याकूब 1:6 - ओङ राजपूत

⁶ पर विश्‍वासा लारे मांगा, ते कहीं शक्‍क ना करा। कांकि शक्‍क करने आला समुन्दरा ची लहर आलीकर छै जको हवाई लारे बीहे ते उछलती रिहे।

याकूब 1:6 ပူးပေါင်းရင်းမြစ်များ

मत्ती 14:28

पतरस ने ओनु उत्तर ङिला, “हे प्रभु, अगर तु छी तां, मनु आपणे गोढु पाणीया उपर टुरणे ची आज्ञा ङे।”

प्रेरितां चे काम 10:20

तां ऊठती कर तले जा, ते वांचे लारे बेझिझक टुरती पड़, कांकि मैं ही वानु भेज़ले।”

इफिसियां 4:14

अम्ही इसड़ी ब़ाले बणली ना रिहुं कि हवाई लारे उछलती ना जऊं बन्दी जको ठग़्ग़ विधिया नु बधावी, भ्रम चे लारे भरले आले व्यवहार कनु, ते इसड़े ढोंगीपणे कनु इंगे-ऊंगे भटकाती ङी

1 तीमुथियुस 2:8

सो मैं चाहवे, कि हर जग़हा मर्द बिना गुस्से ते बहस-बाजी चे पवित्र हाथा नु चती कर प्राथना करले करो।

इब्रानियां 10:23

हमा अम्ही बिना कुई शक्‍क चे आपणी वे आस मां अटल रिहुं, जको अम्ही स्वीकार करली, कांकि जेह्णे वायदा करला ओ विश्‍वास योग्य छै।

इब्रानियां 11:6

ते बिना विश्‍वास चे नरीकारा नु खौश करने अनहोणे छै, कांकि नरीकारा चे गोढु आणे आले इन्साना वास्ते ईं जरुरी छै ऊं हा विश्‍वास करो कि नरीकार छै ते ईं वी कि ओ वानु प्रतिफल ङिये, जको ओची खोज करी।

इब्रानियां 13:9

बदड़ली आली विचित्र प्रकार ते अणजाण शिक्षा चे बहकावे मां ना बहकजा। दिला वास्ते सही छै कि ऊं अनुग्रह चे जरिये मजबूत करले जाओ, ना कि खाणे चे चीजा जरिये, खान-पान चे सम्बन्धी प्रथा चे जरिये काये भले कोनी हुले।

याकूब 1:7

इसड़े बन्दे ईं ना समझो कि, “मनु प्रभु कनु कहीं मिली।”

याकूब 5:15

ते विश्‍वास लारे करली गेली प्राथना चे जरिये रोग़ी ठीक हुती जई। ते प्रभु ओनु खड़े करती ङिही। अगर ओणे पाप वी करले तां प्रभु ओचे पापा नु माफ करती ङिही।

2 पतरस 2:17

ये बन्दी धोक्‍केबाज अन्धे खुऊ ते अन्धारी चे उङारले आले बदल आलीकर छी, वांचे वास्ते घौर अन्धकार ठहराले गेले।