याकूब 3:13 - ओङ राजपूत

¹³ तम्चे महु ज्ञानी ते समझदार कूण छै? जको इसड़ा हो ऊं आपणे कामा नु आच्छे चाल-चलन चे लारे, वे नरमाई लारे उजागर करो जको ज्ञान लारे पैदा हुवे।

याकूब 3:13 ပူးပေါင်းရင်းမြစ်များ

मत्ती 11:29

माये जूले नु आपणे उपर चती गिहा ते माये कनु सिखा, कांकि मैं नर्म ते मना मां दीन छै, ते तम्ही आपणे मना मां आराम गिहा।

मत्ती 21:5

“सिय्योन ची धूवे नु किहा, ‘ङेख, दुधा राजा दुधे गोढु आवे पला, ओ नर्म छै, ते गाहड़े उपर ब़ेहला, यानिकि लादू चे ब़च्‍चे उपर।’ ”

मत्ती 5:5

धन्‍न छी वे, जको नर्म छी, कांकि वे धरती चे अधिकारी हुवे।

मत्ती 7:24

“ऐवास्ते जको कुई माया ये बाता सुणती कर मने, ऊं ओ समझदार इन्सान आलीकर हुवी जेह्णे आपणे घर चट्टान चे उपर बणाले।

1 कुरिन्थियां 6:5

मैं तम्हानु कायल करने वास्ते ईं किहे पला। का सच्‍चमां तम्चे महु हेक वी दिमाकदार कोनी जको आपणे भावां चा न्यां कर सग़ो?

2 कुरिन्थियां 10:1

मैं पौलुस तम्हानु मसीह ची नरमाई, ते दयालुता चे वजह निवेदन करे पला। पर कोच्छ लौक किहे कि, मैं तम्चे सामणे नरमाई लारे बर्ताव करे, पर तम्चे कनु दूर हुवणे पर सख्ताई लारे बर्ताव करे।

2 कुरिन्थियां 8:24

ऐवास्ते आपणा प्रेम ते अम्चा घमण्ड जको तम्चे बारे मां छै कलीसिया चे सामणे वानु सेद्ध करती ङिखाणा।

गलातियां 5:23

नरमाई ते संयम छी, इसड़े-इसड़े कामा चे विरोध मां कुई वी व्यवस्था कोनी।

गलातियां 6:1

हे माये भऊ, तम्चे कुई बन्दे अगर कुई पापा मां पकड़ीती वी जाये तां, तम्ही जको आत्मिक छिवा ओनु नरमाई लारे सम्भाला ते जाये कनु बल्ति ओ विश्‍वास मां आती जाओ, ते आपणी वी चौकसी राखा ताकि तम्ही परीक्षा मां ना पड़ा।

गलातियां 6:4

हर हेक बन्दे आपणे कामा नु खौद्द जांचती गिहो, इसड़ा करने उपर ओनु आपणे खौद्द उपर बिना किसी लारे मिले गर्व करने चा मौका मिली।

इफिसियां 4:2

यानिकि सारी दीनता ते नरमाई समेत, ते सब्र करती कर प्रेम मां हेके ङुजे ची सेहती गिहा।

फिलिप्पियां 1:27

तम्चा चाल-चलन ईशु मसीह चे सुसमाचार चे लायक हो, चाहे मैं आवे चाहे ना आवे, तम्चे बारे मां ईं सुणे कि तम्ही हेक ही पवित्र आत्मा मां मजबूत छिवा, हेक ही मन हुती कर सुसमाचार चे विश्‍वास चे वास्ते मेहनत करते रिहा।

कुलुस्सियां 3:12

ऐवास्ते नरीकारा ने चुणले आला ची तरह जको पवित्र ते प्यारे छी, बङी दया, ते भलाई, ते दीनता, ते नरमाई, ते सहनशीलता धारण करा,

1 तीमुथियुस 4:12

कुई दुधी जवानी नु तोच्छ ना समझ सग़ो पर वचन, ते चाल-चलन, ते प्रेम, ते विश्‍वास, ते पवित्रता मां विश्‍वास करने आला चे वास्ते नमुना बणती जा।

1 तीमुथियुस 6:11

पर ओ नरीकारा चे जन, तु यां बाता कनु द्रोड़, ते धर्म, भग़ती, विश्‍वास, प्रेम, सब्र, ते नरमाई चा पीछा कर।

2 तीमुथियुस 2:25

ते विरोधीया नु नरमाई लारे समझाओ, का पता नरीकार वानु मन फिरावणे चे वास्ते मन ङियो, कि वे सच्‍चाई नु पिछाणो।

तीतुस 3:2

कानु वी बदनाम ना करो, झग़ड़ालु ना हो, पर नर्म सुभाव चे हो, ते सारे इन्साना लारे बङी नरमाई लारे रिहो।

इब्रानियां 13:5

आपणे जीवन नु धन चे लालच कनु दूर राखा, ते जको तम्चे गोढु छै, ओचे उपर संतुष्टी करा, कांकि नरीकारा ने आप केहले, “मैं तनु कङी ना छोड़ी, ते ना कङी तनु त्याग़ी।”

याकूब 1:21

ऐवास्ते, सारी मलिनता ते बैरभाव ची बढ़ोतरी नु दूर करती कर, ओ वचना नु नरमाई लारे ग्रहण करती गिहा, जको दिला मां राहला गेला ते जको तम्ची जानी चा उद्धार कर सग़े।

याकूब 2:18

बल्कि कुई केह सग़े, कि “तनु विश्‍वास छै, मैं कर्म करे पला।” तु आपणा विश्‍वास मनु कर्म बिना तां ङिखाण, ते मैं आपणा विश्‍वास आपणे कामा चे लारे तनु ङिखाणी।

याकूब 3:1

हे माये भऊ, तम्चे महु घणे सारे गुरु ना बणो, कांकि तम्ही आप जाणा, कि अम्ही जको गुरु छिऊं अम्हा कनु होर वी सख्ताई लारे लेखा गेहला जई।

याकूब 3:17

पर जको ज्ञान उपरु आवे पेहले तां ओ पवित्र रिहे बल्ति मेल-मिलाप, मुलायम ते मन-भावना ते दया, ते आच्छे फला लारे लङला आला ते बिना पक्षपात ते बिना कप्पट लारे हुवे।

1 पतरस 1:15

बल्कि जिंवे तम्हानु हकारने आला नरीकार पवित्र छै, यूंही तम्ही वी आपणे हर कामा मां पवित्र बणा।

1 पतरस 2:12

नेरीया जातिया मां तम्चा चाल-चलन भला हो, ऐवास्ते कि जिसीया जिसीया बाता मां वे तम्हानु बदनाम करी, वे तम्चे भले कामा नु ङेखती कर, प्रभु चे आणे चे ङिओ वे नरीकारा ची महिमा करो।

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,

1 पतरस 3:4

बल्कि तम्चा सिंगार तां तम्चे मना चा भीतरी व्यक्‍तित्व हुवणा चाही छै जको मुलायम ते शान्त चे अविनाशी सुन्दरता लारे मिड़ला आला हो। नरीकारा ची नजरी मां जको ब़ोहत ही कीमती हो।