याकूब 5:15 - ओङ राजपूत

¹⁵ ते विश्‍वास लारे करली गेली प्राथना चे जरिये रोग़ी ठीक हुती जई। ते प्रभु ओनु खड़े करती ङिही। अगर ओणे पाप वी करले तां प्रभु ओचे पापा नु माफ करती ङिही।

याकूब 5:15 ပူးပေါင်းရင်းမြစ်များ

मत्ती 17:20

ओणे वानु केहले, “आपणे विश्‍वास ची कमी ची वजह, कांकि मैं तम्हानु सच्‍च किहे पला, अगर तम्हानु राई चे ङाणे चे बराबर वी विश्‍वास हो, तां ऐ पहाड़ा नु केह सग़ा, ‘इठु सरकती कर ओठे चाह्‍ला जा’ तां ओ चाह्‍ला जई, नेरी कुई बात तम्चे वास्ते असम्भव नी हुवी।

यूहन्‍ना 5:14

यां बाता चे बाद ईशु ने ओनु मन्दरा मां ङेखले ते ओनु केहले, “ङेख, तु चंगा हुती गेला। बल्ति पाप ना करियो कङी इसड़े ना हो कि ऐकनु भारी आफत दुधे उपर आती पड़े।”

यूहन्‍ना 6:39

माये भेज़णे आले ची हाओ मर्जी छै, ओणे जको कहीं मनु सोंपले वांचे महु मैं कनु गार ना करे, ते अन्त चे समय उपर वा सारा नु जीते करती ङिही।

1 कुरिन्थियां 1:21

नरीकारा ने आपणे ज्ञान मां ईं असम्भव करले कि लौक आपणे ज्ञान चे अनुसार नरीकारा नु जाणो, पर नरीकारा नु ईं आच्छे लाग़ले कि, ऐ प्रचार चे जरिये जानु लौक मूर्खता समझे, विश्‍वास करने आला नु उद्धार ङिये।

2 कुरिन्थियां 4:14

कांकि अम्ही जाणु, जेह्णे प्रभु ईशु नु जिवाले, ओही अम्हानु वी ईशु मां भईवाल जाणती कर जिवावी, ते तम्चे लारे आपणे सामणे खड़े करी।

याकूब 1:6

पर विश्‍वासा लारे मांगा, ते कहीं शक्‍क ना करा। कांकि शक्‍क करने आला समुन्दरा ची लहर आलीकर छै जको हवाई लारे बीहे ते उछलती रिहे।

याकूब 5:13

अगर तम्चे मां कुई ङुखी हो तां ओनु प्राथना करनी चाही छै। अगर कुई खौश छै तां ओनु स्तुति भज़न गांणे चाही छै।

याकूब 5:16

ऐवास्ते तम्ही आपस मां हेके ङुजे चे सामणे आपणे–आपणे पापा नु मनती गिहा, ते हेके ङुजे चे वास्ते प्राथना करा, कि जाये कनु तम्ही ठीक हुती जावा। धर्मी बन्दे ची प्राथना चे लारे ब़ोहत कोच्छ हो सग़े।

याकूब 5:20

तां ओ ईं जाणती गिहो कि जको कुई भटकले आले पापीया नु पुठे फेरती आणी, ओ हेक आत्मा नु हमेशा ची मौत कनु बचावी ते ओचे कई पाप माफ करले जाये।