही शुरु कनु सुणला ओ हा छै, कि अम्ही हेके-ङुजे लारे प्रेम राखु,

1 यूहन्‍ना 3:23

नरीकारा ची आज्ञा हा छै कि अम्ही नरीकारा चा पूत ईशु मसीह चे सामर्थी नांवा उपर विश्‍वास करु, ते जिसड़ा ईशु ने अम्हानु आज्ञा ङिली ओचे अनुसार आपस मां प्रेम राखु।

1 यूहन्‍ना 4:21

ते अम्हानु ईशु कनु हा आज्ञा मिड़ली, कि जको कुई आपणे नरीकारा लारे प्रेम राखे, ऊं आपणे भावां ते ब़ेहणीया लारे वी प्रेम राखे।

2 यूहन्‍ना 1:5

हमा हे असतरी, मैं तनु कुई नवीं आज्ञा कोनी, पर वाहो जको शुरु कनु अम्चे गोढु छै, लिखे पला, ते दुधे कनु बिनती करे पला कि अम्ही विश्‍वास करने आली हेके ङुजे लारे प्रेम राखु।