याकूब 1:18 - ओङ राजपूत

¹⁸ ओणे आपणी ही इच्छा लारे अम्हानु सच्‍च चे वचना चे जरिये पैदा करले कि अम्ही ओची सृष्टि करली हुली चीजा महु हेक तरह चे पेहला फल छिऊं।

याकूब 1:18 ပူးပေါင်းရင်းမြစ်များ

यूहन्‍ना 1:13

ओ ना तां लुहींया लारे, ना शरीरा ची इच्छा लारे, ना बन्दा ची इच्छा लारे पैदा हुला, पर नरीकारा कनु पैदा हुला।

रोमियां 4:17

जिसड़े कि पवित्रशास्त्र मां लिखले आले छै, “मैं तनु ब़ोहत सारीया जातिया चा ब़ा ठहराला।” नरीकारा चे सामणे अब्राहम अम्चा ब़ा छै, जेह्णे ओ नरीकारा उपर विश्‍वास करला, जको मरला आला नु जीते करे ते जको बाता छी ही कोनी, वांचे नां इसड़े गिहे, कि मनती गिहा कि वे छी।

1 कुरिन्थियां 4:15

मसीह मां तम्चे ङस हजार सिखावणे आले तां हो सग़ी पर इतने ब़ा कोनी, कांकि शुरु मां मसीह ईशु चा सुसमाचार सुणावणे ची वजह कनु मैं तम्चा ब़ा बणती गेला।

2 कुरिन्थियां 6:7

सच्‍चाई चे वचन लारे, नरीकारा ची सामर्थ लारे, धार्मिकता चे हथियारा लारे जको सज़्ज़े ते खब़्ब़े हाथा मां छी,

इफिसियां 1:12

अम्ही जेह्णे पेहले कनु ईशु मसीह उपर उम्मीद राखली, नरीकारा ची महिमा ची स्तुति चे वजह हो सग़ो।

इफिसियां 1:13

ते जिसे बेले तम्ही सच्‍चाई चा वचन सुणला ओ तम्चे उद्धार चा सुसमाचार हुता, जिसे ईशु मसीह उपर तम्ही विश्‍वास करला ते वायदा करले आले पवित्र आत्मा ची छाप लाली।

2 तीमुथियुस 2:15

आपणे आप नु नरीकारा चे ग्रहण योग्य ते इसड़े काम करने आला ते हुवणे ची कोशिस कर, जको शर्मसार ना हो सग़ो, ते जको सच्‍चाई चे वचना नु सही तरीके चे लारे कामा मां आणता हो।

इब्रानियां 12:23

तम्ही नरीकारा ची वां पलेठी आला ची कलीसिया चे गोढु आती गेले, जाये नां स्वर्ग़ा मां लिखले गेले छै। तम्ही नरीकारा चे गोढु आती गेले जको सब चा न्यांयी छै, ते वां धर्मीया ची आत्मा चे गोढु आती गेले जको सेद्ध बणले हुते।

याकूब 1:15

बल्ति इच्छा भरले गर्भवती हुती कर पापा नु जणती ङिये ते पाप जिसे बेले बधती जाये तां मौत नु पैदा करे।

याकूब 1:21

ऐवास्ते, सारी मलिनता ते बैरभाव ची बढ़ोतरी नु दूर करती कर, ओ वचना नु नरमाई लारे ग्रहण करती गिहा, जको दिला मां राहला गेला ते जको तम्ची जानी चा उद्धार कर सग़े।

याकूब 3:14

अगर तम्ही आपणे आपणे मना मां कड़वी ईर्ष्या ते विरोध राखा, ते सच्‍चाई चे विरोध मां घमण्ड ना करजा, ते ना ही कूड़ मारजा।

1 पतरस 1:23

कांकि तम्ही नाशवान कोनी, पर अवनाशी बीजा लारे, नरीकारा चे जीते ते सदा रुकणे आले वचना लारे नवां जनम गेहला।

1 पतरस 1:3

अम्चे प्रभु ईशु मसीह चा नरीकारा ते ब़ा चा धन्यवाद हो, जेह्णे ईशु मसीह नु मरले आला महु जीते हुवणे चे जरिये, आपणी बङी दया लारे अम्हानु जीती उम्मीद चे वास्ते नवां जनम ङिला।

1 यूहन्‍ना 3:9

जको कुई नरीकारा कनु जमले ऊं पाप ना करी, कांकि ओचे बीज वांचे मां बणले रिहे, ते ऊं पाप कर ही ना सग़ी कांकि नरीकारा कनु जमले।

प्रकाशितवाक्य 14:4

ये वे बन्दी छी यांणे कुई असतरी लारे आपणे आप नु गन्दे कोनी करले। कांकि वे कुंवारे हुते, ते जिठे-किठे मैमणे जते, वे बन्दी ओचे भांसु टुरती पड़ती। सारी इन्सानी जाति कनु मोल गेहती कर छुड़ाती गेले ते। वे नरीकारा चे ते मैमणे चे वास्ते रहड़ी चे पेहले फल हुते।