इब्रानियां 6:9 - ओङ राजपूत

⁹ पर हे प्यारे, हालांकि अम्ही ये बाता किहुं, तां वी तम्चे बारे मां अम्ही याकनु आच्छीया होर उद्धार आलीया बाता चा भरोसा करु।

इब्रानियां 6:9 ပူးပေါင်းရင်းမြစ်များ

मरकुस 16:16

जको कुई विश्‍वास करे ते बपतिस्मा गिहे ते ओही बचाला जई, जको विश्‍वास ना करी, ऊं दोषी ठहराले जई।

प्रेरितां चे काम 11:18

ईं सुणती कर, वे चोप रेहले ते नरीकारा ची बढ़ाई करती किहुं लाग़ले, “बल्ति तां नरीकारा ने नेरीया जातिया नु वी जीवन वास्ते मन फिराव चा दान ङिला।”

प्रेरितां चे काम 20:21

बल्ति मैं यहूदिया नु ते यूनानिया नु चिताता रेहला कि नरीकारा सनु मन फिरावा, ते अम्चे प्रभु ईशु मसीह उपर विश्‍वास करा।

1 कुरिन्थियां 10:14

ऐवास्ते, हे माये प्यारे, तम्ही मूर्तिपूजा कनु बचले रिहा।

2 कुरिन्थियां 12:19

तम्ही हालि तक समझते पले वा, कि अम्ही तम्चे सामणे सफाई ङिऊं पले। इसड़े कोनी। अम्ही तां नरीकारा नु मौजुद जाणती कर मसीह मां ब़ोलु। ते हे प्यारे, जको कोच्छ अम्ही किहुं ते करु ऊं तम्ची बढ़ोतरी वास्ते ही किहुं।

2 कुरिन्थियां 7:1

हे माये प्यारे भऊ, जबकि ये वायदे अम्हानु मिड़ले, तां आवा, अम्ही आपणे आप नु शरीर ते आत्मा ची सारी मलिनता कनु शोद्ध करु, ते नरीकारा चा भय मनते हुले पवित्रता नु सेद्ध करु।

2 कुरिन्थियां 7:10

ऊं ङोख जको नरीकार चे तरफु आवे, ऊं उद्धार ङेणे आले पश्‍चयाताप चा वजह बणती जाये, ते बल्ति ओनु पछताणे ना पड़ी। पर संसारिक ङोख मौत पैदा करे।

गलातियां 5:6

मसीह ईशु मां ना खतना ते ना बिना खतना कुई कामा चा छै, पर सेर्फ विश्‍वास, जको प्रेम चे जरिये असर नाखे।

इब्रानियां 10:34

कांकि तम्ही कैदी विश्‍वासी भावां चे ङुखा मां वी ङुखी हुले, ते आपणी जायजात वी खुशी लारे लूटीजु ङिली, ईं जाणती कर, कि तम्चे गोढु हेक नेरी वी उत्तम ते सदा रुकणे आली जायजात छै।

इब्रानियां 10:39

पर अम्ही भांसु हटणे आले कोनी, कि नाश हुती जऊं, पर विश्‍वास करने आले छिऊं, कि जान बचाऊं।

इब्रानियां 2:3

तां अम्ही लौक इसड़े महान उद्धार ची बेपरवाही करती कर आणे आले ङण्ड कनु किवें बच सग़ु? जाई चर्चा सबकनु पेहले खौद्द प्रभु चे जरिये करली गेली, ते प्रभु नु सुणने आला चे जरिये अम्हानु विश्‍वास हुला।

इब्रानियां 5:9

ते सेद्ध बणती कर ओ खौद्द वां सब वास्ते जको ओची आज्ञा चा पालन करी अनन्त काल वास्ते उद्धार ची वजह बणती गेला।

इब्रानियां 6:10

नरीकार अन्यायी कोनी, कांकि तम्चे काम ते ओ प्रेम नु भूलती ना जई, जको तम्ही ओचे नांवा वास्ते ओचे लौका ची सेवा करली ते करा वी पले।

1 पतरस 2:11

हे प्यारे, मैं तम्हा कनु बिनती करे पला, कि तम्ही संसारा मां प्रदेसीया चे रूपा मां छिवा, जको तम्ची आत्मा लारे योद्ध करतीया रिही वा शरीरा चा इच्छा कनु तम्ही बचले रिहा।

2 पतरस 3:1

हे माये प्यारे भऊ, हमा मैं तम्हानु हा ङुजी चिठ्ठी लिखे पला, ते ङुंहु मां चैता ङिवाती कर तम्चे शोद्ध मना नु उभारे पला।

1 यूहन्‍ना 2:7

हे प्यारे, मैं तम्हानु कुई नवीं आज्ञा ना लिखी, पर वाही पुराणी आज्ञा जको शुरु कनु तम्हानु मिड़ली। हा वाहो पुराणी आज्ञा छै जको तम्ही सुणती चुकले।

यहूदा 1:3

हे प्यारे, जब मैं तम्हानु ओ उद्धार चे बारे मां लिखणे मां घणी सारी मेहनत ते कोशिस करे पलता, जाये मां अम्ही सब भईवाल छिऊं, तां मैं तम्हानु ईं समझाणे जरुरी समझले कि ओ विश्‍वास चे वास्ते पूरा यतन करा जको नरीकारा चे पवित्र लौका नु हेक ही वारी सोंपला गेला हुता।