यूहन्‍ना 10:10 - ओङ राजपूत

¹⁰ चोर किसी नेरे कामा वास्ते ना पर हेको चोरी करने वास्ते ते मारणे ते बर्बाद करु आवे, पर मैं ऐवास्ते आला कि वानु जीन्दगी मिलो, भरपूर जीन्दगी मिलो।

यूहन्‍ना 10:10 ပူးပေါင်းရင်းမြစ်များ

मत्ती 18:10

“ङेखा, तम्ही यां छोटा महु कानु वी तोच्छ ना जाणा, कांकि मैं तम्हानु किहे पला कि स्वर्ग़ा मां वांचे स्वर्ग़दूत माये स्वर्ग़ीय ब़ा नरीकारा चे मुँह सदा ङेखी।

मत्ती 18:11

कांकि मैं इन्साना चा पूत गार हुला आला नु बचाऊं आला।

मत्ती 20:28

जिंवे कि मैं इन्साना चा पूत, ऐवास्ते कोनी आला कि ओची सेवा-टहल करली जाओ, पर ऐवास्ते आला कि आप सेवा-टहल करो, ते ब़ोहता नु छुड़ावणे वास्ते आपणे प्राण ङियो।”

मत्ती 21:13

ते ओणे केहले, “लिखले आले छै, ‘माये घर प्राथना चे घर किहवावी,’ पर तम्ही ओनु ङाकुवा ची घौर बणाती नाखली।”

मत्ती 23:13

“हे कप्पटी शास्त्री ते फरीसी, तम्चे उपर हाय! तम्ही इन्साना वास्ते स्वर्ग़ चे राज़ चे दरवाजे बन्द करती नाखा, ना तां आप ही ओचे मां जावा, ते ना ओचे मां जाणे आला नु जऊं ङिया।

मरकुस 11:17

उपदेश करती कर वानु केहले, “का ईं कोनी लिखले आले छै माये घर सारीया जातिया वास्ते प्राथना चे घर किहवावी? पर तम्ही ओनु ङाकुवा ची घौर बणाती नाखली।”

लूका 19:10

कांकि मैं इन्साना चा पूत गार हुला आला नु सोधु, ते वांचा उद्धार करु आला।”

यूहन्‍ना 10:1

ईशु ने बल्ति वानु केहले, “मैं तम्हानु सच्‍च किहे कि जको कुई दरवाजे कनु बाड़ी मां ना आवी, पर किठु ङुजी जग़हा कनु चढ़ती आवे, ओह चोर ते ङाकु छै।

यूहन्‍ना 10:11

“आच्छा आजड़ी मैं छै। आच्छा आजड़ी भेङा चे वास्ते आपणी जान ङिती ङिये।

यूहन्‍ना 12:47

“अगर कुई माया बाता सुणती कर ना मनी, मैं ओनु दोषी ना ठहरावी। कांकि मैं संसारा नु दोषी ठहराणे वास्ते कोनी, पर संसारा चा उद्धार करने वास्ते आला।

यूहन्‍ना 12:6

ओणे हा बात ऐवास्ते कोनी केहले कि ओनु कंगाला ची चिन्ता हुती पर ऐवास्ते कि ओह चोर हुता। ओचे कनु वांची ग़ुथली रेहती, ओचे मां जको कहीं नाखले जते ओ काढ़ती गेहता।

यूहन्‍ना 3:17

नरीकारा ने आपणे पूता नु संसारा मां ऐवास्ते कोनी भेज़ले कि संसारा उपर ङण्ड ची आज्ञा ङियो, पर ऐवास्ते कि संसार ओचे जरिये उद्धार गिहो।

यूहन्‍ना 5:40

बल्ति वी तम्ही अनन्त जीवन गेहणे वास्ते माये गोढु आणे ना चाहवा।

यूहन्‍ना 6:33

कांकि ब़ा नरीकारा ची रोटी वा छै जको स्वर्ग़ा कनु उतरती संसारा नु जीवन ङिये।”

यूहन्‍ना 6:51

मैं ही वा जीती रोटी छै जको स्वर्ग़ा कनु उतरली। अगर ये रोटी नु कुई खाये ते ऊं सदा जीते रिही। ते वा रोटी जानु मैं ङिही माये शरीर छै, ऐची वजह कनु संसार जीता रिही।”

रोमियां 2:21

का तु नेरा नु सिखावी, आपणे-आप नु ना सिखावी? का तु चोरी ना करने चा उपदेश ङिही, तु आप-खौध्द ही चोरी करी?

1 तीमुथियुस 1:15

हा बात सच्‍च ते हर तरह मनणे चे लायक छै, कि मसीह ईशु पापीया चा उद्धार करने चे वास्ते संसारा मां आला, जाये महु सबकनु बङा मैं छै।

इब्रानियां 6:17

ऐवास्ते जब नरीकारा ने वायदे चे वारिसा चे उपर होर वी साफ रीति लारे उजागर करने चाह्‍ले कि ओची मनसा बदल ना सग़ी, तां कसमी नु बीच मां आणले।

इब्रानियां 7:25

ऐवास्ते जको ओचे जरिये नरीकारा चे गोढु आवी ओ वांचा पूरा-पूरा उद्धार कर सग़े, कांकि ओ वांचे वास्ते बिनती करने वास्ते सदा जीता छै।

2 पतरस 1:11

बल्कि यूं करती तम्ही अम्चे प्रभु ते उद्धारकर्ता ईशु मसीह चे अनन्त राज़ मां बङे कद्दरा लारे स्वागत करला जई।