यूहन्‍ना 12:27 - ओङ राजपूत

²⁷ “हमा माये जी घब़रावे पले, ऐवास्ते हमा मैं का किहे? ‘हे ब़ा, मनु ये घड़ी कनु बचा’ ना, कांकि मैं येही वजह कनु येही घड़ी मां पुज़ला।

यूहन्‍ना 12:27 ပူးပေါင်းရင်းမြစ်များ

मत्ती 11:25

ओही बेले ईशु ने केहले, “हे ब़ा, स्वर्ग़ ते धरती चा प्रभु, मैं दुधा धन्यवाद करे पला कि तु यां बाता नु ज्ञानीया ते समझदारा कनु लुकाती राखलीया, ते ब़ाला उपर प्रकट करलीया,

मत्ती 11:26

हव्वे, हे ब़ा कांकि तनु ईं आच्छे लाग़ले।

मत्ती 26:42

बल्ति ईशु ने ङुजा वारी जती कर हा प्राथना करली, “हे माया ब़ा, अगर हा माये पिले बिना ना हट सग़ी तां दुधी इच्छा पुरी हो।”

मत्ती 26:45

तब ओणे चैला चे गोढु आती कर वानु केहले, “हमा नूहले रिहा, ते आराम करा, ङेखा, घड़ी आती पुज़ली छै, ते मैं इन्साना चा पूत पापीया चे हाथु पकड़वाला जाणे उपर छै।

लूका 22:44

ते ओ होर ज्यादा संकट मां बैचेन हुती कर ते देल लाती प्राथना करु लाग़ला, ते ओचा पसीना मना लुहींया चा बङीया-बङीया फेंगा आलीकर भोंये उपर ढी पलतीया।

लूका 22:53

जब मैं मन्दरा मां हर ङिओ तम्चे लारे हुता, तां तम्ही मनु हाथ कोनी लाला, पर हा तम्ची घड़ी छै, ते अन्धकार चा अधिकार छै।”

यूहन्‍ना 11:41

बल्ति वाणे ओह पत्थरा नु हटाले। ईशु ने आंखी उपर करती कर केहले, “हे नरीकारा ब़ा, मैं दुधा शुक्र करे कि तु माई सुणती गेली।

यूहन्‍ना 12:23

ऐचे उपर ईशु ने वानु केहले, “ओ समय आती गेला कि मैं इन्सान चे पूता ची महिमा हो।

यूहन्‍ना 13:21

ये बाता केहती कर ईशु आत्मा मां उदास हुला ते हा ग़वाही ङिली, “मैं तम्हानु सच्‍च-सच्‍च किहे पला कि तम्चे महु हेक मनु धोक्‍के लारे पकड़वावी।”

यूहन्‍ना 18:37

पिलातुस ने ओनु केहले, “तां का तु राजा छी?” ईशु ने उत्तर ङिला, “तु किही कि मैं राजा छै। मैं ऐवास्ते जनम गेहला ते ऐवास्ते संसारा मां आला छै कि सच्‍चाई ची ग़वाही ङिये। जको कुई सच्‍चाई चे छै, ऊं माये शब्द सुणे।”

1 तीमुथियुस 1:15

हा बात सच्‍च ते हर तरह मनणे चे लायक छै, कि मसीह ईशु पापीया चा उद्धार करने चे वास्ते संसारा मां आला, जाये महु सबकनु बङा मैं छै।

इब्रानियां 2:14

ऐवास्ते कि ऊलाद्ध लुहींया ची ते मांस ची हुवे, मसीह ईशु वी लुहीं ते मांस चे हुती गेले कि मौत चे जरिये ओ ओनु यानि शैताना नु, जाये मां मौत ची ताकत हुती, कमजोर करती ङियो

इब्रानियां 5:7

ईशु ने आपणी देह मां रेहणे चे ङिहां मां ऊंची अवाजी मां हींजवे बाहती-बाहती कर ओकनु जको ओनु मौत कनु बचा सग़ेला, प्राथना ते बिनती करली ते भग़ती ची वजह ओची सुणली गेली।