याकूब 4:4 - ओङ राजपूत

⁴ हे व्यभिचारी बन्दी, का तम्ही ना जाणा, कि संसारा लारे मित्रता नरीकारा चे लारे बैर राखणे छै? ऐवास्ते जको कुई संसारा चे मित्र हुवणे चाहवे, ऊं आपणे आप नु नरीकारा चे बैरी बणावे।

याकूब 4:4 ပူးပေါင်းရင်းမြစ်များ

मत्ती 12:39

ओणे वानु उत्तर ङिला, “ऐ युगा चे बुरे ते व्यभिचारी लौक चैन्ह सोधणा चाहवी, पर योना भविष्यवक्‍ता चा चैन्ह छोड़ती कुई नेरा चैन्ह वानु नी ङिला जई।

मत्ती 16:4

ऐ युगा चे बुरे ते व्यभिचारी लौक चैन्ह सोधणा चाहवी, पर योना भविष्यवक्‍ता चा चैन्ह छोड़ती कुई नेरा चैन्ह वानु नी ङिला जई।” ते ईशु वानु छोड़ती कर चाह्‍ला गेला।

मत्ती 6:24

“कुई बन्दे ङोन मालिका ची सेवा ना कर सग़ी, कांकि ओ हेके लारे बैर ते ङुजे लारे प्रेम राखी, जा हेके लारे मिड़ला रिही ते ङुजे नु तोच्छ जाणी। तम्ही नरीकार ते धन ङुंहु ची सेवा ना कर सग़ा।

लूका 19:27

पर माये वा बैरीया नु जको ना चाहते कि मैं वांचे उपर राज़ करे, वानु इठे आणती कर माये सामणे मारती नाखा।’ ”

यूहन्‍ना 15:19

अगर तम्ही संसारा चे हुवा हा तां, संसार तम्चे लारे प्रेम करियो। पर ऐ वजह कनु कि तम्ही संसारा चे कोनी ते मैं तम्हानु संसारा महु चुणती गेले। ऐवास्ते संसार तम्चे लारे बैर राखे।

यूहन्‍ना 17:14

मैं दुधा वचन वाकनु पुज़ाती ङिला ते संसारा ने वांचे लारे बैर करला, कांकि जिंवे मैं संसारा चा कोनी यूंही वे वी संसारा चे कोनी।

यूहन्‍ना 7:7

संसार तम्चे लारे बैर ना राख सग़ी, पर ओ माये लारे बैर राखे कांकि मैं वांचे विरोध मां हा ग़वाही ङिये कि वांचे काम बुरे छै।

रोमियां 5:10

कांकि बैरी ची हुवणे दशा मां ओचे पूता ची मौत चे जरिये अम्चा मेल-मिलाप नरीकारा लारे हुला बल्ति मेल-मिलाप हुती जाणे लारे, ओचे जीवन ची वजह कनु अम्ही उद्धार कां नी गिहुं?

रोमियां 8:7

शरीरा उपर मन लावणे तां नरीकारा चे लारे बैर राखणे छै, कांकि ना तां नरीकारा ची व्यवस्था अधीन छै, ते ना ही हो सग़े।

1 कुरिन्थियां 1:20

किठे रेहला ज्ञानवान? किठे रेहला शास्त्री? किठे रेहला ऐ संसारा चा विवाद करने आला? का नरीकारा चे सामणे संसारा चा सारा ज्ञान मूर्खता कोनी छै?

1 कुरिन्थियां 1:21

नरीकारा ने आपणे ज्ञान मां ईं असम्भव करले कि लौक आपणे ज्ञान चे अनुसार नरीकारा नु जाणो, पर नरीकारा नु ईं आच्छे लाग़ले कि, ऐ प्रचार चे जरिये जानु लौक मूर्खता समझे, विश्‍वास करने आला नु उद्धार ङिये।

गलातियां 1:10

हमा मैं का बन्दा नु मने जा नरीकारा नु का मैं बन्दा नु खौश करना चाहवे? अगर मैं बन्दा नु खौश करने चाहवें तां ईशु मसीह चा दास ना हुवीया।

याकूब 1:27

अम्चे नरीकार ते ब़ा चे गोढु शोद्ध ते सुथरी भग़ती हा छै कि छिन्‍नेछोरा ते बांढीया चे क्लेशा मां वांची सुधि गिहो, ते आपणे आप नु संसारा कनु बेदाग राखो।