याकूब 4:11 - ओङ राजपूत

¹¹ हे माये भऊ, हेके ङुजे ची बदनामी ना करा। जको आपणे भावां ची बदनामी करे, जा ते बल्ति आपणे भावां उपर दोष लावे, ऊं व्यवस्था ची बदनामी करे। ते ऊं व्यवस्था उपर दोष लावे, ते तम्ही व्यवस्था उपर टुरणे आले कोनी, पर न्यां करने आले बणती जावा।

याकूब 4:11 ပူးပေါင်းရင်းမြစ်များ

लूका 6:37

“दोष ना लावा, तां तम्चे उपर वी दोष नी लाला जई। दोषी ना ठहरावा, तां तम्ही वी दोषी नी ठहराले जावा। माफ करा, तां तम्हानु वी माफी मिलती जई।

रोमियां 2:1

ऐवास्ते हे दोष लावणे आले, तु चाहे कुई वी कां ना हो, तु कुई वी बहाना ना बणा सग़ी, कांकि जिसी बाते मां तु ङुजा उपर दोष लावी, वेही बाते मां आपणे नु वी दोषी बणावी, ऐवास्ते कि जको तु दोष लावी, खौद्द ही ऊंही काम करी।

रोमियां 2:13

कांकि नरीकारा ची नजरी मां, व्यवस्था नु सुणने आले धर्मी कोनी, पर व्यवस्था उपर चलणे आले धर्मी ठहराले जाये।

रोमियां 7:7

तां अम्ही का किहुं? का व्यवस्था पाप छै? कङी वी कोनी! बल्कि बिना व्यवस्था चे मैं पापा नु ना पिछाणी, व्यवस्था अगर ना किहा कि, “लालच ना कर” तां मैं लालच नु ना जाणेहा।

1 कुरिन्थियां 4:5

ऐवास्ते जब तक प्रभु ना आती जाओ, समय कनु पेहले कुई बाते चा न्यां ना करा, वे ही तां अन्धकार चीया लुकलीया बाता छी, जको सोज़ले मां ङिखाणी, ते मना चे मकसद प्रकट करी। तब नरीकारा चे तरफु हर-हेक ची बढ़ाई हुवी।

2 कुरिन्थियां 12:20

कांकि मनु ङर छै कि, कङी इसड़े ना हो कि, मैं आती कर जिसड़े चाहवे, उसड़े तम्ही ना लाभा, ते मनु वी जिसड़े तम्ही ना चाहवा उसड़े ही ङेखा कि, तम्चे मां झग़ड़ा, डाह, गुस्सा, विरोध, ईर्ष्या, चुग़ली, अंहकार ते व्यवस्था ठीक ना हो।

इफिसियां 4:31

सब तरह ची कड़वाहट, ते प्रकोप ते क्रोध, ते क्लेश, ते निन्दा, सब बैरभाव समेत तम्चे कनु दूर करले जाओ।

1 तीमुथियुस 3:11

यूंही असतरीया नु वी इज्जतदार हुवणे चाही छै, दोष जा चुग़ली करने आली ना हो, पर होशियार ते सारीया बाता मां इमानदार हुवणी चाही छै।

2 तीमुथियुस 3:3

प्रेमरहित, क्षमारहित, दोष लावणे आले, असंयमी, कठोर, भले चे बैरी।

तीतुस 2:3

यूं करती ब़ुढ़ीया असतरीया चा चाल-चलन पवित्र लौका आलीकर हो, वे दोष लावणे आलीया ते पियक्‍कड़ ना हो, पर आच्छीया बाता सिखावणे आलीया हो।

याकूब 1:16

हे माये प्यारे भऊ धोक्‍का ना खावा।

याकूब 1:19

हे माये प्यारे भऊ, हा बात तम्ही जाणती गिहा। हर हेक बन्दे सुणने वास्ते तियार, ते ब़ोलणे वास्ते मठे, ते क्रोधा मां मधम हो,

याकूब 1:25

पर जको बन्दे आजादी ची सेद्ध व्यवस्था उपर ध्यान करता रिहे, ओह आपणे कामा मां ऐवास्ते आशीष गिही कि सुणती कर भुली ना, पर उसड़े ही काम करे।

याकूब 2:8

तांवी अगर तम्ही पवित्रशास्त्र चे ऐ वचना चे अनुसार कि, “तु आपणे पड़ोसीया लारे आपणे आलीकर प्रेम राख,” सच्‍चमां ओ राज़ व्यवस्था नु पुरी करा, तां आच्छे ही करा।

याकूब 5:10

हे माये भऊ, जिसा भविष्यवक्‍ता ने प्रभु चे नांवा लारे बाता करलीया, वानु ङोख भोग़णे ते तसल्‍ली राखणे चा हेक नमुना समझा।

याकूब 5:7

हे माये भऊ, प्रभु चे बल्ति आणे तक तसल्‍ली राखा, ओ जमींदार नु तां ङेखा जको आपणी भोंये ची कीमती रहड़ी चा इन्तजार करता रिहे। ऐवास्ते शुरु ची बारशी कनु लाती कर ओ आखरी बारशी तक लगातार तसल्‍ली लारे इन्तजार करता रिहे।

याकूब 5:9

हे माये भऊ, हेके ङुजे उपर दोष ना लावा ताकि तम्चे उपर वी दोष नी लाग़ी। ङेखा, न्यां करने आला हाकिम दरवाजे उपर भिला ला।

1 पतरस 2:1

ऐवास्ते हर-तरहा चा बैरभाव ते छल ते कप्पट ते डाह ते बदनामी नु दूर करती कर,