इब्रानियां 9:11 - ओङ राजपूत

¹¹ पर जब मसीह आणे आलीया आच्छीया चीजा चे महायाजक चे रुप मां प्रकट हुला, ओणे उत्तम ते सेद्ध तम्बूआ महु, जको हाथा चा बणाला आला कोनी यानि संसारिक कोनी हुता।

इब्रानियां 9:11 ပူးပေါင်းရင်းမြစ်များ

मत्ती 11:3

वाणे पूछले, “का आणे आला तु ही छी, जा अम्ही कुई ङुजे ची बाट ङेखु?”

मत्ती 2:6

“ ‘हे बैतलहम, तु जको यहूदा चे प्रदेस मां छी, तु कुई वी रीति लारे यहूदा चे अधिकारीया मां सबकनु छोटा कोनी, कांकि दुधे महु हेक अधिपति निकली, जको माई प्रजा इस्राएल ची रखवाली करी।’ ”

मरकुस 14:58

“अम्ही ऐनू ईं केहते सुणले, ‘मैं ऐ हाथा चे बणाले आले मन्दरा नु ढाती नाखी ते तीन ङिहां मां ङुजा बणावी, जको हाथा लारे ना बणला हो।’ ”

यूहन्‍ना 1:14

ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

यूहन्‍ना 4:25

असतरी ने ईशु नु केहले, “मैं जाणे कि मसीह जको नरीकारा चा चुणला आला छै ओ आणे आला छै। जिसे बेले ओ आवी, तां अम्हानु सारीया बाता बावड़ती ङिही।”

प्रेरितां चे काम 7:48

“पर परमप्रधान हाथा चे बणाले घरा मां ना रिही, जिंवे कि भविष्यवक्‍ता ने केहले,

2 कुरिन्थियां 4:18

ते अम्ही तां ङेखलीया आलीया चीजा नु कोनी पर अणङेखलीया चीजा नु ङेखते रिहुं कांकि ङेखलीया आलीया चीजा थोड़े ङिहां चा छी, पर अणङेखलीया आलीया चीजा सदा बणलीया रिही।

2 कुरिन्थियां 5:1

कांकि अम्ही जाणु कि, जिसे बेले अम्चे संसारिक देह नु धरती कनु ढाती ङिले जई तां अम्चे वास्ते नरीकारा ची ओर कनु स्वर्ग़ा मां हेक इसड़े घरा जिसड़ी देह तय करली गेली, जको इन्साना चे हाथा लारे बणाले आले कोनी छै पर स्वर्ग़ीय ते अनन्त काल चे छै।

कुलुस्सियां 2:11

ओचे मां तम्चा इसड़ा खतना हुला आला छै, जको हाथा लारे ना हुवी, यानि मसीह चा खतना, जाये लारे शरीरा ची बुरी इच्छा उतारती ङिली जाये।

इब्रानियां 10:1

व्यवस्था, जाये मां आणे आली आच्छीया चीजा ची छां छै, पर वांचा असली रुप कोनी। ऐवास्ते वां हेके तरह चे बलिदाना चे जरिये जको हर साल अचूक चढ़ाले जई, नरीकार चे गोढु आणे आला नु हरगिज सेद्ध ना कर सग़ी।

इब्रानियां 12:27

ये शब्द “हेक वारी बल्ति” वां चीजा नु हटाले जाणे ची ओर इशारा छै, जको टलती जई यानि सृजलीया आलीया चीजा छी, कि जको चीजा हलालीया ना जई वे अटल बणलीया रिहो।

इब्रानियां 13:14

कांकि इठे अम्चा कुई स्थाई रेहणे आला शहर कोनी, बल्कि अम्ही ओ शहरा ची बाट ङेखु पले जको आणे आला अनन्तकाल चा छै।

इब्रानियां 2:17

ऐवास्ते ओनु जरुरी हुते, कि सब बाता मां आपणे भावां आलीकर बणो, जाये कनु ओ वां बाता मां जको नरीकारा लारे मेल खई, हेक दया करने आला ते भरोसेमन्द महायाजक बणो, कि लौका चे पापा वास्ते प्रायश्‍चित करो।

इब्रानियां 3:1

ऐवास्ते, हे माये विश्‍वासी भऊ, तम्ही जको स्वर्ग़ीय ब़ुलावे मां भईवाल छिवा, ईशु उपर ध्यान ङिया, जको अम्चे वास्ते नरीकारा चा प्रेरित ते महायाजक छै।

इब्रानियां 4:15

कांकि अम्चा महायाजक इसड़ा कोनी जको अम्ची कमजोरीया मां अम्चे लारे ङुखी ना हो सग़ो। बल्कि ओ सब बाता मां अम्चे आलीकर परखला गेला, तां वी निष्पाप रेहला।

इब्रानियां 7:1

परमप्रधान नरीकारा चा याजक, शालेम शहरा चा राजा मेलिकिसिदक ने अब्राहम लारे ओस समय भेंट करली ते ओनु आशीष ङिली, जिसे बेले अब्राहम राजा नु हराती कर पुठा आवे पलता,

1 यूहन्‍ना 5:20

तां हा वी अम्ही जाणु कि, नरीकारा चा पूत आती गेला ते ओणे अम्हानु हा समझ ङिली, कि अम्ही ओ सच्‍च नु पिछाणु, ते अम्ही ओचे मां जको सच्‍चाई छै, यानिकि ओचे पूत ईशु मसीह चे लारे रिहुं, सच्‍चा नरीकार ते अनन्त जीवन हाओ छै।

2 यूहन्‍ना 1:7

कांकि ब़ोहत सारे इसड़े भरमाणे आले संसारा महु निकलती आले, जको ईं ना मनी कि ईशु मसीह शरीरा मां हुती कर आला। भरमाणे आला ते मसीह-विरोधी हाओ छै।