इब्रानियां 8:2 - ओङ राजपूत

² ओ अति पवित्र स्थान यानि सच्‍चे तम्बू चा सेवक हुला, जानु कुई इन्साना ने कोनी बल्कि प्रभु ने खड़े करले हुते।

इब्रानियां 8:2 ပူးပေါင်းရင်းမြစ်များ

लूका 24:44

बल्ति ईशु ने वानु केहले, “ये माया वे बाता छी, जको मैं तम्चे लारे रेहते हुले, तम्हानु केहलीया हुतीया, कि जरुरी छै, कि जितनीया बाता मूसा ची व्यवस्था, ते भविष्यवक्‍ता ते भज़ना चीया किताबा मां, माये बारे मां लिखलीया आलीया छी, सारीया पुरीया हुवणे जरुरी हुतीया।”

रोमियां 15:8

मैं किहे कि, जको वायदा नरीकारा ने पुरखा लारे करला गेला हुता, ओनु मजबूत करने वास्ते ते नरीकारा ची सच्‍चाई चा सबूत ङेणे वास्ते, मसीह खतना करले आले लौका चा सेवक बणला,

2 कुरिन्थियां 5:1

कांकि अम्ही जाणु कि, जिसे बेले अम्चे संसारिक देह नु धरती कनु ढाती ङिले जई तां अम्चे वास्ते नरीकारा ची ओर कनु स्वर्ग़ा मां हेक इसड़े घरा जिसड़ी देह तय करली गेली, जको इन्साना चे हाथा लारे बणाले आले कोनी छै पर स्वर्ग़ीय ते अनन्त काल चे छै।

कुलुस्सियां 2:11

ओचे मां तम्चा इसड़ा खतना हुला आला छै, जको हाथा लारे ना हुवी, यानि मसीह चा खतना, जाये लारे शरीरा ची बुरी इच्छा उतारती ङिली जाये।

इब्रानियां 10:11

ते हर हेक याजक तां भिले रेहती कर हर ङिओ सेवा करे ते हेक ही तरह चे बलिदाना नु जको पापा नु कङी दूर ना कर सग़ी बार-बार चढ़ावे।

इब्रानियां 10:21

ते ऐवास्ते अम्चा इसड़ा महान याजक छै, जको स्वर्ग़ा मां नरीकारा चे घरा चा अधिकारी छै,

इब्रानियां 11:10

कांकि ओची नजर ओ टिकाऊं शहरा उपर हुती, जानु रचने आला ते बणावणे आला नरीकार छै।

इब्रानियां 9:1

पेहली वाचा मां नरीकारा ची अराधना चे बारे मां नियम हुते, इन्सान चे हाथा ची बणाली हुली हेक अराधना ची जग़हा हुती।

प्रकाशितवाक्य 21:3

बल्ति मैं सिंहासन महु कानु ऊंची अवाजी मां हा केहते हुले सुणले कि, “ङेखा, नरीकारा चा डेरा लौका चे बीच मां छै, ओ वांचे लारे डेरा करी, ते वे ओचे लौक हुवे, ते नरीकार आप वांचे लारे रिही, ते वांचा नरीकार हुवी।