इब्रानियां 6:19 - ओङ राजपूत

¹⁹ वा आस अम्चे प्राण वास्ते इसड़ा लंगर छै जको टिकाऊं ते मजबूत छै, जको पड़दे चे भीतर अति पवित्र स्थान तक पुज़ती जाये,

इब्रानियां 6:19 ပူးပေါင်းရင်းမြစ်များ

मत्ती 27:51

ते ङेखा, मन्दरा चा पड़दा उपर कनु लाती तले तक फड़ीती कर ङोन टुकड़े हुती गेला। ते धरती हलती गेली ते चट्टाना तिड़कती गेलीया,

प्रेरितां चे काम 23:6

तब पौलुस ने ईं जाणती कर कि, हेक दल सदूकिया ते ङुजा फरीसिया चा छै, महासभा मां ऊंची अवाजी लारे केहले, “हे भऊ, मैं फरीसी ते फरीसिया चे वंश चा छै, मरले आला ची आस ते पुनरुत्थान चे बारे मां माया मुकदमा हुवे पला।”

प्रेरितां चे काम 27:29

बल्ति वाणे ङरा कनु कि जहाज चट्टान मां ना फसती जाओ, ऐवास्ते वाणे जहाजा चे भांसले पासु जती कर चार लंगर खोलती नाखले, ते ङिओ हुवणे ची प्राथना करु लाग़ले।

प्रेरितां चे काम 27:40

बल्ति वाणे लंगर नु खोलती कर समुन्दरा मां छोड़ती ङिले, ते ओही बेले पतवार चे रस्से खोलती ङिले, ते हवाई चे सामणे आग़ला पला चढ़ाती कर किनारे सनु टुरती पले।

रोमियां 4:16

येही वजह कनु वायदा विश्‍वासा उपर टिकला आला छै, ते हा सेंत मेंत मां मिले, वां सारे वंशा वास्ते पक्‍के हो, ना कि सेर्फ ओचे वास्ते जको व्यवस्था आले छी, बल्कि वांचे वास्ते वी जको अब्राहम चे समान विश्‍वासा आले छी, ओही तां अम्चा सब चा ब़ा छै।

रोमियां 4:18

अब्राहम ने कुई आस ची जग़हा ना हुवणे उपर वी आपणे मना मां आस राखती कर विश्‍वास करला। ऐवास्ते वचन चे अनुसार ओ ब़ोहत सारीया जातिया चा ब़ा बणला। जिंवे कि पवित्रशास्त्र मां लिखले पले, “दुधा वंश इसड़ा हुवी।”

रोमियां 5:4

ते सब्र कनु खरा सुभाव निकले, ते खरा सुभाव निकलणे लारे आस पैदा हुवे,

1 कुरिन्थियां 13:13

पर हमा विश्‍वास, आस, प्रेम ये तीन टिकाऊं छी, पर यांचे महु सबकनु बङा प्रेम छै।

1 कुरिन्थियां 15:58

ऐवास्ते हे प्यारे भऊ, मजबूत ते अटल रिहा, ते प्रभु चे कामा मां सदा बधते जावा, तम्ही ईं जाणा, तम्ची मेहनत प्रभु मां बेकार कोनी।

इफिसियां 2:6

ते अम्ही मसीह ईशु मां छिऊं ऐवास्ते नरीकारा ने अम्हानु मसीह मां जीते करले ते मसीह ईशु लारे स्वर्ग़ा मां ब़िसाणले,

कुलुस्सियां 1:27

जाये उपर नरीकारा ने प्रकट करने चाह्‍ले, कि वानु पता लाग़ो कि सारे लौका मां ओ भेदा ची कीमत चा धन का छै? ते वा हाओ छै, कि मसीह जको महिमा ची उम्मीद छै वा तम्चे मां बणली रिहो।

कुलुस्सियां 3:1

तां जिसे बेले तम्ही मसीह चे लारे जिवाले गेले, तां स्वर्ग़ीय चीजा ची खोज मां रिहा, जिठे मसीह मोजुद छै, ते नरीकारा चे सज़्ज़े पासु ब़ेहला।

2 तीमुथियुस 2:19

तां वी नरीकारा ची पक्‍की नीम बणली रिहे, ते ओचे उपर हा छाप लाग़ली पली, “प्रभु आपणा नु पिछाणे,” ते “जको कुई प्रभु चे नां गिहे, ऊं अधर्म कनु बचले रिहो।”

इब्रानियां 4:16

ऐवास्ते अम्ही नरीकारा चे अनुग्रह चे सिंहासन चे सामणे हिम्मत ब़ांहती कर चालु, कि अम्चे उपर दया हो ते ओ अनुग्रह गिहुं जको जरुरी समय उपर अम्ची सहायता करो।

इब्रानियां 9:3

ङुजे पड़दे चे भांसु जको खाने हुते ओ अति पवित्र स्थान किहवाता।

इब्रानियां 9:7

पर ङुजे खाने यानि अति पवित्र स्थान मां सेर्फ महायाजक ही जता, ते ओ वी साला मां सेर्फ हेक ही मौके उपर, लुहीं चती कर खौद्द वास्ते ते लौका चे अणजाणे मां करले गेले पापा वास्ते भेंट चढ़ावणे वास्ते जता।

1 पतरस 1:3

अम्चे प्रभु ईशु मसीह चा नरीकारा ते ब़ा चा धन्यवाद हो, जेह्णे ईशु मसीह नु मरले आला महु जीते हुवणे चे जरिये, आपणी बङी दया लारे अम्हानु जीती उम्मीद चे वास्ते नवां जनम ङिला।