याकूब 5:7 - ओङ राजपूत

⁷ हे माये भऊ, प्रभु चे बल्ति आणे तक तसल्‍ली राखा, ओ जमींदार नु तां ङेखा जको आपणी भोंये ची कीमती रहड़ी चा इन्तजार करता रिहे। ऐवास्ते शुरु ची बारशी कनु लाती कर ओ आखरी बारशी तक लगातार तसल्‍ली लारे इन्तजार करता रिहे।

याकूब 5:7 ပူးပေါင်းရင်းမြစ်များ

मत्ती 16:27

मैं इन्साना चा पूत, स्वर्ग़दूता लारे आपणे ब़ा नरीकारा ची महिमा मां आवी, ओ समय उपर, हर हेक नु ओचे कामा चे अनुसार प्रतिफल ङिही।

मत्ती 16:28

मैं तम्हानु सच्‍च किहे पला कि जको भिले, वांचे महु कोच्छ इसड़े छी कि जब तक मैं इन्साना चे पूता नु ओचे राज़ मां आते हुले नी ङेखती गिहे, तब तक मौत चा स्वाद कङी नी चाखे।”

मत्ती 24:27

कांकि जिंवे बिजली पूरब कनु निकलती कर पश्‍चिम तक चमकती जाये, यूंही मैं इन्साना चे पूता चे वी आणे हुवी।

मत्ती 24:44

ऐवास्ते तम्ही वी तियार रिहा, कांकि जेस घड़ी चे बारे मां तम्ही सोचा वी ना, वे घड़ी, मैं इन्साना चा पूत आती जई।

लूका 18:8

मैं तम्हानु किहे पला, ओ तुरन्त वांचा सच्‍चा न्यां चुकावी। तां वी मैं इन्साना चा पूत जिसे बेले आवी, तां का मैं धरती उपर विश्‍वास ङेखी?”

लूका 21:27

बल्ति वे, मैं इन्साना चे पूता नु सामर्थ ते बङी महिमा चे लारे बदला उपर आते ङेखे।

लूका 8:15

पर आच्छी भोंये चे वे छी, जको वचन सुणती कर भले ते उत्तम मना मां सम्भालती राखे, ते धीरज लारे फल आणी।

यूहन्‍ना 21:22

ईशु ने ओनु केहले, “अगर मैं चाहवें कि ओ माये आणे तक रुकला रिहो, तां तनु का? तु माये भांसु हुती पड़।”

यूहन्‍ना 21:23

ऐवास्ते भावां मां हा बात खिंडती गेली कि ओ चैला नी मरी। ईशु ने ओनु ईं कोनी केहले कि हा नी मरी, पर ईं कि, “अगर मैं चाहवें कि ओ माये आणे तक रुकला रिहो, तां तनु का?”

रोमियां 15:4

जितनीया बाता पेहले कनु लिखलीया गेलीया वे अम्ची ही शिक्षा चे वास्ते लिखलीया गेलीया, ताकि अम्ही सब्र ते पवित्रशास्त्रा ची हिम्मत चे जरिये आस राखु।

रोमियां 2:7

जको लगातार आच्छे काम करते हुले, महिमा ते आदर ते अनन्त जीवन ची खोज मां रिही, वानु नरीकार अनन्त जीवन ङिही।

1 कुरिन्थियां 1:7

इठे तक कि कुई आत्मिक वरदाना मां तम्हानु कमी-घटी कोनी जिंवे तम्ही अम्चे प्रभु ईशु मसीह चे प्रकट हुवणे चा इन्तजार करते रिहा वा।

गलातियां 5:5

पर अम्ही विश्‍वास चे वजह नरीकारा चे सामणे निर्दोष बणने ची आस राखु। पवित्र आत्मा ची सहायता लारे अम्ही ऐची बाट ङेखु भिले।

गलातियां 6:9

ऐवास्ते आवा भलाई करते बेले कङी वी कोनी थाकु, कांकि अगर अम्ही भलाई करते रिहुं, तां आच्छा ब़ेहला आणे उपर अम्हानु ओचा फल मिली।

कुलुस्सियां 1:11

ते ओची महिमा ची शक्‍ति चे अनुसार सारे प्रकार ची सामर्थ कनु ताकतवार हुते जावा, खुशी लारे हर-प्रकार कनु धीरज ते सहनशीलता ङिखाण सग़ा।

1 थिस्सलुनीकियां 1:3

ते आपणे नरीकार ते ब़ा चे सामणे तम्चे विश्‍वास चे काम, ते प्रेम ची मेहनत, ते अम्चे प्रभु ईशु मसीह मां आशा ची धीरता नु लगातार प्राथना मां याद करु।

1 थिस्सलुनीकियां 2:19

भला अम्ची आस, जा खुशी जा बढ़ाई चा मुग़ट का छै? का अम्चा प्रभु ईशु चे सामणे ओचे आवणे चे समय तम्ही ही नी हुवा?

1 थिस्सलुनीकियां 3:13

कि ईशु तम्चे मना नु इसड़े मजबूत करो, कि जब अम्चा प्रभु ईशु मसीह आपणे सारे पवित्र लौका लारे आओ, तां वे अम्चे नरीकार ते ब़ा चे सामणे पवित्रता मां बेकसूर बणाती नाखो।

इब्रानियां 6:15

ऐवास्ते अब्राहम सब्र करती कर इन्तजार करता रेहला ते ओनु ऊं मिड़ले, जाया वायदा करला गेलता।

याकूब 4:11

हे माये भऊ, हेके ङुजे ची बदनामी ना करा। जको आपणे भावां ची बदनामी करे, जा ते बल्ति आपणे भावां उपर दोष लावे, ऊं व्यवस्था ची बदनामी करे। ते ऊं व्यवस्था उपर दोष लावे, ते तम्ही व्यवस्था उपर टुरणे आले कोनी, पर न्यां करने आले बणती जावा।

याकूब 5:10

हे माये भऊ, जिसा भविष्यवक्‍ता ने प्रभु चे नांवा लारे बाता करलीया, वानु ङोख भोग़णे ते तसल्‍ली राखणे चा हेक नमुना समझा।

याकूब 5:3

तम्चे सोने चान्दी मां जर्र लाग़ती गेली। ते वा जर्र तम्चे विरोध मां ग़वाही ङिही, ते तम्चे मांसा नु जाखते आलीकर खाती जई। ऐ युगा चा आखरी समय छै ते तम्ही आपणे वास्ते धन भेला करती गेला।

2 पतरस 3:4

ते किहे, “मसीह चे आणे चा वायदा किठे गेला? कांकि जिसे बेले वांचे ङाङा-ब़ा नूहती रेहले, सब कोच्छ इसड़े ही छै, जिसड़े सृष्टि ची शुरुआत कनु हुते।”