यूहन्‍ना 10:14 - ओङ राजपूत

¹⁴ “आच्छा आजड़ी मैं छै, मैं आपणीया भेङा नु जाणे माया भेङा मनु जाणी,

यूहन्‍ना 10:14 ပူးပေါင်းရင်းမြစ်များ

यूहन्‍ना 10:11

“आच्छा आजड़ी मैं छै। आच्छा आजड़ी भेङा चे वास्ते आपणी जान ङिती ङिये।

यूहन्‍ना 10:13

ऐवास्ते नासती जाये कि ओह मजदूर छै ओनु भेङा ची चिन्ता कोनी।

यूहन्‍ना 10:27

माया भेङा माई अवाज सुणी, मैं वानु जाणे, ते वे माये भांसु-भांसु टुरी।

यूहन्‍ना 17:3

ते अनन्त जीवन हा छै, कि वे तनु हेक ही सच्‍चे नरीकारा नु, ते ईशु मसीह नु, जानु तु भेज़ले, जाणो।

यूहन्‍ना 17:8

कांकि जको वचन तु मनु ङिले मैं वे वानु पुचाती ङिले ते वाणे ओनु ग्रहण करले। ते सच्‍च-सच्‍च जाणती गेले कि मैं दुधे तरफु आला, ते विश्‍वास करती गेला कि तु ही मनु भेज़ले।

2 कुरिन्थियां 4:6

कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।

इफिसियां 1:17

कि अम्चे प्रभु ईशु मसीह चा नरीकार जको महिमा चा ब़ा छै, तम्हानु आपणी पिछाण मां ज्ञान ते सोज़ले ची आत्मा ङियो,

इफिसियां 3:19

ते तम्ही मसीह चे ओ प्यारा नु जाणती गिहा जको समझ कनु ब़ाहर छै ताकि तम्ही नरीकारा ची भरपूरी लारे भरीती जावा।

फिलिप्पियां 3:8

ऐकनु वी बङी बात हा छै कि मैं आपणे प्रभु ईशु मसीह चे ज्ञान ची श्रेष्टता ची वजह कनु आज़ तक सब चीजा नु फायदा चीया ना समझी। ओचे वास्ते मैं सब कोच्छ त्याग़ती ङिले ते मैं सब चीजा कनु नफरत करु लाग़ला। ताकि मसीह नु गे सग़े।

2 तीमुथियुस 1:12

येही वजह मैं ऐ कैदखाने चे ङुखा नु चवे पला, पर शर्म ना करी, कांकि मैं ओनु जाये उपर मैं विश्‍वास करला, जाणे पला, ते मनु पक्‍के छै कि जको मनु सोंपला गेला ओ आखरी ङिओ तक रखवाली करी।

2 तीमुथियुस 2:19

तां वी नरीकारा ची पक्‍की नीम बणली रिहे, ते ओचे उपर हा छाप लाग़ली पली, “प्रभु आपणा नु पिछाणे,” ते “जको कुई प्रभु चे नां गिहे, ऊं अधर्म कनु बचले रिहो।”

1 यूहन्‍ना 5:20

तां हा वी अम्ही जाणु कि, नरीकारा चा पूत आती गेला ते ओणे अम्हानु हा समझ ङिली, कि अम्ही ओ सच्‍च नु पिछाणु, ते अम्ही ओचे मां जको सच्‍चाई छै, यानिकि ओचे पूत ईशु मसीह चे लारे रिहुं, सच्‍चा नरीकार ते अनन्त जीवन हाओ छै।

प्रकाशितवाक्य 2:13

मैं ईं जाणे कि तु ओठे रिही जिठे शैताना चा सिंहासन छै, तु माये नांवा उपर मजबूत रिही, ते माये उपर विश्‍वास करने मां वां ङिहां मां वी भांसु कोनी हटला जाये मां माया विश्‍वास लायक ग़वाह अन्तिपास, तम्चे आधे मां वे जग़हा उपर मारला गेला जिठे शैतान रिहे।

प्रकाशितवाक्य 2:19

मैं दुधे काम, दुधा प्रेम ते विश्‍वास ते सेवा ते सब्रा नु जाणे ते ईं वी कि दुधे भांसले काम पेहला कनु बधती कर छी।

प्रकाशितवाक्य 2:2

मैं दुधे काम, ते दुधी मेहनत, ते दुधे सब्रा नु जाणे। ते ईं वी कि तु बुरे लौका नु ङेख ना सग़ी, ते जको आपणे आप नु प्रेरित किही, ते छी कोनी, वानु तु परखती कर कूड़े ङेखले।

प्रकाशितवाक्य 2:9

मैं दुधे क्लेश ते लाचारी नु जाणे, पर तु अमीर छी, ते जको लौक आपणे आप नु यहूदी किही ते छी कोनी, पर शैताना ची सभा छी, ते वांची निन्दा नु वी जाणे।

प्रकाशितवाक्य 3:1

“सरदीस ची कलीसिया चे दूता नु ईं लेख, “जाये गोढु नरीकारा चीया सात आत्मा, ते सात तारे छी, ओ ईं किहे पला कि मैं दुधे कामा नु जाणे, तु जीता तां किहवावी, पर छी मरला आला।

प्रकाशितवाक्य 3:15

मैं दुधे कामा नु जाणे कि ना तां तु ठाडा छी ते ना गर्म, भले हुवीया कि तु ठाडा जा गर्म हुवीया।

प्रकाशितवाक्य 3:8

मैं दुधे कामा नु जाणे, ङेख, मैं दुधे सामणे हेक दरवाजे खोड़ले आले छै, जानु कुई बन्द ना कर सग़ी, दुधी सामर्थ थोड़ी जी तां छै, बल्ति वी तु माये वचना चा पालन करला ते माये नांवा चा इन्कार कोनी करला।