यूहन्‍ना 11:40 - ओङ राजपूत

⁴⁰ ईशु ने केहले, “का मैं तनु कोनी केहले हुते कि अगर तु विश्‍वास करे तां, नरीकारा ची महिमा ङेखे?”

यूहन्‍ना 11:40 ပူးပေါင်းရင်းမြစ်များ

मत्ती 17:20

ओणे वानु केहले, “आपणे विश्‍वास ची कमी ची वजह, कांकि मैं तम्हानु सच्‍च किहे पला, अगर तम्हानु राई चे ङाणे चे बराबर वी विश्‍वास हो, तां ऐ पहाड़ा नु केह सग़ा, ‘इठु सरकती कर ओठे चाह्‍ला जा’ तां ओ चाह्‍ला जई, नेरी कुई बात तम्चे वास्ते असम्भव नी हुवी।

मरकुस 9:23

ईशु ने ओनु केहले, “अगर तु कर सग़ी? हा का बात छै। विश्‍वास करने आला वास्ते सब कोच्छ हो सग़े छै।”

यूहन्‍ना 1:14

ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

यूहन्‍ना 11:4

ईशु ने जिसे बेले ईं सुणले, ते ओ ब़ोला, “हा बिमारी जान लेवा कोनी, बल्कि नरीकारा ची महिमा नु उजागर करने वास्ते छै, जाये कनु नरीकारा चे पूता नु महिमा मिली।”

यूहन्‍ना 12:41

यशायाह ने ये बाता नु ऐवास्ते केहले कि ओणे ईशु ची महिमा ङेखली ते ओणे ओचे बारे मां बाता करलीया।

यूहन्‍ना 9:3

ईशु ने केहले, “ना तां ऐणे पाप करला ना ही ऐचे आई-ब़ा ने, पर ईं ऐवास्ते हुले कि नरीकारा चे काम ओचे उपर प्रकट हो।

रोमियां 6:4

ऐवास्ते वे मौत चा बपतिस्मा गेहणे लारे अम्ही ओचे लारे दफनाले गेले, ताकि जिंवे मसीह परमपिता ची महिमा चे जरिये मरला आला महु जिवाला गेला, यूहीं ही अम्ही वी नवें जीवन चे अनुसार चाल चलु।

2 कुरिन्थियां 3:18

पर जब अम्चे सब चे उघाड़े चेहरे कनु प्रभु ची महिमा यूं प्रकट हुवे, जिंवे करती शीशे मां हुवे। तां प्रभु चे जरिये जको आत्मा छै, अम्ही ओचे तेजस्वी रुप मां अंश-अंश करती बदलते जऊं पले।

2 कुरिन्थियां 4:6

कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।