यूहन्‍ना 11:4 - ओङ राजपूत

⁴ ईशु ने जिसे बेले ईं सुणले, ते ओ ब़ोला, “हा बिमारी जान लेवा कोनी, बल्कि नरीकारा ची महिमा नु उजागर करने वास्ते छै, जाये कनु नरीकारा चे पूता नु महिमा मिली।”

यूहन्‍ना 11:4 ပူးပေါင်းရင်းမြစ်များ

यूहन्‍ना 10:38

पर अगर मैं करे, तां चाहे माया विश्‍वास ना वी करा, पर वा कामा चा तां विश्‍वास करा, ताकि जाणा ते समझा कि ब़ा माये मां छै, ते मैं ब़ा मां छै।”

यूहन्‍ना 11:40

ईशु ने केहले, “का मैं तनु कोनी केहले हुते कि अगर तु विश्‍वास करे तां, नरीकारा ची महिमा ङेखे?”

यूहन्‍ना 12:28

हे ब़ा, तु दुधे नांवा ची महिमा ङिखाण!” बल्ति स्वर्ग़ा महु हा अवाज आली, “मैं माई महिमा ङिखाणली, ते नेरी वी ङिखाणी।”

यूहन्‍ना 17:1

ईशु ने ये बाता केहलीया, ते आपणीया आंखी आसमाना सनु चती कर प्राथना करली “हे पिताजी, वा घड़ी आती पुज़ली। आपणे पूता ची महिमा कर, कि पूत वी दुधी महिमा करो।

यूहन्‍ना 17:10

जको जन माये छै ऊं सब जन दुधे छै, ते जको जन दुधे छै ऊं जन माये छै। ते यांचे कनु माई महिमा प्रकट हुली छै।

यूहन्‍ना 17:5

हमा, हे पिताजी, तु आपणे लारे माई महिमा वे महिमा लारे कर जको संसारा ची सृष्टि कनु पेहले माई दुधे लारे हुती।

यूहन्‍ना 2:11

ईशु ने जको अचम्भे चे काम गलील चे काना शहरा मां करले ईशु ने आपणा हा पेहला चैन्ह ङिखाणती कर आपणी महिमा प्रकट करली ते ओचे चैला ने ईशु उपर विश्‍वास करला।

यूहन्‍ना 5:23

ऐवास्ते कि सारे लौक जिंवे ब़ा चा कद्दर करी यूंही पूता चा वी कद्दर करा। जको पूता चा कद्दर ना करी ओह ब़ा चा जेह्णे ओनु भेज़ले कद्दर ना करी।

यूहन्‍ना 8:54

ईशु ने उत्तर ङिला, “अगर मैं आप आपणी महिमा करे, तां माई महिमा कोच्छ कोनी। पर माई महिमा करने आला माया ब़ा नरीकार छै, जानु तम्ही किहा कि ‘ओ अम्चा नरीकार छै।’

यूहन्‍ना 9:24

यहूदी नेता ने ओ बन्दे जको अन्धा हुता बल्ति ङुजी वारी हकारती केहले, “तु ठीक हुला ओची महिमा नरीकारा नु ङे, ओ बन्दे नु ना। कांकि अम्हानु पता छै ऊं बन्दे पापी छै।”

यूहन्‍ना 9:3

ईशु ने केहले, “ना तां ऐणे पाप करला ना ही ऐचे आई-ब़ा ने, पर ईं ऐवास्ते हुले कि नरीकारा चे काम ओचे उपर प्रकट हो।

रोमियां 11:11

तां मैं किहे पला का वाणे ऐवास्ते ठोकर खाली कि ढेती पड़ो? कङी वी ना। पर वांचे ढेणे ची वजह नेरीया जातिया नु उद्धार मिड़ला, कि वानु रीस हो।

फिलिप्पियां 1:11

धार्मिकता चे आच्छे गोण जको ईशु मसीह कनु मिले ओचे लारे तम्ही भरीले रिहा जाये कनु नरीकारा ची महिमा ते स्तुति हुती रिहो।

फिलिप्पियां 1:20

मैं तां हाओ दिला ची लालसा ते आस राखे कि मैं कुई बाते मां शर्मिन्दा ना हुवे, पर जिंवे माई बङी हिम्मत चे जरिये मसीह ची बढ़ाई माये शरीरा चे जरिये सदा हुती रेहली, यूंही हमा वी हो, चाहे मैं जीता रिहे जा मरती जाये।

1 पतरस 1:21

जको ओचे जरिये ओ नरीकारा उपर विश्‍वास करा, जेह्णे ओनु मरले आला महु जीते करले, ते महिमा ङिली, कि तम्चा विश्‍वास ते उम्मीद नरीकारा उपर हो।

1 पतरस 4:11

अगर कुई ब़ोलो, तां इसड़े ब़ोलो मना नरीकारा चा वचन छै, अगर कुई सेवा करे, तां वे ताकती लारे करो जको नरीकार ङिये, जाये मां सारीया बाता ईशु मसीह चे जरिये, नरीकारा ची महिमा प्रकट हो। महिमा ते साम्राज्य युगानयुग ओचा छै। आमीन।

1 पतरस 4:14

अगर तम्ची मसीही चे नांवा उपर बेकदरी हुवे, तां वे बेकदरी नु सहन करती गिहा कांकि तम्ही धन्‍न छिवा। कांकि महिमा ची आत्मा, जको नरीकारा चा आत्मा छै तम्चे मां वास करे।