याकूब 5:19 - ओङ राजपूत

¹⁹ हे माये भऊ, अगर तम्चे महु कुई सच्‍चाई चे मार्ग़ कनु भटकती जाये, ते कुई बन्दे ओनु पुठे नरीकारा सनु फेरती आओ,

याकूब 5:19 ပူးပေါင်းရင်းမြစ်များ

मत्ती 18:15

“अगर दुधा विश्‍वास करने आला भऊ दुधे, विरोध कुई अपराध करे, ते जती कर ओनु हेकले मां बातचीत करती कर समझा, अगर दुधी सुणती गिहे, बल्ति तु आपणे भावां नु अपनाती गेले।

लूका 22:32

पर मैं दुधे वास्ते बिनती करली कि दुधा विश्‍वास जता ना रिहो, ते जिसे बेले तु फिरी, तां आपणा भावां नु विश्‍वास मां मजबूत करियो।”

गलातियां 6:1

हे माये भऊ, तम्चे कुई बन्दे अगर कुई पापा मां पकड़ीती वी जाये तां, तम्ही जको आत्मिक छिवा ओनु नरमाई लारे सम्भाला ते जाये कनु बल्ति ओ विश्‍वास मां आती जाओ, ते आपणी वी चौकसी राखा ताकि तम्ही परीक्षा मां ना पड़ा।

1 तीमुथियुस 6:10

कांकि पैसा चा लोभ सारीया प्रकार ची बिमारीया जा बुराई ची ज़हड़ छै। ऐ पैसे नु हांसिल करने ची कोशिस मां जाणे कितने तां विश्‍वास कनु भटकती कर आपणे आप नु नाना प्रकार चे ङुखा कनु छाणी बणाती नाखले।

1 तीमुथियुस 6:21

कोच्छ बन्दी ऐ कूड़े ज्ञान चा अंगीकार करती कर, सच्‍चे विश्‍वास कनु भटकती गेले। तम्चे उपर नरीकारा चा अनुग्रह हुता रिहो।

2 तीमुथियुस 2:18

जको ईं केहती कर कि पुनरुत्थान हुती गेला सच्‍चाई कनु भटकती गेले, ते कोच्छ लौका चे विश्‍वास नु उलट-पुलट करती नाखला।

इब्रानियां 5:2

ओ अज्ञानीया ते भूले-भटकले आला लारे नरमाई लारे व्यवहार कर सग़े। कांकि ओ खौद्द वी कमजोरीया चे अधीन छै।

याकूब 1:16

हे माये प्यारे भऊ धोक्‍का ना खावा।

याकूब 1:19

हे माये प्यारे भऊ, हा बात तम्ही जाणती गिहा। हर हेक बन्दे सुणने वास्ते तियार, ते ब़ोलणे वास्ते मठे, ते क्रोधा मां मधम हो,

याकूब 3:14

अगर तम्ही आपणे आपणे मना मां कड़वी ईर्ष्या ते विरोध राखा, ते सच्‍चाई चे विरोध मां घमण्ड ना करजा, ते ना ही कूड़ मारजा।

याकूब 5:20

तां ओ ईं जाणती गिहो कि जको कुई भटकले आले पापीया नु पुठे फेरती आणी, ओ हेक आत्मा नु हमेशा ची मौत कनु बचावी ते ओचे कई पाप माफ करले जाये।

2 पतरस 3:17

ऐवास्ते हे प्यारे, तम्ही लौक पेहले ही कनु यां बाता नु जाणती कर चौकस रिहा, कि अधर्मीया चे भ्रम मां फसती कर आपणी मजबूती नु हाथा लारे किठी गुंती ना ब़ेसा।

यहूदा 1:11

वांचे उपर हाय! कांकि जेह्णे कैन चे मार्ग़ नु चुणती गेले, ते धन-दौलत ची लालच ची वजह वाणे वाहो गलती करली, जको बिलाम ने करली हुती। ते कोरह आलीकर विरोध करती कर नाश हुले।