याकूब 3:17 - ओङ राजपूत

¹⁷ पर जको ज्ञान उपरु आवे पेहले तां ओ पवित्र रिहे बल्ति मेल-मिलाप, मुलायम ते मन-भावना ते दया, ते आच्छे फला लारे लङला आला ते बिना पक्षपात ते बिना कप्पट लारे हुवे।

याकूब 3:17 ပူးပေါင်းရင်းမြစ်များ

मत्ती 23:28

यूं करती तम्ही वी उपर कनु बन्दा नु धर्मी ङिसा, पर भीतर कप्पट ते अधर्म लारे भरले पले।

मत्ती 5:8

धन्‍न छी वे, जाये मन शोद्ध छी, कांकि वे नरीकारा नु ङेखे।

मत्ती 5:9

धन्‍न छी वे, जको मेल कराणे आले छी, कांकि वे नरीकारा चे पूत किहवावे।

लूका 21:15

कांकि मैं तम्हानु इसड़ा ब़ोल ते ब़ुध्दि ङिही कि तम्चे सब विरोधी सामना जा खण्डन नी कर सग़े।

लूका 6:36

जिंवे तम्चा ब़ा दयावान छै, यूंही तम्ही वी दयावान बणा।

यूहन्‍ना 1:14

ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

यूहन्‍ना 1:47

ईशु ने नतनएल नु आपणे गोढु आते ङेखती कर ओचे बारे मां केहले, “ङेखा, हा सच्‍चमां इस्राएली छै। ऐचे मां कप्पट कोनी।”

प्रेरितां चे काम 11:24

कांकि ओ हेक भले इन्सान हुता, ते पवित्र आत्मा ते विश्‍वासा मां भरपूर हुता, ते ब़ोहत सारे लौका ने प्रभु चे उपर विश्‍वास करला।

प्रेरितां चे काम 9:36

याफा मां तबीता नांवा ची हेक विश्‍वासनी रेहती, जानु यूनानी भाषा मां दोरकास किही जाया मतलब हरणी हुवे। वा ब़ोहत सारे भले-भले काम ते दान करती रेहती।

रोमियां 12:18

जिठे तक हो सग़े, तम्ही सब इन्साना लारे मेल-मिलाप राखा।

रोमियां 12:9

प्रेम निष्कपट हो, बुराई लारे नफरत करा, भलाई करने मां लाग़ले रिहा।

रोमियां 15:14

हे माये भऊ, मैं आप वी खौद्द तम्चे बारे मां पक्‍के ही जाणे कि, तम्ही आप ही भलाई लारे भरीले आले छिवा ते ज्ञान मां भरपूर छिवा ताकि हेके-ङुजे नु समझा सग़ा।

1 कुरिन्थियां 12:8

कांकि हेक नु पवित्र आत्मा चे जरिये ब़ुध्दि चा बाता ङिलीया जई ते ङुजे नु पवित्र आत्मा चे अनुसार ज्ञान चा बाता।

2 कुरिन्थियां 10:1

मैं पौलुस तम्हानु मसीह ची नरमाई, ते दयालुता चे वजह निवेदन करे पला। पर कोच्छ लौक किहे कि, मैं तम्चे सामणे नरमाई लारे बर्ताव करे, पर तम्चे कनु दूर हुवणे पर सख्ताई लारे बर्ताव करे।

2 कुरिन्थियां 6:6

पवित्रता लारे, ज्ञान लारे, तसल्‍ली लारे, आपणी दया लारे, पवित्र आत्मा लारे, सच्‍चे प्रेम लारे,

2 कुरिन्थियां 7:11

तां ङेखा, ईं ङोख जको नरीकारा ने ङिले, ओणे तम्चे मां कितनी इच्छा जग़ाती ङिली, ते प्रत्युतर, रीस, ङर, इच्छा, धोन्‍न ते बदला गेहणे चा विचार पैदा करती ङिला। तम्ही सारीया बाता मां हा साबित करती ङिले, कि तम्ही ये बाते मां बेकसूर छिवा।

2 कुरिन्थियां 9:10

ओ नरीकार जको राहवणे आले नु बीज, ते खाणे वास्ते रोटी ङिये, ओही तम्हानु बीज वी ङिही, ते ओनु फलवन्त करी, ते तम्चे धार्मिकता चे फला नु बधावी।

इफिसियां 5:9

हर तरह ची निर्दोषीता भलाई ते सच्‍चाई मां सोज़ले चे फल छी।

फिलिप्पियां 1:11

धार्मिकता चे आच्छे गोण जको ईशु मसीह कनु मिले ओचे लारे तम्ही भरीले रिहा जाये कनु नरीकारा ची महिमा ते स्तुति हुती रिहो।

फिलिप्पियां 4:8

हे भऊ ते ब़ेहणीया, जको-जको बाता सच्‍च छी, ते जको-जको बाता आदरमान चा छी, ते जको-जको बाता वाजिब छी। ते जको-जको पवित्र छी,ते जको-जको बाता सुहावनीया छी, ते जको-जको बाता मन भावनीया छी। यानि जको सदगुण ते प्रशंसा चीया बाता छी, वांचे उपर ध्यान लाले करा।

कुलुस्सियां 1:10

ताकि तम्चा चाल-चलन प्रभु चे लायक हो, ते ओह सारे प्रकार कनु खौश हो, ते तम्चे हर-प्रकार चे भले कामा चा फल लाग़ो, ते नरीकारा चे ज्ञान मां बढ़ते जावा।

1 तीमुथियुस 5:21

नरीकार, ते ईशु मसीह, ते चुणले आले स्वर्ग़दूता नु मौजुद जाणती कर मैं तनु चितावें पला कि तु मन खोलती कर यां बाता नु मनले कर, ते कुई काम पक्षपात लारे ना कर।

2 तीमुथियुस 2:24

ते प्रभु चे दास नु झग़ड़ालु नी हुवणे चाही छै, ते सारा चे लारे मुलायम ते बन्दा नु शिक्षा ङेणे मां समझदार हुवणे चाही छै, ते सहन करने आला हो।

तीतुस 1:15

शोद्ध लौका वास्ते सारीया बाता शोद्ध छी, पर अशुद्ध ते अविश्‍वास वास्ते कोच्छ वी शोद्ध कोनी, बल्कि वांचा दिमाक ते विवेक ङोनी अशुद्ध छी।

तीतुस 3:2

कानु वी बदनाम ना करो, झग़ड़ालु ना हो, पर नर्म सुभाव चे हो, ते सारे इन्साना लारे बङी नरमाई लारे रिहो।

इब्रानियां 12:11

किसी वी तरह चा अनुशासन ओ समय तां आनन्द भरला कोनी, पर ङोख भरला ही ङिसे। तां वी जको ओनु सेहते-सेहते पक्‍के हुती गेले, बादा मां वानु चैन लारे धार्मिकता चा प्रतिफल मिले।

इब्रानियां 12:14

सारा लारे शान्ति बणाली राखा ते वे पवित्रता ची खोज मां रिहा, जाये बिना कुई वी प्रभु नु ङेख ना सग़ी।

याकूब 1:17

कांकि हर हेक आच्छा वरदान ते हर हेक आच्छा दान उपर कनु ही छै, ते हा ओ परम ब़ा जेह्णे स्वर्ग़ीय सोज़ले नु पैदा करले जाये मां ना तां कुई बदलाव हो सग़े ते ना अदला बदली ची वजह कनु ओचे उपर छां पड़े।

याकूब 1:5

पर तम्चे महु कानु ब़ुध्दि ची घटी हो तां नरीकारा कनु मांगो जको बिना उलाहणा ङिले सारा नु उदारता लारे ङिये, ते ओनु ङिली जई।

याकूब 2:13

कांकि जेह्णे दया कोनी करली, ओचा न्यां बेरहमी लारे हुवी। दया न्यां उपर जयवन्त हुवे।

याकूब 2:4

तां का तम्ही आपस मां भेद-भाव कोनी करला ते बुरे विचारा लारे न्यां करने आले कोनी ठहरले?

याकूब 3:15

हा ज्ञान ओ कोनी, जको स्वर्ग़ा कनु उपरु उतरे बल्कि संसारिक, ते शरीरिक, ते शैतानी छै।

याकूब 4:8

नरीकारा चे गोढु आवा, ओ वी तम्चे गोढु आवी। ओ पापी बन्दी आपणे हाथा नु साफ-सुथरे राखा। ते शक्‍क करने आली बन्दी, आपणे मना नु पवित्र राखा।

1 पतरस 1:22

हमा ङेखा, जिसे बेले तम्ही सच्‍चाई चा पालन करते हुले, सच्‍चे भाईचारे चे प्रीति नु उजागर करने चे वास्ते आपणी आत्मा नु पवित्र करते गेले ते पवित्र मना लारे हेके ङुजे लारे प्रेम राखा।

1 पतरस 2:1

ऐवास्ते हर-तरहा चा बैरभाव ते छल ते कप्पट ते डाह ते बदनामी नु दूर करती कर,

1 पतरस 2:18

जको दास छी, ना सेर्फ कद्दर चे लारे आपणे मालिका चे वशा मां रिहा, ना सेर्फ वांचे जको आच्छे छी, ते ङुजा चे वास्ते फिक्र करी, बल्कि वांचे वी जको कठोर छी।

1 यूहन्‍ना 3:18

हे माई प्यारी ब़ाले, अम्ही प्रेम सेर्फ वचन ते जुबानी ही कनु ना करु, पर काम ते सच्‍चाई चे जरिये वी प्रेम करु।

1 यूहन्‍ना 3:3

जको कुई ईशु मसीह कनु इसड़ी आस राखे, ओ आपणे आप नु उसड़े ही पवित्र करो जिसड़ा ओ छै।