इब्रानियां 8:13 - ओङ राजपूत

¹³ नवीं वाचा ची स्थापना लारे ओणे पेहली वाचा नु पुराणी ठहराली ते जको चीज पुराणी ते जर्रती जाये विचे मिटती जाणे लाजमी छै।

इब्रानियां 8:13 ပူးပေါင်းရင်းမြစ်များ

मत्ती 24:35

आसमान ते धरती टलती जाये, पर माया बाता कङी नी टले।

लूका 22:20

यूं करती खाणे चे बाद मुंगर वी चला ते केहले, “हा मुंगर माये ओ लुहींया मां जको तम्चे वास्ते बाहले जाये नवीं वाचा छै।

1 कुरिन्थियां 13:8

प्रेम अनन्त काल चा छै। पर भविष्यवाणीया थोड़े समय वास्ते छी, नेरीया भाषा ब़ोलणे चा वरदान खत्तम हुती जाये, ज्ञान चा वरदान हो, तां मिटती जई।

2 कुरिन्थियां 3:6

ओणे अम्हानु नवें वायदे चे सेवक हुवणे चे लायक वी बणाले। हा वायदा लिखली आली व्यवस्था चा कोनी पर पवित्र आत्मा चा छै। कांकि लिखली आली व्यवस्था मौत नु पैदा करे, पर पवित्र आत्मा जीवन ङिये।

2 कुरिन्थियां 5:17

ऐवास्ते अगर कुई मसीह मां छै तां वा नवीं सृष्टि छै। पुराणीया बाता गुजरती गेलीया, ङेखा वे सारीया नवींया हुती गेलीया।

इब्रानियां 1:11

वे तां नाश हुती जाये, पर तु बणला रिहे, ते वे सब ओढ़णा आलीकर पुराणे हुती जाये।

इब्रानियां 12:24

तम्ही ईशु चे गोढु जको नवीं वाचा चा बिचोला छै ते छिड़काव चे लुहींया चे गोढु जको हाबिल चे लुहींया कनु उत्तम साफ बाता करे, आती पुज़ले।

इब्रानियां 7:22

ये कसमी ची वजह लारे मसीह ईशु हेक उत्तम वाचा चा जामिन बणती गेला।

इब्रानियां 8:6

पर वां याजका कनु बधती कर सेवा मसीह ईशु नु मिड़ली कांकि ओ होर वी उत्तम वाचा चा बिचोला बणला जको होर वी खरे वायदे चे सहारे ब़ांहला गेला।

इब्रानियां 8:8

पर खौद्द नरीकारा ने वे पीढ़ी नु दोषी ङेखती कर केहले, “प्रभु किहे, वे ङिहें आवी पली, जिसे बेले मैं इस्राएल ते यहूदा चे घराणे लारे हेक नवीं वाचा ब़ांधी।

इब्रानियां 9:15

ऐवास्ते ओ हेक नवीं वाचा चा बिचोला छै, कि वे मौत चे जरिये जको पेहली वाचा चे समय चे अपराधा कनु छुटकारा गेहणे वास्ते हुली, हकारले आले लौक वायदे चे अनुसार अनन्त विरासत नु गिहो।