यूहन्‍ना 1:14 - ओङ राजपूत

¹⁴ ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

यूहन्‍ना 1:14 ပူးပေါင်းရင်းမြစ်များ

मत्ती 1:16

ते याकूब कनु यूसुफ पैदा हुला, जको मरियम चा मोणस हुता, ते मरियम कनु ईशु जको मसीह किहवावे, पैदा हुला।

लूका 2:11

कांकि आज़ दाऊद चे शहरा मां तम्चे वास्ते हेक मुक्‍तिदाता जमला, हाओ ही मसीह प्रभु छै।

लूका 2:7

ते विचा आपणा पलेठी चा पूत जमला, ते ओनु ओढ़णे मां बलेठती कर बन्दरी मां नाखले, कांकि वांचे वास्ते सराय मां जग़हा कोनी हुती।

लूका 9:32

पतरस ते ओचे साथी गेहरी नीङे मां पलते, ते जिसे बेले आच्छी तरह जाग़ले, ते ओची महिमा ते वा ङुंहु मर्दा नु, जको ओचे लारे भिलते ले, ङेखले।

यूहन्‍ना 1:1

आदि मां वचन हुता, ते वचन नरीकारा चे लारे हुता, ते वचन नरीकार हुता।

यूहन्‍ना 11:40

ईशु ने केहले, “का मैं तनु कोनी केहले हुते कि अगर तु विश्‍वास करे तां, नरीकारा ची महिमा ङेखे?”

यूहन्‍ना 14:6

ईशु ने वानु केहले, “मार्ग़, सच्‍चाई ते जीन्दगी मैं ही छै। बिना माये जरिये कुई नरीकार ब़ा गोढु पोज़ ना सग़ी।

यूहन्‍ना 14:9

ईशु ने ओनु केहले, “हे फिलिप्पुस, मैं इतने ङिहां तक तम्चे लारे छै, का तु मनु ना जाणी? जेह्णे मनु ङेखले ओणे ब़ा नु ङेखले। बल्ति तु कां किही, ‘ब़ा नु अम्हानु ङिखाण’?

यूहन्‍ना 17:22

वा महिमा जको तु मनु ङिली मैं वानु ङिली, कि वे यूंही हेक हो जिंवे कि अम्ही हेक छिऊं।

यूहन्‍ना 17:24

“हे ब़ा, मैं चाहवे कि जानु तु मनु ङिले जिठे मैं छै ओठे वे वी माये लारे हो, कि वे माई वा महिमा ङेखो, जको तु मनु ङिली कांकि तु संसारा ची उत्पत्ति चे पेहले माये लारे प्रेम राखला।

यूहन्‍ना 18:37

पिलातुस ने ओनु केहले, “तां का तु राजा छी?” ईशु ने उत्तर ङिला, “तु किही कि मैं राजा छै। मैं ऐवास्ते जनम गेहला ते ऐवास्ते संसारा मां आला छै कि सच्‍चाई ची ग़वाही ङिये। जको कुई सच्‍चाई चे छै, ऊं माये शब्द सुणे।”

यूहन्‍ना 2:11

ईशु ने जको अचम्भे चे काम गलील चे काना शहरा मां करले ईशु ने आपणा हा पेहला चैन्ह ङिखाणती कर आपणी महिमा प्रकट करली ते ओचे चैला ने ईशु उपर विश्‍वास करला।

यूहन्‍ना 3:16

कांकि नरीकारा ने संसारा लारे इसड़ा प्रेम राखला कि ओणे आपणा हिकड़ाता चा पूत ङिती ङिला, कि जको कुई ओचे उपर विश्‍वास करे ऊं नाश ना हो पर अनन्त जीवन गिहो।

यूहन्‍ना 3:18

जको कुई ओचे उपर विश्‍वास करे ओचे उपर ङण्ड ची आज्ञा नी हुवी, पर जको ओचे उपर विश्‍वास ना करी ओह दोषी हुती गेला, ऐवास्ते कि ओणे नरीकारा चे हिकड़ाते पूता चे नांवा उपर विश्‍वास कोनी करला।

यूहन्‍ना 6:51

मैं ही वा जीती रोटी छै जको स्वर्ग़ा कनु उतरली। अगर ये रोटी नु कुई खाये ते ऊं सदा जीते रिही। ते वा रोटी जानु मैं ङिही माये शरीर छै, ऐची वजह कनु संसार जीता रिही।”

यूहन्‍ना 8:32

तम्ही सच्‍च नु जाणा, ते सच्‍च तम्हानु आजाद करी।”

प्रेरितां चे काम 13:33

कि नरीकारा ने ईशु नु जीते करती कर, ओही वायदा अम्ची ऊलाद्धी वास्ते पूरा करला, जिसड़े भज़न संहिता मां वी लिखले पले, “ ‘तु माया पूत छी, आज़ मैं ही तनु पैदा करले।’

रोमियां 8:3

कांकि जको काम व्यवस्था, शरीरा चे वजह दुर्बल हुती कर ना कर सग़ली, ओनु नरीकारा ने करले, यानिकि आपणे ही पूता नु पापमय शरीरा ची समानता मां, ते पाप चे बलिदान हुवणे चे वास्ते भेज़ती कर, शरीरा मां पापा उपर ङण्ड ची आज्ञा ङिली।

रोमियां 9:5

पुरखे वी वांचे ही छी, ते मसीह वी शरीरा चे भाव लारे वांचे महु ही हुला, जको सब चे उपर परम नरीकार युगानयुग धन्‍न छै। आमीन।

1 कुरिन्थियां 15:47

पेहले इन्सान शरीरिक हुते यानि माटी चे बणले आले हुते, ङुजे इन्सान स्वर्ग़ीय छै।

2 कुरिन्थियां 12:9

ते ओणे मनु केहले कि, “माया अनुग्रह दुधे वास्ते घणा छै, कांकि माई ताकत कमजोरी मां पक्‍की हुवे।” ऐवास्ते मैं बङी खुशी लारे आपणीया कमजोरीया उपर घमण्ड करी, कि मसीह ची सामर्थ माये उपर छां करती रिहो।

गलातियां 4:4

पर जिसे बेले समय पूरा हुला तां नरीकारा ने आपणे पूता नु भेज़ले, ओ हेक असतरी महु जमला ते व्यवस्था चे अधीन पैदा हुला।

इफिसियां 3:8

मैं सारे पवित्र लौका कनु छोटा छै, मनु हा वरदान मिड़ला कि मैं नेरीया जातिया मां जती कर मसीह चा बेशकीमती शान्ति चा धन चा सुसमाचार सुणावे।

कुलुस्सियां 1:19

कांकि नरीकारा ची खुशी ऐचे मां छै कि ओचे मां सारी परिपूर्णता बसो।

कुलुस्सियां 2:3

जाये मां दिमाक ते समझ चे सारे भण्डार लुकले आले छी।

कुलुस्सियां 2:9

कांकि नरीकार आपणी परिपूर्णता चे लारे हमेशा मसीह ची देह मां रिहे।

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

इब्रानियां 1:3

ओ नरीकारा ची महिमा चे सोज़ले, ते ओचे सुभाव ची छाप छै, ते सारीया चीजा नु आपणी सामर्थ चे वचना लारे, सम्भाले। ओ अम्चे पापा नु धोती कर, स्वर्ग़ा मां सर्वशक्‍तिमान नरीकारा चे सज़्ज़े पासु जती ब़ेहला।

इब्रानियां 1:5

कांकि स्वर्ग़दूता महु नरीकारा ने कङण कानु इसड़े केहले, “तु माया पूत छी, आज़ मैं ही तनु पैदा करले।” ते बल्ति ईं, “मैं ओचा ब़ा हुती जई ते ओ माया पूत हुवी।”

इब्रानियां 10:5

ऐवास्ते मसीह संसारा मां आते बेले केहले, “बलिदान ते भेंट ची तु इच्छा कोनी करली, पर हेक शरीरा ची, जको तु माये वास्ते तियार करले।

इब्रानियां 2:11

कांकि पवित्र करने आला ते जको पवित्र करले जई, सब हेक ही ब़ा कनु छी, यानि नरीकार कनु। येही वजह कनु ईशु वानु भऊ केहणे कनु ना लज़ावी।

इब्रानियां 5:5

यूंही मसीह ने वी महायाजक बणने ची बढ़ाई खौद्द कनु कोनी गेहली, पर ओनु ओणे ङिली, नरीकारा ने ओनु केहले हुते, “तु माया पूत छी, आज़ मैं ही तनु पैदा करले।”

1 यूहन्‍ना 4:14

ते अम्ही ङेखती वी गेले ते ग़वाही वी ङियु, कि ब़ा नरीकारा ने आपणे पूता नु संसारा चा उद्धारकर्ता चे रूपा मां भेज़ले।

1 यूहन्‍ना 4:9

जको प्रेम नरीकार अम्चे लारे राखे, ओ ऐकनु प्रकट हुला कि, नरीकारा ने आपणे हिकड़ाता चे पूता नु ऐ संसारा मां भेज़ले, कि अम्ही ओचे जरिये जीवन पा सग़ु।

2 यूहन्‍ना 1:7

कांकि ब़ोहत सारे इसड़े भरमाणे आले संसारा महु निकलती आले, जको ईं ना मनी कि ईशु मसीह शरीरा मां हुती कर आला। भरमाणे आला ते मसीह-विरोधी हाओ छै।

प्रकाशितवाक्य 19:13

ते ओणे इसड़ी ओढ़णी घाली आली हुती। जिंवे लुहींया मां वानु ब़ुङाले गेले हो ते ओचे नाम हुते, “नरीकारा चा वचन।”

प्रकाशितवाक्य 21:3

बल्ति मैं सिंहासन महु कानु ऊंची अवाजी मां हा केहते हुले सुणले कि, “ङेखा, नरीकारा चा डेरा लौका चे बीच मां छै, ओ वांचे लारे डेरा करी, ते वे ओचे लौक हुवे, ते नरीकार आप वांचे लारे रिही, ते वांचा नरीकार हुवी।