इब्रानियां 6:2 - ओङ राजपूत

² ते बपतिस्मे ची शिक्षा, ठोङा उपर हाथ मेहलणे, मरले आला चे जीते हुवणे ते आखरी न्यां ची शिक्षा, जा शुरुआती शिक्षा ची नीम दोबारा नी नाखणी चाही छै।

इब्रानियां 6:2 ပူးပေါင်းရင်းမြစ်များ

मत्ती 28:19

ऐवास्ते तम्ही जावा, ते सब जातिया चे लौका नु चैले बणावा, ते वानु, ब़ा, ते पूत, ते पवित्र आत्मा चे नांवा लारे बपतिस्मा ङिया।

मत्ती 3:14

पर यूहन्‍ना ने ईशु नु रोकणे चा जत्तन करते हुले केहले, “मनु तां खौद्द दुधे कनु बपतिस्मा गेहणे ची जरुरत छै, बल्ति तु माये कनु कां आला?”

मरकुस 16:16

जको कुई विश्‍वास करे ते बपतिस्मा गिहे ते ओही बचाला जई, जको विश्‍वास ना करी, ऊं दोषी ठहराले जई।

मरकुस 7:4

ते बजारा महु आती कर, जब तक इश्नान ना करती गिही, तब तक ना खई, ते ब़ोहत सारीया नेरीया बाता छी, जको वांचे गोढु मनणे वास्ते पुचालीया गेलीया, जिंवे मुंगर, ते गङवीया ते तांबे चे ठांवा नु धोवणे ते मांझणे।

मरकुस 7:8

“कांकि तम्ही नरीकार चे आज्ञा नु टालती, ते तम्ही बन्दा ची रीति रिवाजा नु मना।”

लूका 11:38

फरीसिया नु ईं ङेखती कर अचम्भा हुला कि ओणे रोटी खाणे कनु पेहले इश्नान कोनी करला।

लूका 12:50

मनु तां हेक सख्त बपतिस्मे कनु हुती कर गुजरने छै, ते जब तक ऊं ना हुती जाओ तब तक मैं किसड़ी परेशानी मां रिही।

लूका 14:14

तब तु धन्‍न हुवे, कांकि वांचे कनु वापिस बदले मां ङेणे वास्ते कहीं कोनी हुवी, पर तनु धर्मीया चे लारे जीते हुवणे चा नरीकार तनु ऐचा फल ङिही।”

लूका 3:16

यूहन्‍ना ने वां सारा लौका नु केहले, “मैं तां तम्हानु पाणीया लारे बपतिस्मा ङिये, पर ओ जको माये बाद मां आणे आला छै, ओ माये कनु महान छै, मैं तां ओचे ब़ूटा चा तणिया खोलणे चे लायक कोनी, ओ तम्हानु पवित्र आत्मा ते जाखते लारे बपतिस्मा ङी

यूहन्‍ना 1:33

मैं तां ओनु पिछाणले कोनी हुते, पर जेह्णे मनु पाणीया लारे बपतिस्मा ङेणे वास्ते भेज़ले, ओणे मनु केहले, ‘जाये उपर तु आत्मा नु उतरते ते रुकते ङेखे, ओही पवित्र आत्मा लारे बपतिस्मा ङेणे आला छै।’

यूहन्‍ना 5:29

जेह्णे भलाई करली वे जीवन चे पुनरुत्थान वास्ते जीते हुती जाये, ते जेह्णे बुराई करली वे ङण्ड चे पुनरुत्थान वास्ते जीते हुती जाये।

प्रेरितां चे काम 10:47

ऐचे उपर पतरस ने केहले, “का हमा कुई याहनु पाणीया लारे बपतिस्मा गेहणे वास्ते रोक सग़े? कांकि यांणे वी अम्चे आलीकर पवित्र आत्मा गेहला।”

प्रेरितां चे काम 13:3

बल्ति वाणे उपवास ते प्राथना करने बाद बरनबास ते शाऊल उपर हाथ मेहले ते सेवा वास्ते भेज़ती ङिले।

प्रेरितां चे काम 16:15

विणे आपणे कुणम्बे समेत बपतिस्मा गेहला, ते विणे विनती करली, “अगर तम्ही मनु प्रभु ची विश्‍वासण समझा तां चालती कर माये घरा मां रिहा।” ते वा अम्हानु राजी करती कर गेहती गेली।

प्रेरितां चे काम 16:33

ते राती नु ओही बेले कैदखाने चा अधिकारी वानु गेहती गेला ते वांचे जखमा नु धोले, ते ओणे तुरन्त आपणे कुणम्बे समेत बपतिस्मा गेहला।

प्रेरितां चे काम 17:18

बल्ति कोच्छ इपिकूरी ते स्तोईकी दार्शनकारीया महु कोच्छ ओचे लारे तर्क करु लाग़ले, ते आपस मां किहुं लाग़ले कि, “हा बकवादी का केहणे चाहवे?” पर ङुजा ने केहले कि, “हा कुई नेरे देवता चा प्रचारक छै।” कांकि पौलुस तां प्रभु ईशु मसीह चा ते पुनरुत्थान चा सुसमाचार सुणाता।

प्रेरितां चे काम 2:38

पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

प्रेरितां चे काम 2:41

ऐवास्ते जेह्णे पतरस चे वचना नु स्वीकार करले ते बपतिस्मा गेहला, ते ओही ङिओ लगभग तीन हजार बन्दी वांचे मां शामिल हुती गेली।

प्रेरितां चे काम 23:6

तब पौलुस ने ईं जाणती कर कि, हेक दल सदूकिया ते ङुजा फरीसिया चा छै, महासभा मां ऊंची अवाजी लारे केहले, “हे भऊ, मैं फरीसी ते फरीसिया चे वंश चा छै, मरले आला ची आस ते पुनरुत्थान चे बारे मां माया मुकदमा हुवे पला।”

प्रेरितां चे काम 24:15

ते मैं नरीकारा उपर आस राखे, जको ये आप वी राखी, कि धर्मी ते अधर्मी ङुंहु चा पुनरुत्थान हुवी।

प्रेरितां चे काम 24:21

ये हेके बाते नु छोड़ती जको मैं यांचे बीच मां भिले रेहती कर ऊंची अवाजी मां केहली हुती, ‘मरले आला महु जीते हुवणे, चे बारे मां आज़ तम्चे सामणे माया मुकदमा हुवे पला।’ ”

प्रेरितां चे काम 24:25

जिसे बेले पौलुस धार्मिकता, ते संयम ते आणे आले न्यां चे बारे ची चर्चा करे पलता, तां फेलिक्स ने ङरती कर पौलुस नु उत्तर ङिला, “हमा तां जा, मौका ङेखती कर, मैं तनु बल्ति हकरवावी।”

प्रेरितां चे काम 26:8

जबकि नरीकार मरला आला नु जीते करती ङिये, तां तम्चे इठे हा बात कां विश्‍वास लायक ना समझली जाये।

प्रेरितां चे काम 4:2

कांकि वे बङे गुस्से हुले कि पतरस ते यूहन्‍ना ईशु चे बारे मां सिखाते, ते ईशु चा उदाहरण ङिती-ङिती कर कि, मरला आला चे जीते हुवणे चा प्रचार करते,

प्रेरितां चे काम 6:6

ते याहनु प्रेरितां चे सामणे खड़े करले ते वाणे प्राथना करती वांचे उपर हाथ मेहले।

रोमियां 2:16

ईं सब ओ ङिओ स्पष्ट हुती जई, जिसे ङिओ नरीकार सुसमाचार चे अनुसार जको मैं सुणावे, ईशु मसीह चे जरिये इन्साना ची गुप्त बाता चा न्यां करी।

1 कुरिन्थियां 10:2

ते सब ने बदला तले ते समुन्दरा मां हुती कर मूसे चे चैले हुवणे चा बपतिस्मा गेहला।

1 कुरिन्थियां 12:13

कांकि अम्ही सारा ने का यहूदी हो, का यूनानी, का दास, का आजाद, हेक ही पवित्र आत्मा चे जरिये हेक शरीर हुवणे वास्ते बपतिस्मा गेहला, ते अम्चे सब मां हेक ही पवित्र आत्मा बसणे वास्ते आला।

2 कुरिन्थियां 5:10

कांकि जरुरी छै कि, अम्चे सारा चा हाल मसीह चे न्यां आसण चे सामणे खुलती जाओ, कि हर हेक इन्सान आपणे आपणे बुरे-भले कामा चा बदला जको ओणे आपणे शरीरा चे अनुसार करले ओ भोग़ो।

फिलिप्पियां 3:21

ओ आपणी ताकत चे ओ प्रभाव लारे, जाये जरिये ओ सारीया चीजा नु आपणे वशा मां कर सग़े, अम्ची देह नु बदलती कर, आपणी महिमा ची देह जिसड़े बणाती ङी।

कुलुस्सियां 2:12

ते ओचे लारे बपतिस्मा मां पूरले गेले, ते ओचे मां नरीकारा ची शक्‍ति उपर विश्‍वास करती, जेह्णे ओनु मरले आला महु जिवाले, ओचे लारे जीते वी हुले।

2 तीमुथियुस 2:18

जको ईं केहती कर कि पुनरुत्थान हुती गेला सच्‍चाई कनु भटकती गेले, ते कोच्छ लौका चे विश्‍वास नु उलट-पुलट करती नाखला।

इब्रानियां 11:35

असतरीया ने आपणे मरले आला नु बल्ति जीते गेहले, कितने तां मार खाते-खाते मरती गेले ते छुटकारा कोनी चाह्‍ला, कांकि वे उत्तम पुनरुत्थान चे भईवाल हो।

इब्रानियां 9:10

ऐवास्ते कि वे सेर्फ खाणे-पीणे चीया चीजा, तरह तरह चे इश्नान विधि चे अधार उपर शरीरिक नियम छी, जको नरीकारा चे नवें विधान तक नियुक्‍त करले गेले छी।

2 पतरस 3:7

पर ऐ समय चा आसमान ते धरती ओह वचना चे जरिये ऐवास्ते राखले गेले कि ब़ाड़ले जाओ ते अधर्मी बन्दा चा न्यां ते नाश हुवणे चे ङिओ तक यूंही मेहले रिहे।