इब्रानियां 8:10 - ओङ राजपूत

¹⁰ बल्ति प्रभु किहे, कि जको वाचा मैं वां ङिहां चे बाद, इस्राएल चे घराणे लारे ब़ांधी, वा हा छै कि, मैं आपणी व्यवस्था नु वांचे मना मां नाखी, ते विनु वांचे दिला उपर लिखी, ते मैं वांचा नरीकार हुवी, ते वे माये लौक हुवे।

इब्रानियां 8:10 ပူးပေါင်းရင်းမြစ်များ

मत्ती 22:32

‘मैं अब्राहम चा नरीकार, ते इसहाक चा नरीकार, ते याकूब चा नरीकार छै?’ ओ मरले आला चा कोनी, पर जीता चा नरीकार छै।”

रोमियां 11:27

ते वांचे लारे माया हाओ वाचा हुवी, जबकि मैं वांचे पापा नु दूर करती ङिही।”

1 कुरिन्थियां 6:16

का तम्ही ना जाणा कि जको कुई वेश्या लारे संगति राखे ओ विचे लारे हेक तन हुती जाये? कांकि लिखले आले छै, “वे ङोनी हेको तन हुवे।”

2 कुरिन्थियां 3:3

ईं साफ छै कि, तम्ही मसीह ची लिखली आली चिठ्ठी जिसड़े छिवा, ते अम्ची सेवकाई चा फल छिवा, ते जको सियाही लारे कोनी, पर जीते नरीकारा ची आत्मा लारे पत्थरा ची पट्टिया उपर कोनी, पर कालजे चे मांस रूपी पट्टिया उपर लिखली आली छै।

तीतुस 2:14

जेह्णे आपणे आप नु अम्चे वास्ते ङिती ङिले, कि अम्हानु हर-तरहा चे अधर्म कनु छुड़ाती गिहो, शोद्ध करती आपणे वास्ते हेक इसड़ी जाति बणाती गिहो जको भले-भले कामा मां तियार हो।

इब्रानियां 11:16

पर सच्‍चाई हा छै कि वानु हेक बेहतर देशा ची इच्छा हुती, जको स्वर्ग़ देश छै। ऐवास्ते नरीकार वांचा नरीकार किहवावणे मां ना लज़ावी, कांकि नरीकारा ने ही वांचे वास्ते हेक शहर तियार करला।

याकूब 1:18

ओणे आपणी ही इच्छा लारे अम्हानु सच्‍च चे वचना चे जरिये पैदा करले कि अम्ही ओची सृष्टि करली हुली चीजा महु हेक तरह चे पेहला फल छिऊं।

याकूब 1:21

ऐवास्ते, सारी मलिनता ते बैरभाव ची बढ़ोतरी नु दूर करती कर, ओ वचना नु नरमाई लारे ग्रहण करती गिहा, जको दिला मां राहला गेला ते जको तम्ची जानी चा उद्धार कर सग़े।

1 पतरस 1:23

कांकि तम्ही नाशवान कोनी, पर अवनाशी बीजा लारे, नरीकारा चे जीते ते सदा रुकणे आले वचना लारे नवां जनम गेहला।

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,