याकूब 1:27 - ओङ राजपूत

²⁷ अम्चे नरीकार ते ब़ा चे गोढु शोद्ध ते सुथरी भग़ती हा छै कि छिन्‍नेछोरा ते बांढीया चे क्लेशा मां वांची सुधि गिहो, ते आपणे आप नु संसारा कनु बेदाग राखो।

याकूब 1:27 ပူးပေါင်းရင်းမြစ်များ

मत्ती 12:32

ते जको कुई मैं इन्साना चे पूता चे विरोध मां कुई बात किही, ओचा हा अपराध माफ करला जई, पर जको कुई पवित्र आत्मा चे विरोध मां कोच्छ किही, ओचा अपराध ना तां ऐ लौक मां ते ना परलोक मां माफ करला जई।

मत्ती 5:8

धन्‍न छी वे, जाये मन शोद्ध छी, कांकि वे नरीकारा नु ङेखे।

लूका 1:6

ते वे ङोनी नरीकारा चे सामणे धर्मी हुती, ते प्रभु चीया सारीया आज्ञा ते विधिया उपर निर्दोष चलणे आली हुती।

रोमियां 12:2

ते ऐ संसारा ची रीति उपर ना चला। पर तम्ची ब़ुध्दि चे नवें हुती जाणे लारे तम्चा चाल-चलन वी बदलता जाओ, जाये कनु तम्ही नरीकारा ची भली, ते भावणे आली, ते सेद्ध इच्छा लारे अनुभव लारे मालुम करते रिहा।

रोमियां 2:13

कांकि नरीकारा ची नजरी मां, व्यवस्था नु सुणने आले धर्मी कोनी, पर व्यवस्था उपर चलणे आले धर्मी ठहराले जाये।

गलातियां 1:4

प्रभु ईशु मसीह ने आपणे आप नु अम्चे पापा चे वास्ते ङिती ङिले, ताकि अम्चे नरीकार ते ब़ा ची इच्छा चे अनुसार अम्हानु ऐ वर्तमान बुरे संसारा कनु छुड़ाओ।

गलातियां 3:11

पर हा बात प्रकट छै कि व्यवस्था चे जरिये नरीकारा चे इठे कुई धर्मी ना ठहरी कांकि “धर्मी जन विश्‍वास लारे जीते रिही।”

गलातियां 5:6

मसीह ईशु मां ना खतना ते ना बिना खतना कुई कामा चा छै, पर सेर्फ विश्‍वास, जको प्रेम चे जरिये असर नाखे।

गलातियां 6:14

पर यूं ना हो कि मैं नेरी कुई बाते चा घमण्ड करे, सेर्फ अम्चे प्रभु ईशु मसीह चे क्रूसा चा, जाये जरिये संसार माई नजरी मां ते मैं संसारा ची नजरी मां क्रूसा उपर चढ़ाला गेला

इफिसियां 2:2

जाये मां तम्ही पेहले ऐ संसारा ची रीति उपर, ते आसमाना चे अधिकार चे हाकिम यानि वे आत्मा चे अनुसार चलते, जको हमा वी आज्ञा ना मनणे आला मां काम करे।

1 तीमुथियुस 1:5

आज्ञा चा निचोड़ हा छै, कि शोद्ध मन ते आच्छा विवेक, ते बिना कप्पट करले विश्‍वास लारे प्रेम पैदा हुला हो।

1 तीमुथियुस 5:4

ते अगर कुई बांढी ची ब़ाले-ब़च्‍ची जा ङोहत्रे पोत्रे हो, तां वे सारा महु पेहले आपणे ही घराणे चे लारे भग़ती चा बर्ताव करो, ते आपणे आई-ब़ा ची सेवा करती कर वांचा बदला चुकाओ, कांकि ईं नरीकारा नु भावे।

तीतुस 2:12

ते नरीकारा चा अनुग्रह अम्हानु चितावे, कि अम्ही अभग़ति ते संसारिक इच्छा कनु मन फेरती कर ऐ युगा मां संयम ते धर्म ते भग़ती लारे जीन्दगी बिताऊं।

याकूब 3:17

पर जको ज्ञान उपरु आवे पेहले तां ओ पवित्र रिहे बल्ति मेल-मिलाप, मुलायम ते मन-भावना ते दया, ते आच्छे फला लारे लङला आला ते बिना पक्षपात ते बिना कप्पट लारे हुवे।

याकूब 3:9

ये जुबानी लारे अम्ही प्रभु ते ब़ा ची स्तुति वी करु, ते यिचे ही लारे बन्दा नु वी जको नरीकारा चे स्वरूप मां पैदा हुली वानु श्राप वी ङिऊं।

याकूब 4:4

हे व्यभिचारी बन्दी, का तम्ही ना जाणा, कि संसारा लारे मित्रता नरीकारा चे लारे बैर राखणे छै? ऐवास्ते जको कुई संसारा चे मित्र हुवणे चाहवे, ऊं आपणे आप नु नरीकारा चे बैरी बणावे।

2 पतरस 1:4

जाये जरिये ओणे अम्हानु बेशकीमती ते ब़ोहत ही बङे वायदे ङिले कि यांचे जरिये तम्ही वे सड़ाहट कनु छुटती कर जको संसारा मां बुरी अभिलाषा कनु हुवे ईश्‍वरीय सुभाव चे भईवाल हुती जावा।

2 पतरस 2:20

जब वे प्रभु ते उद्धारकर्ता ईशु मसीह ची पिछाण चे जरिये संसारा ची कई तरह ची अशोद्धता कनु बचती निकलो, ते बल्ति वांचे मां फसती कर हारती गेले, तां वांची दशा पेहली कनु वी बुरी हुती गेली छै।

2 पतरस 3:14

ऐवास्ते, हे माये प्यारे भऊ जबकि तम्ही यां बाता ची आस ङेखा पले तां जत्तन करा कि तम्ही शान्ति लारे ओचे सामणे बेदाग ते बेकसूर ठहरा।

1 यूहन्‍ना 5:18

अम्ही जाणु, कि जको कुई नरीकारा कनु पैदा हुला, ऊं पाप ना करी, पर जको नरीकारा कनु पैदा हुले, ओनु नरीकार बचाली राखे, ते शैतान ओनु हाथ तक ना ला सग़ी।