यूहन्‍ना 10:16 - ओङ राजपूत

¹⁶ माया नेरीया वी भेङा छी जको वे ये भेङशाला ची कोनी। मनु वानु गेहती आणे जरुरी छै। वे वी माई अवाज सुणे, बल्ति हेक ही झोण्ड ते हेक ही आजड़ी हुवी।

यूहन्‍ना 10:16 ပူးပေါင်းရင်းမြစ်များ

मत्ती 17:5

ओ ब़ोले ही पलता कि हेक चिट्टे बदला ने वानु घेरती गेले, ते ओ बदला महु हा अवाज आली, “हा माया प्यारा पूत छै, जाये कनु मैं खौश छै। ऐची सुणा!”

लूका 15:8

“जा कूण इसड़ी असतरी हुवी जाये कनु ङस सिक्‍के हो, ते वांचे महु हेक गार हुती जाओ, तां वा ङीवा ब़ालती कर ते घर छंडकती-ब़ुहारती, जब तक मिलती ना जाओ जी लाती सोती ना रिहो?

यूहन्‍ना 10:11

“आच्छा आजड़ी मैं छै। आच्छा आजड़ी भेङा चे वास्ते आपणी जान ङिती ङिये।

यूहन्‍ना 10:2

पर जको दरवाजे कनु भीतर आवे ओह भेङा चा आजड़ी छै।

यूहन्‍ना 10:27

माया भेङा माई अवाज सुणी, मैं वानु जाणे, ते वे माये भांसु-भांसु टुरी।

यूहन्‍ना 10:3

ओचे वास्ते चौकीदार दरवाजे खोलती ङिये, ते भेङा ओची अवाज सुणी। ओह आपणीया भेङा चे नां गेहती कर हकारे ते ब़ाहर गेहती जाये।

यूहन्‍ना 10:4

जिसे बेले ओह आपणीया सारीया भेङा नु ब़ाहर काढ़ती गिहे, ते वांचे आग़ु-आग़ु टुरे ते भेङा ओचे भांसु-भांसु टुरती पड़ी, कांकि वे ओचीया अवाज पिछाणी।

यूहन्‍ना 10:5

वे पराये भांसु नी जाये, पर आजड़ी सनु द्रोड़े, कांकि वे पराई अवाज ना पिछाणी।”

यूहन्‍ना 11:52

ते ना सेर्फ ओह यहूदिया चे वास्ते, बल्कि ऐवास्ते कि नरीकारा ची खिंडली आली ऊलाद्धी नु हेक करती ङियो।

यूहन्‍ना 17:20

“मैं हेको यांचे वास्ते प्राथना ना करी, पर वांचे वास्ते वी जको वांचे वचना चे जरिये माये उपर विश्‍वास करे।

यूहन्‍ना 6:37

हर हेक बन्दे जको नरीकारा ने मनु सोंपले वे माये गोढु आवे, जको माये गोढु आवे मैं वानु कङी वी नी काढ़ी।

प्रेरितां चे काम 15:14

शमौन ने बावड़ले कि शुरुआत कनु ही नरीकारा ने किसे तरीके लारे नेरीया जातिया महु आपणे नांवा वास्ते हेक प्रजा चुणने ची कृपा करली।

प्रेरितां चे काम 18:10

कांकि मैं दुधे लारे छै, कुई वी दुधे उपर हमला करती कर तनु नुकसान ना पुचा सग़ी, कांकि ऐह शहरा मां माये घणे सारे विश्‍वासी लौक छी।”

प्रेरितां चे काम 22:14

“तब ओणे मनु केहले, ‘अम्चे ङाङा-ब़ा चे नरीकारा ने तनु ऐवास्ते ठहराले कि तु ओची इच्छा नु जाण, ते ओ धर्मी नु ङेखे, ओचे मुँहा कनु बाता सुणे।

रोमियां 11:25

हे माये भऊ, कङी इसड़े ना हो, कि तम्ही आपणे नु ब़ुध्दिमान समझती गिहा, ऐवास्ते मैं ना चाहवी कि तम्ही ऐ भेद कनु अणजाण रिहा, कि जब तक नेरीया जातिया पुरी तरह मसीह मां आती ना जई, तब तक इस्राएल चा हेक हेंस्सा इसड़ा ही कठोर रिही।

2 थिस्सलुनीकियां 2:13

हे माये भऊ, ते प्रभु चे प्यारे लौक, चाही छै कि अम्ही तम्चे बारे मां सदा नरीकारा चा धन्यवाद करते रिहुं, कांकि नरीकारा ने आदि कनु तम्हानु चुणती गेले, कि पवित्र आत्मा चे जरिये पवित्र बणती कर, ते सच्‍चाई उपर भरोसा करती कर उद्धार पावा।

इब्रानियां 13:20

शान्ति चा नरीकार, जेह्णे भेङा चे महान आजड़ी यानि मसीह ईशु, अम्चे प्रभु ईशु नु अनन्त वाचा चे लुहींया चे जरिये मरले आला महु जीते करले,

1 पतरस 2:10

“तम्ही पेहले तां कहीं वी कोनी हुते, पर हमा नरीकारा चा वंश छिवा। तम्चे उपर दया कोनी हुली हुती, पर हमा तम्चे उपर नरीकारा ची दया हुली।”

1 पतरस 2:25

कांकि तम्ही पेहले भटकलीया आलीया भेङा आलीकर हुते, पर हमा तम्ही आपणे आजड़ी ते आत्मा ची रखवाली करने आले सनु पुठे फिरती आले।

1 पतरस 5:4

जिसे बेले प्रधान रखवाला प्रकट हुवी तां तम्हानु महिमा चा मुग़ट ङिला जई ओची शोभा कङी नी घटी।

प्रकाशितवाक्य 3:20

ङेख, मैं दरवाजे उपर भिले रेहती कर खड़कावे। अगर कुई माई अवाज सुणती कर दरवाजे खोले तां मैं ओचे गोढु भीतर आती कर ओचे लारे खाणे खई, ते ऊं माये लारे।