यूहन्‍ना 12:36 - ओङ राजपूत

³⁶ जब तक सोज़ले तम्चे लारे छै सोज़ले उपर विश्‍वास करा, कि तम्ही सोज़ले ची ऊलाद्ध बणा।” ये बाता केहती, ईशु चाह्‍ला गेला ते वाकनु लुकला रेहला।

यूहन्‍ना 12:36 ပူးပေါင်းရင်းမြစ်များ

मत्ती 21:17

बल्ति ईशु वानु उठी छोड़ती कर, यरुशलेम शहरा चे ब़ाहरु बैतनिय्याह सनु चाह्‍ला गेला, ते ओठे ओणे रात बिताली।

मत्ती 5:14

“तम्ही जग़त चे सोज़ले छिवा, जको शहर पहाड़ा उपर बसला आला छै, ओ सारा कनु लुकला आला कोनी।

लूका 16:8

“मालिक ने ओ बेईमान मुनीम ची सिफत करली कांकि ओणे चतराई लारे काम गेहले हुते। कांकि ईं संसारिक लौक आपणे जिसड़े लौका लारे व्यवहारा मां सोज़ले ची ऊलाद्धी महु घणे चत्तर छी।

यूहन्‍ना 1:7

ओ ग़वाही ङिऊं आला कि ज्योति ची ग़वाही ङियो, ताकि सारे ओचे जरिये विश्‍वास आणो।

यूहन्‍ना 11:54

ऐवास्ते ईशु ओह समय कनु यहूदिया मां उजागर हुती कर कोनी फिरला। पर उठु बरब्यान चे गोढु इफ्राईम नांवा चा हेक शहरा नु चाह्‍ला गेला, ते आपणे चैला लारे उठी रेहला।

यूहन्‍ना 12:37

ओणे वांचे सामणे इतने चैन्ह ङिखाणले, तां वी वाणे ओचे उपर विश्‍वास कोनी करला।

यूहन्‍ना 12:46

मैं संसारा मां सोज़ले हुती कर आला छै। कि जको कुई माये उपर विश्‍वास करे ऊं अन्धारे मां ना रिहो।

यूहन्‍ना 3:21

पर जको सच्‍चाई उपर टुरे ऊं सोज़ले चे गोढु आवे, ताकि ओचे काम उजागर हो कि ओचे कर्म नरीकार ची नजरी मां करले गेले।

यूहन्‍ना 8:12

ईशु ने बल्ति लौका नु केहले, “मैं संसारा चे सोज़ले छै। जको माये भांसु टुरी ऊं अन्धारे मां नी टुरी, पर जीवन चे सोज़ले मां टुरी।”

यूहन्‍ना 8:59

तब वाणे ईशु नु मारणे वास्ते पत्थर चले, पर ईशु लुकती कर मन्दरा महु निकलती गेला।

इफिसियां 5:8

कांकि पेहले तम्ही अन्धारे मां हुती पर हमा प्रभु मां आणे चे बाद तम्ही ज्योति मां आती गेली, ज्योति ची ऊलाद्धी आलीकर चला।

1 थिस्सलुनीकियां 5:5

कांकि तम्ही सारी सोज़ले ची ऊलाद्ध छिवा, ते ङिहां ची ऊलाद्ध छिवा, अम्ही ना ते राती चे छिऊं, ते ना अन्धकार चे छिऊं।

1 थिस्सलुनीकियां 5:8

पर अम्ही तां ङिहां चे छिऊं, ऐवास्ते अम्हानु आपणे आप नु बसा मां राखणे चाही छै, विश्‍वास ते प्रेम ची झिलम घालती कर ते उद्धार ची आस चा टोप घालती कर चौकस रिहा।