याकूब 3:14 - ओङ राजपूत

¹⁴ अगर तम्ही आपणे आपणे मना मां कड़वी ईर्ष्या ते विरोध राखा, ते सच्‍चाई चे विरोध मां घमण्ड ना करजा, ते ना ही कूड़ मारजा।

याकूब 3:14 ပူးပေါင်းရင်းမြစ်များ

मत्ती 27:18

कांकि ओ जाणता कि वाणे ओनु साड़ा कनु पकड़वाले हुते।

यूहन्‍ना 16:2

वे तम्हानु प्राथनाघरा महु काढ़ती छोड़े, ओ समय आवे पला कि जको कुई तम्हानु मारती नाखी ओह समझी कि ‘मैं नरीकारा ची सेवा करे पला।’

प्रेरितां चे काम 13:45

पर यहूदी भीड़ नु ङेखती कर गैरती मां भरीती गेले, ते निन्दा करते हुले पौलुस चीया बाता चे विरोध मां ब़ोलु लाग़ती गेले।

प्रेरितां चे काम 26:9

“मैं वी समझले हुते कि ईशु नासरी चे नांवा चे विरोध मां मनु ब़ोहत कोच्छ करने चाही छै।

प्रेरितां चे काम 5:17

बल्ति महायाजक ते ओचे सारे साथी जको सदूकिया चे पंथ चे हुते, भड़कती खड़े हुले।

प्रेरितां चे काम 7:9

“ते कोल्‍लपत्तिया ने यूसुफ लारे गैरत करती ओनु गुलाम बणने वास्ते मिस्र देशा मां जाणे आला चे हाथा मां बेचले, पर नरीकार ओचे लारे हुता।

रोमियां 1:29

वे हर-तरहा चे अधर्म, ते दुष्टता, ते लोभ, ते बुराई, ते हत्या, ते झग़ड़े, ते छल, ते ईर्ष्या लारे भरीती गेले, ते चुग़लखौर,

रोमियां 13:13

जिंवे ङिहां मां अम्ही रिहुं वी, यूंही अम्हानु सिधी चाल चलणी चाही छै, ना कि लीलाक्रीड़ा, ते पियक्‍कड़पन, ना व्यभिचार, ते लोचपण मां, ते ना ही झग़ड़े ते ईर्ष्या मां लाग़ले रिहा।

रोमियां 2:17

तु आपणे आप नु यहूदी किही, व्यवस्था उपर भरोसा राखी, नरीकारा चे बारे मां घमण्ड करी।

रोमियां 2:8

पर जको स्वार्थी छी ते सच्‍चाई नु ना मनी, बल्कि अधर्म नु मनी, वांचे उपर क्रोध ते क्रोप पड़ी।

1 कुरिन्थियां 13:4

प्रेम सब्रा आला छै, प्रेम कृपा करने आला छै, प्रेम जलन ना राखी, प्रेम आपणी बढ़ाई ना करी, ते घमण्ड ना करी।

1 कुरिन्थियां 3:3

कांकि तम्ही हमा तक संसारिक छिवा। ऐवास्ते कि जब तम्चे मां जलन ते झग़ड़े छी तां का तम्ही संसारिक कोनी? तां का संसारिक इन्साना ची रीति उपर ना चला?

1 कुरिन्थियां 5:2

ते तम्ही अरमान तां ना करा, जाये कनु इसड़े काम करने आला तम्चे महु काढ़ला जईया, पर घमण्ड करा।

1 कुरिन्थियां 5:6

तम्चे घमण्ड करने ठीक कोनी। का तम्ही ना जाणा कि थोड़ा जा खमीर पुरे उसणले आले आट्टे नु खमीर करती ङिये?

2 कुरिन्थियां 12:20

कांकि मनु ङर छै कि, कङी इसड़े ना हो कि, मैं आती कर जिसड़े चाहवे, उसड़े तम्ही ना लाभा, ते मनु वी जिसड़े तम्ही ना चाहवा उसड़े ही ङेखा कि, तम्चे मां झग़ड़ा, डाह, गुस्सा, विरोध, ईर्ष्या, चुग़ली, अंहकार ते व्यवस्था ठीक ना हो।

गलातियां 5:15

पर अगर तम्ही आपस मां हेके ङुजे नु बाढा ते फाड़ती कर खावा, ते ङेखा! तम्ही आपस मां हेके ङुजे चा नाश करती नाखा।

गलातियां 5:20

मूर्तिपूजा, जादू टोणा, बैर, झग़ड़ा, ईर्ष्या, गुस्सा, विरोध, फूट,

गलातियां 5:21

जलन, नशा खोरी, असतरीगमन, ते यांचे जिसड़ी नेरी-नेरी कामे वी छिती, यांचे बारे मां मैं तम्हानु पेहले केहती ङिये कि इसड़े-इसड़े काम करने आले नरीकारा चे राज़ चे वारिस ना हो सग़ी

गलातियां 5:26

ना ही अम्ही घमण्डी, ना तां हेके ङुजे नु चिड़ावा, ना हेके ङुजे लारे गैरत करा।

गलातियां 6:13

कांकि खतना कराणे आले आप तां मूसा ची व्यवस्था चा पालन ना करी, पर तम्चा खतना ऐवास्ते करवाणा चाहवी कि तम्ची शरीरिक दशा उपर घमण्ड करो कि वांचे केहणे चे उपर तम्ही खतना करवाला।

फिलिप्पियां 1:15

कोच्छ तां गैरत ते झग़ड़े ची वजह कनु मसीह चा प्रचार करी ते कोच्छ भली मन्सा लारे।

फिलिप्पियां 2:3

आपणे स्वार्थ जा कूड़ी बढ़ाई वास्ते कहीं ना करा, पर नरमाई लारे हेके ङुजे नु आपणे कनु आच्छे समझा।

1 तीमुथियुस 2:4

नरीकार ईं चाहवे, कि सारे बन्दा चा उद्धार हो, ते वे सच्‍चाई नु भली भान्ती जाणती गिहो।

1 तीमुथियुस 6:4

तां ओ घमण्डी हुती गेला, ते कहीं ना जाणी, पर ओनु बहस-बाजी ते अक्षरा उपर तर्क करने चा रोग़ छै, जाये कनु नफरत, ते झग़ड़े, ते निन्दा चीया बाता, ते गन्दे-गन्दे शक्‍क पैदा हुवी,

तीतुस 3:3

कांकि अम्ही वी पेहले, बेअक्‍कल, ते आज्ञा ना मनणे आले, ते वहमा मां ढेले आले, ते हर हेक रंगा ची इच्छा ते सोख भोग़णे चे गुलाम हुते, ते बैरबन्दी, ते खार खाणे मां जीन्दगी गुजारते, ते किज़ड़े हुते, ते हेके ङुजे लारे बैर राखते।

याकूब 1:18

ओणे आपणी ही इच्छा लारे अम्हानु सच्‍च चे वचना चे जरिये पैदा करले कि अम्ही ओची सृष्टि करली हुली चीजा महु हेक तरह चे पेहला फल छिऊं।

याकूब 3:16

ऐवास्ते कि जिठे ईर्ष्या ते विरोध हुवे, ओठे बखेड़ा ते हर-तरहा ची बुराई वी हुवे।

याकूब 5:19

हे माये भऊ, अगर तम्चे महु कुई सच्‍चाई चे मार्ग़ कनु भटकती जाये, ते कुई बन्दे ओनु पुठे नरीकारा सनु फेरती आओ,