इब्रानियां 9:15 - ओङ राजपूत

¹⁵ ऐवास्ते ओ हेक नवीं वाचा चा बिचोला छै, कि वे मौत चे जरिये जको पेहली वाचा चे समय चे अपराधा कनु छुटकारा गेहणे वास्ते हुली, हकारले आले लौक वायदे चे अनुसार अनन्त विरासत नु गिहो।

इब्रानियां 9:15 ပူးပေါင်းရင်းမြစ်များ

मत्ती 19:29

ते जेह्णे वी घर, जा भावां नु, जा ब़ेहणीया नु, जा ब़ा नु, जा आई नु, जा ब़ाला-ब़च्‍चा नु, जा खेता नु माये नांवा वास्ते छोड़ती ङिले, ओनु साओ गुणा मिली, ते ओ अनन्त जीवन चा अधिकारी हुवी।

मत्ती 22:3

ते ओणे आपणे दासा नु भेज़ले कि छेड़ा ङिले आले लौका नु बीहा चे खाणे मां हकारा, पर वे आणे ना चाह्‍ले।

मत्ती 25:34

“मैं राजा आपणे सज़्ज़े पासे आला नु किही, ‘हे माये ब़ा ची धन्‍न बन्दी, आवा, ओ राज़ चे अधिकारी हुती जावा, जको संसार चे शुरुआत कनु तम्चे वास्ते तियार करला आला छै।

मत्ती 25:36

मैं उघाड़ा हुता, तम्ही मनु ओढ़णी घलाली। मैं बिमार हुता, तम्ही माई ङेखभाल करली, मैं कैदखाने मां हुता, तम्ही मनु मिलु आले।’

मरकुस 10:17

जब ईशु उठु कनु निकलती कर मार्ग़ा मां जाये पलता, तां हेक बन्दे ओचे सनु द्रोड़ते हुले आले, ते ओचे आग़ु गोङे टेकती कर ओकनु पूछले, “हे उत्तम गुरु, अनन्त जीवन चा अधिकारी हुवणे वास्ते मैं का करे?”

लूका 18:18

कुई सरदारा ने ईशु कनु पूछले, “हे उत्तम गुरु, अनन्त जीवन चा अधिकारी हुवणे वास्ते मैं का करे?”

लूका 22:20

यूं करती खाणे चे बाद मुंगर वी चला ते केहले, “हा मुंगर माये ओ लुहींया मां जको तम्चे वास्ते बाहले जाये नवीं वाचा छै।

यूहन्‍ना 10:28

मैं वानु अनन्त जीवन ङिये, वे कङी वी नी मरे, ते कुई वानु माये हाथा कनु खौश ना सग़ी।

प्रेरितां चे काम 20:32

“ते हमा मैं तम्हानु नरीकारा नु, ते ओचे अनुग्रह चे वचना नु सोंपती ङिये पला, जको तम्ची बढ़ोतरी कर सग़ी, ते सारे पवित्र करले गेले लौका मां सहभागी हुती ते विरासत ङे सग़े।

रोमियां 5:10

कांकि बैरी ची हुवणे दशा मां ओचे पूता ची मौत चे जरिये अम्चा मेल-मिलाप नरीकारा लारे हुला बल्ति मेल-मिलाप हुती जाणे लारे, ओचे जीवन ची वजह कनु अम्ही उद्धार कां नी गिहुं?

रोमियां 5:6

कांकि जिसे बेले अम्ही कमजोर हुते, तां मसीह ठीक समय उपर अधर्मीया वास्ते मरला।

रोमियां 5:8

पर नरीकार अम्चे उपर आपणे प्रेम ची भलाई ये रीति लारे प्रकट करे, कि जिसे बेले अम्ही पापी ही हुते, ओही बेले मसीह अम्चे वास्ते मरणे वास्ते भेज़ला गेला।

रोमियां 6:23

कांकि पाप ची मजदूरी तां मौत छै, पर नरीकारा चा सेंत मेंत चा वरदान अम्चे प्रभु मसीह ईशु मां अनन्त जीवन छै।

रोमियां 8:28

ते अम्ही जाणु कि, जको लौक नरीकारा लारे प्रेम राखे, वांचे वास्ते सारीया बाता मिलती कर भलाई ही नु पैदा करी यानिकि वांचे ही वास्ते जको ओची इच्छा चे अनुसार हकारले गेले छै।

रोमियां 8:30

बल्ति जानु नरीकारा ने पेहले कनु ठहराले वानु हकारले वी। ते जानु हकारले वानु धर्मी वी ठहराले। ते जानु धर्मी ठहराले वानु महिमा वी ङिली।

रोमियां 9:24

यानिकि अम्चे उपर जानु ओणे ना सेर्फ यहूदिया महु बल्कि नेरीया जातिया महु वी हकारले।

2 कुरिन्थियां 3:6

ओणे अम्हानु नवें वायदे चे सेवक हुवणे चे लायक वी बणाले। हा वायदा लिखली आली व्यवस्था चा कोनी पर पवित्र आत्मा चा छै। कांकि लिखली आली व्यवस्था मौत नु पैदा करे, पर पवित्र आत्मा जीवन ङिये।

गलातियां 3:20

बिचोला तां कम से कम ङोन बन्दा चे बीच मां रिहे, पर नरीकार हेक ही छै।

इफिसियां 1:7

अम्हानु ओचे मां ओचे लुहींया चे जरिये छुटकारा, यानि पापा ची माफी, ओचे ओ अनुग्रह चे धन चे अनुसार मिड़ला।

2 थिस्सलुनीकियां 2:14

जाये वास्ते ओणे तम्हानु अम्चे सुसमाचार चे जरिये हकारले, कि तम्ही अम्चे प्रभु ईशु मसीह ची महिमा नु प्राप्त करा।

1 तीमुथियुस 2:5

कांकि नरीकार हेक ही छै, ते नरीकार ते बन्दा चे बीच मां हेको ही बिचोलीया छै, यानिकि ईशु मसीह जको इन्सान वी छै।

2 तीमुथियुस 2:10

ऐह वजह कनु मैं चुणला आला बन्दा चे वास्ते सारे कोच्छ सहन करे पला, कि वे ओ उद्धार नु जको ईशु मसीह मां छै, हमेशा ची महिमा नु पाओ।

तीतुस 1:2

ओ अनन्त जीवन ची आस उपर, जको वायदा नरीकारा ने, जको कूड़ मार ना सग़ी शुरु कनु करला।

तीतुस 3:7

अम्ही नरीकारा चे अनुग्रह लारे धर्मी हुती कर, ते अनन्त जीवन ची आस चे अनुसार वारिस बणले।

इब्रानियां 10:34

कांकि तम्ही कैदी विश्‍वासी भावां चे ङुखा मां वी ङुखी हुले, ते आपणी जायजात वी खुशी लारे लूटीजु ङिली, ईं जाणती कर, कि तम्चे गोढु हेक नेरी वी उत्तम ते सदा रुकणे आली जायजात छै।

इब्रानियां 10:36

कांकि तम्हानु सब्र करना जरुरी छै, कि नरीकारा ची इच्छा नु पुरी करती कर तम्ही वायदे चा फल गिहा।

इब्रानियां 11:13

ये सारे विश्‍वासा ची दशा मां मरले, ते वाणे वायदा करलीया आलीया चीजा कोनी गेहलीया। पर वानु दूरी कनु ङेखती कर खौश हुले ते मनती गेहले कि अम्ही धरती उपर प्रदेसी ते ब़ाहरले छिऊं।

इब्रानियां 12:24

तम्ही ईशु चे गोढु जको नवीं वाचा चा बिचोला छै ते छिड़काव चे लुहींया चे गोढु जको हाबिल चे लुहींया कनु उत्तम साफ बाता करे, आती पुज़ले।

इब्रानियां 13:20

शान्ति चा नरीकार, जेह्णे भेङा चे महान आजड़ी यानि मसीह ईशु, अम्चे प्रभु ईशु नु अनन्त वाचा चे लुहींया चे जरिये मरले आला महु जीते करले,

इब्रानियां 2:14

ऐवास्ते कि ऊलाद्ध लुहींया ची ते मांस ची हुवे, मसीह ईशु वी लुहीं ते मांस चे हुती गेले कि मौत चे जरिये ओ ओनु यानि शैताना नु, जाये मां मौत ची ताकत हुती, कमजोर करती ङियो

इब्रानियां 3:1

ऐवास्ते, हे माये विश्‍वासी भऊ, तम्ही जको स्वर्ग़ीय ब़ुलावे मां भईवाल छिवा, ईशु उपर ध्यान ङिया, जको अम्चे वास्ते नरीकारा चा प्रेरित ते महायाजक छै।

इब्रानियां 6:13

नरीकारा ने अब्राहमा लारे वायदा करते बेले जिसे बेले कसम खाणे वास्ते कानु आपणे कनु बङे कोनी ङेखले, तां आपणी ही कसम खाती कर केहले,

इब्रानियां 6:15

ऐवास्ते अब्राहम सब्र करती कर इन्तजार करता रेहला ते ओनु ऊं मिड़ले, जाया वायदा करला गेलता।

इब्रानियां 7:22

ये कसमी ची वजह लारे मसीह ईशु हेक उत्तम वाचा चा जामिन बणती गेला।

इब्रानियां 8:13

नवीं वाचा ची स्थापना लारे ओणे पेहली वाचा नु पुराणी ठहराली ते जको चीज पुराणी ते जर्रती जाये विचे मिटती जाणे लाजमी छै।

इब्रानियां 9:12

ब़करा ते बछड़ा चे लुहींया चे जरिये ना, पर खौद्द आपणे ही लुहींया चे जरिये अति पवित्र स्थान मां सेर्फ हेक ही बार जाणे लारे अम्चे पापा वास्ते अनन्त छुटकारा पक्‍का करला।

इब्रानियां 9:16

जिठे तक वसीयत नांवा चा सवाल छै, तां ओचे वास्ते जेह्णे ओनु लिखले, ओची मौत नु प्रमाणित करने जरुरी छै।

इब्रानियां 9:28

यूं करती मसीह ब़ोहता चे पाप चवणे वास्ते हेक ही वारी खौद्द नु भेंट करले। ओचे बाद हमा दुबारा प्रकट हुवी, पापा नु चवणे वास्ते ना, पर वांचे उद्धार वास्ते जको ओचे इन्तजार मां छी।

याकूब 1:12

धन्‍न छै ऊं बन्दे जको परीक्षा मां मजबूत रिहे कांकि ऊं खरे निकलती कर जीन्दगी चा ओ मुग़ट गिही जाया वायदा प्रभु ने आपणे प्रेम करने आला वास्ते करला।

1 पतरस 3:18

कांकि मसीह ने वी अम्चे पापा चे वास्ते ङोख भोग़ले। यानिकि ओ बेकसूर हुता। अम्चे पापा चे वास्ते हेक वारी मरती गेला कि अम्हानु नरीकारा चे गोढु गेहती जाओ। शरीरा चे जरिये तां ओ मारला गेला, पर आत्मा चे जरिये जिवाला गेला।

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।

1 यूहन्‍ना 2:25

ते ईशु मसीह ने खौद्द अम्हानु अनन्त जीवन ङेणे चे वास्ते वायदा करला।

प्रकाशितवाक्य 5:9

वे ईं नवें गीत गाऊं लाग़ले, “तु ये किताबे नु गेहणे, ते ऐचीया मोहरा खोलणे चे लायक छी, कांकि तु बलि हुती कर, आपणे लुहींया लारे हर हेक कोल्‍ल ते भाषा ते लौक ते जाति महु नरीकारा वास्ते लौका नु मोल गेहले।