याकूब 2:19 - ओङ राजपूत

¹⁹ तनु विश्‍वास छै कि हेक ही नरीकार छै। तु आच्छे करी। दुष्टात्मा वी विश्‍वास राखी, ते कांपतीया रिही।

याकूब 2:19 ပူးပေါင်းရင်းမြစ်များ

मत्ती 8:29

वाणे रौल मचाती कर केहले, “हे नरीकारा चा पूत, अम्चे दुधे कनु का काम? का तु समय कनु पेहले अम्हानु ङोख ङिऊं इठे आती गेला?”

मरकुस 1:24

ओणे रौल मचाला ते केहले, “हे ईशु नासरी, अम्हानु दुधे लारे का काम ? का तु अम्हानु नाश करु आला? मैं तनु जाणे, तु कूण छी, तु नरीकारा चे पवित्र इन्सान छी!”

मरकुस 12:29

ईशु ने ओनु उत्तर ङिला, “सारा महु खास आज्ञा हा छै, ‘हे इस्राएल सोण! प्रभु अम्चा नरीकार हेको ही प्रभु छै,

मरकुस 5:7

ते ऊंची अवाजी मां रौल मचाती कर केहले, “हे ईशु, परम-प्रधान नरीकारा चा पूत, मनु दुधे कनु का काम ? मैं तनु नरीकार ची कसम ङिये कि मनु ङोख ना ङे।”

मरकुस 7:9

ईशु ने वानु केहले, “तम्ही आपणी परम्परा नु मनणे वास्ते नरीकारा ची आज्ञा किवें आच्छी तरह टालती ङिया।

लूका 4:34

“हे ईशु नासरी, अम्हानु दुधे लारे का काम ? का तु अम्हानु नाश करु आला? मैं तनु जाणे, तु कूण छी, तु नरीकारा चे पवित्र इन्सान छी!”

यूहन्‍ना 17:3

ते अनन्त जीवन हा छै, कि वे तनु हेक ही सच्‍चे नरीकारा नु, ते ईशु मसीह नु, जानु तु भेज़ले, जाणो।

प्रेरितां चे काम 16:17

वा दासी पौलुस चे ते अम्चे भांसु-भांसु यूं करती कर रौल मचाऊं लाग़ली कि, “ये इन्साने परमप्रधान नरीकारा चे दास छी, ये तम्हानु उद्धार चे मार्ग़ चा सुसमाचार सुणावी पले।”

प्रेरितां चे काम 19:15

हेक ङिओ दुष्टात्मा ने वानु केहले, “ईशु नु मैं जाणे, ते पौलुस नु वी पिछाणे, पर तम्ही कूण छिवा?”

प्रेरितां चे काम 24:25

जिसे बेले पौलुस धार्मिकता, ते संयम ते आणे आले न्यां चे बारे ची चर्चा करे पलता, तां फेलिक्स ने ङरती कर पौलुस नु उत्तर ङिला, “हमा तां जा, मौका ङेखती कर, मैं तनु बल्ति हकरवावी।”

रोमियां 3:30

कांकि हेक ही नरीकार छै, जको खतना आला नु विश्‍वास लारे ते खतनारहित नु वी विश्‍वास चे जरिये धर्मी ठहरावी।

1 कुरिन्थियां 8:4

तां मूर्तिया चे सामणे बलि करली हुलीया चीजा नु खाणे चे बारे मां अम्ही जाणु कि सारे संसारा मां किठी वी मूर्तिया नरीकार कोनी ते हेक चे अलावा नेरा कुई नरीकार कोनी छै।

1 कुरिन्थियां 8:6

पर अम्चे गोढु तां हेक ही नरीकार छै यानि ब़ा जेह्णे सब कोच्छ रचले ते अम्ही ओचे वास्ते छिऊं। ते हेक ही प्रभु छै, यानि ईशु मसीह जाये जरिये सारीया चीजा हुलीया ते ओचे जरिये अम्ही जिऊं।

गलातियां 3:20

बिचोला तां कम से कम ङोन बन्दा चे बीच मां रिहे, पर नरीकार हेक ही छै।

1 तीमुथियुस 2:5

कांकि नरीकार हेक ही छै, ते नरीकार ते बन्दा चे बीच मां हेको ही बिचोलीया छै, यानिकि ईशु मसीह जको इन्सान वी छै।

याकूब 2:8

तांवी अगर तम्ही पवित्रशास्त्र चे ऐ वचना चे अनुसार कि, “तु आपणे पड़ोसीया लारे आपणे आलीकर प्रेम राख,” सच्‍चमां ओ राज़ व्यवस्था नु पुरी करा, तां आच्छे ही करा।

यहूदा 1:4

कांकि कितनी इसड़ी इन्साने चोप-चाप तम्चे मां घिरती आली, जाये ऐ ङण्ड चे बारे मां शास्त्रा ने पेहले कनु ही भविष्यवाणी करती ङिलती। ये भग़तीहीन छी, ते अम्चे नरीकारा चे अनुग्रह नु लोचपण करने वास्ते पट्टा समझती गेला, ते अम्चे सेर्फ स्वामी प्रभु ईशु मसीह चा इन्कार करी।

यहूदा 1:6

मैं तम्हानु ईं वी याद ङिवाणा चाहवे कि जिसा स्वर्ग़दूता ने आपणे पद्द नु मजबूत कोनी राखले बल्कि आपणी खौद्द ची रेहणे ची जग़हा नु छोड़ती ङिले, ते नरीकारा ने वानु वी ओ महान न्यां चे ङिओ चे वास्ते अन्धकार मां, जको सदा वास्ते छै, संगला मां ब़ांहती नाखले।

प्रकाशितवाक्य 20:10

ऐचे बाद वांचा भरमाणे आला शैताना नु धधकते जाखते ची गन्धक ची झील मां भुकाले जई, जाये मां ऊं ङरावणे ढौर ते कूड़े भविष्यवक्‍ता वी हुवे, नाखती ङिले जई, सदा-मदा चे वास्ते वानु रात-ङिओ तड़फाले जई।