याकूब 3:15 - ओङ राजपूत

¹⁵ हा ज्ञान ओ कोनी, जको स्वर्ग़ा कनु उपरु उतरे बल्कि संसारिक, ते शरीरिक, ते शैतानी छै।

याकूब 3:15 ပူးပေါင်းရင်းမြစ်များ

लूका 16:8

“मालिक ने ओ बेईमान मुनीम ची सिफत करली कांकि ओणे चतराई लारे काम गेहले हुते। कांकि ईं संसारिक लौक आपणे जिसड़े लौका लारे व्यवहारा मां सोज़ले ची ऊलाद्धी महु घणे चत्तर छी।

यूहन्‍ना 3:17

नरीकारा ने आपणे पूता नु संसारा मां ऐवास्ते कोनी भेज़ले कि संसारा उपर ङण्ड ची आज्ञा ङियो, पर ऐवास्ते कि संसार ओचे जरिये उद्धार गिहो।

यूहन्‍ना 8:44

तम्ही आपणे ब़ा शैताना ची ऊलाद्ध छिवा, ते आपणे ब़ा ची इच्छा नु पुरी करने चाहवा। ओ तां शुरु कनु हत्यारा छै, ते सच्‍च उपर कोनी रुकला, कांकि सच्‍च ओचे मां छै ही कोनी। जिसे बेले ओ कूड़ मारे, तां आपणे सुभाव लारे ही कूड़ मारे, कांकि ओ कूड़ा छै, बल्कि कूड़ा चा ब़ा छै।

प्रेरितां चे काम 13:10

“हे सारे कप्पट ते सब चतराई लारे भरले आले शैताना, ची ऊलाद्ध, समुचे धर्मा चे दुश्मन। का तु प्रभु चे सिधे मार्ग़ा नु टेढे-मेढे करने नी छोड़े?

रोमियां 1:22

वे आपणे-आप नु समझदार समझी पर वे मूर्ख छी।

1 कुरिन्थियां 1:27

पर नरीकारा ने संसारा चे मूर्खा नु चुणती गेले कि ज्ञानीया नु शर्मिन्दा करो ते नरीकारा ने संसारा चे कमजोरा नु चुणती गेले कि ताकतवार नु शर्मिन्दा करो।

1 कुरिन्थियां 2:14

पर शरीरिक इन्सान नरीकारा ची आत्मा ची बाता स्वीकार ना करी, कांकि वे ओची नजरी मां बेवकूफी चा बाता छी, ते ना ओ वानु जाण सग़े कांकि वांची परख आत्मिक रीति लारे हुवे।

1 कुरिन्थियां 3:19

कांकि सच्‍च ईं छै कि संसारिक ज्ञान नरीकारा ची नजरी मां मूर्खता छै, जिंवे पवित्रशास्त्रा मां लिखले पले, “नरीकार ज्ञानीया नु वांची चतराई मां फसाती नाखे।”

1 कुरिन्थियां 3:3

कांकि तम्ही हमा तक संसारिक छिवा। ऐवास्ते कि जब तम्चे मां जलन ते झग़ड़े छी तां का तम्ही संसारिक कोनी? तां का संसारिक इन्साना ची रीति उपर ना चला?

2 कुरिन्थियां 1:12

कांकि अम्ही आपणे विवेक ची, ये ग़वाही उपर घमण्ड करु, कि दुनिया मां ते खास करती तम्चे बीच मां, अम्चा व्यवहार नरीकारा चे जरिये ङिली गेली पवित्रता ते सच्‍चाई सहित रेहला, जको संसारिक ज्ञान चा कोनी, पर हेको नरीकारा चे अनुग्रह चा नतीजा हुता।

2 कुरिन्थियां 11:3

पर मैं ङरे कि जिंवे नाग़ा ने आपणी चलाकी लारे हवा नु भरमाती ङिले, कङी इसड़े ना हो कि तम्चे मन मसीह चे प्रति पवित्रता ते भग़ती कनु भटकती ना जाओ।

फिलिप्पियां 3:19

वांचा नाश वांची नियत छै। वांचे ढेड्ड ही ईश्‍वर छै। वे लज़्ज़ा ची बाता उपर घमण्ड करी, ते धरती चे बाता उपर मन लाली रिही।

2 थिस्सलुनीकियां 2:9

ओ अधर्मीया चे आणे शैताना चे कामा चे अनुसार सारे तरीके ची कूड़ी सामर्थ, ते चैन्ह, ते निराले कामा चे लारे।

1 तीमुथियुस 4:1

पर पवित्र आत्मा साफ-साफ किहे पला, कि आणे आले समय मां कितने लौक भरमाणे आली कूड़ी आत्मा, ते दुष्टात्मा ची सीख उपर मन लाती कर विश्‍वास कनु बहकती जाये।

याकूब 1:17

कांकि हर हेक आच्छा वरदान ते हर हेक आच्छा दान उपर कनु ही छै, ते हा ओ परम ब़ा जेह्णे स्वर्ग़ीय सोज़ले नु पैदा करले जाये मां ना तां कुई बदलाव हो सग़े ते ना अदला बदली ची वजह कनु ओचे उपर छां पड़े।

याकूब 1:5

पर तम्चे महु कानु ब़ुध्दि ची घटी हो तां नरीकारा कनु मांगो जको बिना उलाहणा ङिले सारा नु उदारता लारे ङिये, ते ओनु ङिली जई।

याकूब 3:17

पर जको ज्ञान उपरु आवे पेहले तां ओ पवित्र रिहे बल्ति मेल-मिलाप, मुलायम ते मन-भावना ते दया, ते आच्छे फला लारे लङला आला ते बिना पक्षपात ते बिना कप्पट लारे हुवे।

यहूदा 1:19

ईं लौक जको फूट नाखणे आले ते ये संसारिक लौक छी, जाये मां नरीकारा चा आत्मा कोनी।

प्रकाशितवाक्य 12:9

ते ओ बङा अजगर यानिकि ओही पुराणा नाग़, जको इबलीस शैतान किहवावे, ते सारे संसारा नु भरमावे, धरती उपर ढाती ङिला गेला, ते ओचे दूत ओचे लारे तले भुकाती ङिले गेले।

प्रकाशितवाक्य 2:24

“पर तम्हानु थुआतीरा चे बाकि लौका नु जितने ये शिक्षा नु ना मनी ते वां बाता नु जानु शैताना चीया गेहरीया बाता किही ना जाणी, ईं किहे पला कि मैं तम्चे उपर नेरा बोझ नी नाखी।

प्रकाशितवाक्य 9:11

पताल कोण्ड चा दूत वांचे उपर राजा हुता ओचे नां इब्रानी भाषा मां अबद्दोन ते यूनानी भाषा मां अपुल्‍लयोन छै। यानिकि जा ङोन शब्दा चा मतलब नाश करना छै।