यूहन्‍ना 10:15 - ओङ राजपूत

¹⁵ जिंवे कि ब़ा मनु जाणे ते मैं ब़ा नु जाणे। मैं आपणीया भेङा वास्ते आपणी जान ङिये।

यूहन्‍ना 10:15 ပူးပေါင်းရင်းမြစ်များ

मत्ती 11:27

“माये ब़ा ने मनु सब कोच्छ सोंपती ङिले, ते कुई पूता नु ना जाणी, सेर्फ ब़ा, ते कुई ब़ा नु ना जाणी सेर्फ पूत, ते ओ जाये उपर पूत ओनु प्रकट करना चाहवे।

मत्ती 20:28

जिंवे कि मैं इन्साना चा पूत, ऐवास्ते कोनी आला कि ओची सेवा-टहल करली जाओ, पर ऐवास्ते आला कि आप सेवा-टहल करो, ते ब़ोहता नु छुड़ावणे वास्ते आपणे प्राण ङियो।”

लूका 10:21

ओही बेले ईशु पवित्र आत्मा मां हुती कर खुशी लारे भरीती गेला, ते केहले, “हे ब़ा, स्वर्ग़ ते धरती चा प्रभु, मैं दुधा धन्यवाद करे पला कि तु यां बाता नु ज्ञानीया ते समझदारा कनु लुकाती राखलीया, ते ब़ाला उपर प्रकट करलीया। हव्वे, हे ब़ा, कांकि तनु ईं आच्छे लाग़ले।

लूका 10:22

“माये ब़ा ने मनु सब कोच्छ सोंपती ङिले, ते कुई ना जाणी कि पूत कूण छै, सेर्फ ब़ा, ते ब़ा कूण छै, ईं वी कुई ना जाणी, सेर्फ पूता चे, ते ओ जाये उपर पूत ओनु प्रकट करना चाहवे।”

यूहन्‍ना 1:18

नरीकारा नु कङी वी किह्णी कोनी ङेखले, पर हिकड़ाते पूत जको ब़ा ची गोङी मां छै, ते खौद्द नरीकार छै, ओणे नरीकारा नु प्रकट करले।

यूहन्‍ना 10:11

“आच्छा आजड़ी मैं छै। आच्छा आजड़ी भेङा चे वास्ते आपणी जान ङिती ङिये।

यूहन्‍ना 15:13

ऐकनु बङा प्रेम काया वी कोनी कि कुई आपणे मित्रा वास्ते आपणी जान ङिये।

यूहन्‍ना 17:25

“हे धार्मिक ब़ा, संसारा ने तनु कोनी जाणले, पर मैं तनु जाणले, ते यां लौका ने वी जाणले कि तु ही मनु भेज़ले।

यूहन्‍ना 6:46

वास्तव मां ब़ा नरीकारा नु किह्णी वी कोनी ङेखले, सेर्फ मैं ही ब़ा नरीकारा नु ङेखले, जेह्णे मनु भेज़ले।

यूहन्‍ना 8:55

तां वी तम्ही तां ओनु कोनी जाणले, पर मैं ओनु जाणे। अगर मैं किहे कि मैं ओनु ना जाणी, तां मैं वी तम्चे आलीकर कूड़ा ठहरी, पर मैं ओनु जाणे ते ओचे वचना उपर चले।

गलातियां 1:4

प्रभु ईशु मसीह ने आपणे आप नु अम्चे पापा चे वास्ते ङिती ङिले, ताकि अम्चे नरीकार ते ब़ा ची इच्छा चे अनुसार अम्हानु ऐ वर्तमान बुरे संसारा कनु छुड़ाओ।

गलातियां 3:13

मसीह अम्चे वास्ते श्रापित बणला, अम्हानु मोल गेहती व्यवस्था चे श्राप कनु छुड़ाले, कांकि लिखले पले, “जको कुई काठ चे उपर लटकाले जाये ओ श्रापित छै।”

इफिसियां 5:2

ते प्रेम मां चला, जिंवे मसीह ने वी अम्चे लारे प्रेम करला, ओणे आपणे आप नु सोख ङेणे आली खुश्बु ची तरह नरीकारा नु कुर्बानी ङिली जती।

तीतुस 2:14

जेह्णे आपणे आप नु अम्चे वास्ते ङिती ङिले, कि अम्हानु हर-तरहा चे अधर्म कनु छुड़ाती गिहो, शोद्ध करती आपणे वास्ते हेक इसड़ी जाति बणाती गिहो जको भले-भले कामा मां तियार हो।

1 पतरस 2:24

ओ खौद्द ही अम्चे पापा नु आपणे शरीरा चे उपर चती कर क्रूसा उपर चढ़ती गेला, जाये कनु अम्ही पापा चे वास्ते मरती कर धार्मिकता चे वांचे वास्ते जीवन बिताऊं, ओचे ही मार खाणे ची वजह कनु तम्ही चंगे हुले।

1 पतरस 3:18

कांकि मसीह ने वी अम्चे पापा चे वास्ते ङोख भोग़ले। यानिकि ओ बेकसूर हुता। अम्चे पापा चे वास्ते हेक वारी मरती गेला कि अम्हानु नरीकारा चे गोढु गेहती जाओ। शरीरा चे जरिये तां ओ मारला गेला, पर आत्मा चे जरिये जिवाला गेला।

1 यूहन्‍ना 2:2

ते ओही अम्चे पापा चे वास्ते बलिदान हुला, ते सेर्फ अम्चे ही कोनी बल्कि सारे संसार चे पापा चे वास्ते वी।