यूहन्‍ना 12:41 - ओङ राजपूत

⁴¹ यशायाह ने ये बाता नु ऐवास्ते केहले कि ओणे ईशु ची महिमा ङेखली ते ओणे ओचे बारे मां बाता करलीया।

यूहन्‍ना 12:41 ပူးပေါင်းရင်းမြစ်များ

लूका 24:27

तब ओणे मूसा कनु ते सारे भविष्यवक्‍ता कनु शुरु करती कर सारे पवित्रशास्त्र महु, आपणे बारे मां लिखलीया बाता चा मतलब, वानु समझाती ङिला।

यूहन्‍ना 1:14

ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

यूहन्‍ना 1:18

नरीकारा नु कङी वी किह्णी कोनी ङेखले, पर हिकड़ाते पूत जको ब़ा ची गोङी मां छै, ते खौद्द नरीकार छै, ओणे नरीकारा नु प्रकट करले।

यूहन्‍ना 14:9

ईशु ने ओनु केहले, “हे फिलिप्पुस, मैं इतने ङिहां तक तम्चे लारे छै, का तु मनु ना जाणी? जेह्णे मनु ङेखले ओणे ब़ा नु ङेखले। बल्ति तु कां किही, ‘ब़ा नु अम्हानु ङिखाण’?

यूहन्‍ना 5:39

तम्ही पवित्रशास्त्र मां सोधा कांकि तम्ही समझा कि ओचे मां तम्हानु अनन्त जीवन मिले। ते ओही पवित्रशास्त्र छै जको माई ग़वाही ङिये,

प्रेरितां चे काम 10:43

ओची सारे भविष्यवक्‍ता ग़वाही ङी कि जको कुई ओचे उपर विश्‍वास करी, ओनु ओचे नांवा चे जरिये पापा ची माफी मिली।”

2 कुरिन्थियां 4:6

कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।

इब्रानियां 1:3

ओ नरीकारा ची महिमा चे सोज़ले, ते ओचे सुभाव ची छाप छै, ते सारीया चीजा नु आपणी सामर्थ चे वचना लारे, सम्भाले। ओ अम्चे पापा नु धोती कर, स्वर्ग़ा मां सर्वशक्‍तिमान नरीकारा चे सज़्ज़े पासु जती ब़ेहला।

1 पतरस 1:11

वाणे ये बाते ची पड़ताल करली कि मसीह चा आत्मा जको वांचे मां हुता, ते पेहले कनु ही मसीह चे ङुखा ची ते वांचे बाद हुवणे आली महिमा ची ग़वाही ङिता, ये बाता ये दुनिया उपर किसे बेले हुवे ते बल्ति ये दुनिया चे का हुवी?

प्रकाशितवाक्य 19:10

ते मैं ओनु ङण्डवत करने चे वास्ते ओचे पग़्ग़ा मां ढेला, ओणे मनु केहले, ङेख, “इसड़े ना कर, मैं दुधा ते दुधे भावां चे लारे चा दास छै, जको ईशु ची ग़वाही ङेणे उपर मजबूत छै, नरीकारा नु ही ङण्डवत कर, कांकि ईशु ची ग़वाही भविष्यवाणी ची आत्मा छै।”