इब्रानियां 6:20 - ओङ राजपूत

²⁰ जिठे ईशु ने मेलिकिसिदक ची रीति उपर सदा काल चा महायाजक बणती कर, अम्चे वास्ते अग़ुवे चे रुप मां प्रवेश करले।

इब्रानियां 6:20 ပူးပေါင်းရင်းမြစ်များ

रोमियां 8:34

बल्ति कूण छै जको ङण्ड ची आज्ञा ङिही? मसीह ईशु ही छै जको मरती गेला बल्कि मरला आला महु जीता वी हुती गेला, ते नरीकारा चे सज़्ज़े पासु ब़ेहला, ते अम्चे वास्ते बिनती वी करे।

इफिसियां 1:3

अम्चे प्रभु ईशु मसीह चा नरीकार ते ब़ा चा धन्यवाद हो, ओणे अम्हानु स्वर्ग़ा मां ईशु मसीह चे तरफु हर तरह ची आत्मिक आशीष ङिली।

इब्रानियां 1:3

ओ नरीकारा ची महिमा चे सोज़ले, ते ओचे सुभाव ची छाप छै, ते सारीया चीजा नु आपणी सामर्थ चे वचना लारे, सम्भाले। ओ अम्चे पापा नु धोती कर, स्वर्ग़ा मां सर्वशक्‍तिमान नरीकारा चे सज़्ज़े पासु जती ब़ेहला।

इब्रानियां 12:2

ते विश्‍वास चे कर्ता ते सेद्ध करने आले ईशु ची तरफ तकते रिहुं, जेह्णे ओ आनन्द वास्ते जको ओचे वास्ते पला हुता, लाज़ ची कुई चिन्ता ना करते हुले क्रूस चे ङोख सेहले, ते नरीकारा चे सिंहासन चे सज़्ज़े पासु जती ब़ेहला।

इब्रानियां 2:10

कांकि जाये वास्ते सब कोच्छ छै, ते जाये जरिये सब कोच्छ छै, नरीकारा नु ईं आच्छे लाग़ले कि जिसे बेले ओ ब़ोहत सारे पूता नु महिमा मां पुचाओ, तां वांचे उद्धारकर्ता ईशु नु ङोख चवणे चे जरिये सेद्ध करो।

इब्रानियां 2:17

ऐवास्ते ओनु जरुरी हुते, कि सब बाता मां आपणे भावां आलीकर बणो, जाये कनु ओ वां बाता मां जको नरीकारा लारे मेल खई, हेक दया करने आला ते भरोसेमन्द महायाजक बणो, कि लौका चे पापा वास्ते प्रायश्‍चित करो।

इब्रानियां 3:1

ऐवास्ते, हे माये विश्‍वासी भऊ, तम्ही जको स्वर्ग़ीय ब़ुलावे मां भईवाल छिवा, ईशु उपर ध्यान ङिया, जको अम्चे वास्ते नरीकारा चा प्रेरित ते महायाजक छै।

इब्रानियां 4:14

ऐवास्ते जब नरीकारा चा पूत ईशु हेक इसड़ा महान महायाजक, जको स्वर्ग़ा मां गेला, जको अम्ही मनती गेले, ओचे मां विश्‍वास मां मजबूत बणले रिहुं।

इब्रानियां 5:10

ते ओनु नरीकारा ची ओर कनु मेलिकिसिदक ची रीति उपर महायाजक चा पद्द मिड़ला।

इब्रानियां 5:6

यूं करती ओ ङुजी जग़हा मां वी किहे, “तु मेलिकिसिदक ची रीति उपर सदा चे वास्ते याजक छी।”

इब्रानियां 8:1

हमा जको बाता अम्ही किहुं पले, वांचे महु सबकनु बङी बात हा छै, कि अम्चा इसड़ा महायाजक छै, जको स्वर्ग़ा चे उपर महिमामय नरीकारा चे सिंहासना चे सज़्ज़े पासु जती ब़ेहला।

इब्रानियां 9:12

ब़करा ते बछड़ा चे लुहींया चे जरिये ना, पर खौद्द आपणे ही लुहींया चे जरिये अति पवित्र स्थान मां सेर्फ हेक ही बार जाणे लारे अम्चे पापा वास्ते अनन्त छुटकारा पक्‍का करला।

इब्रानियां 9:24

कांकि मसीह ने ओ इन्साना चे हाथा चा बणले आले अति पवित्र स्थान मां जको सच्‍चे अति पवित्र स्थान चा प्रतिरुप छै, प्रवेश कोनी करला, पर स्वर्ग़ा मां प्रवेश करला कि अम्चे वास्ते, हमा नरीकारा चे सामणे ङिसो।

1 पतरस 3:22

ओ स्वर्ग़ा मां जती कर नरीकारा चे सज़्ज़े पासु जती कर ब़ेसती रेहला, ते स्वर्ग़दूत ते अधिकारी ते सामर्थी ओचे अधीन मां करती ङिले गेले।

1 यूहन्‍ना 2:12

हे ब़ाले, मैं तम्हानु ऐवास्ते लिखे पला कि ईशु मसीह चे नांवा लारे तम्चे पाप माफ हुले।