इब्रानियां 6:17 - ओङ राजपूत

¹⁷ ऐवास्ते जब नरीकारा ने वायदे चे वारिसा चे उपर होर वी साफ रीति लारे उजागर करने चाह्‍ले कि ओची मनसा बदल ना सग़ी, तां कसमी नु बीच मां आणले।

इब्रानियां 6:17 ပူးပေါင်းရင်းမြစ်များ

यूहन्‍ना 10:10

चोर किसी नेरे कामा वास्ते ना पर हेको चोरी करने वास्ते ते मारणे ते बर्बाद करु आवे, पर मैं ऐवास्ते आला कि वानु जीन्दगी मिलो, भरपूर जीन्दगी मिलो।

रोमियां 11:29

कांकि नरीकार आपणे वरदाना कनु ते ब़ुलाहट कनु कङी भांसु ना हटी।

रोमियां 8:17

ते अगर ऊलाद्ध छिऊं तां वारिस वी छिऊं, बल्कि नरीकारा चे वारिस ते मसीह चे संगी वारिस छिऊं। जिसे बेले अम्ही ओचे लारे ङोख चऊं तां ओचे लारे महिमा वी गिहुं।

गलातियां 3:29

अगर तम्ही मसीह चे छिवा तां तम्ही अब्राहम चे वंशज वी छिवा। जको वायदा नरीकारा ने अब्राहम लारे करला हुता ओह वायदे चे वारिस वी छिवा।

इफिसियां 1:11

मसीह मां बणले आले जको आपणी इच्छा चे भली समझ चे अनुसार सब कोच्छ करी, ओणे आपणी योजना चे अनुसार अम्हानु पेहले कनु ठहराले कि उत्तरा अधिकारी बणने चा अधिकार मिलो।

इब्रानियां 11:7

विश्‍वासा लारे ही नूह ने वां बाता चे बारे मां जको ओ बेले कोनी ङिसी पलतीया, चितावनी मिलणे उपर भग़ती लारे आपणे घराणे चे बचाव वास्ते जहाज बणाला। ऐचा नतीजा हा हुला कि संसारा दोषी ठहराला गेला ते नूह धार्मिकता चा वारिस हुला, जको विश्‍वासा लारे हुवे।

इब्रानियां 11:9

विश्‍वासा लारे ही ओणे वायदा करले आले देशा मां प्रदेसी बणती कर तम्बूआ मां रेहला। यूंही इसहाक ते याकूब वी रेहले जको ओही वायदे चे वारिस हुते।

इब्रानियां 6:12

तम्ही आलसी ना बणा, बल्कि वांचे कदमा उपर चला जको विश्‍वास ते सब्रा लारे वायदे चे वारिस छी।

इब्रानियां 6:16

इन्सान तां खौद्द कनु बङे ची कसम खाये ते वांचे हर हेक बेहस चा फैंसला कसमी लारे पक्‍का हुवे।

इब्रानियां 6:18

इठे कङी ना बदलने आलीया ङोन बाता छी, हेक ओचा वायदा ते हेक ओची कसम जाये बारे मां नरीकार कूड़ा साबित हो ही ना सग़ी। अम्ची मजबूती लारे हिम्मत ब़झती जाओ, जको आसरा गेहणे वास्ते ऐवास्ते द्रोड़ले कि वे आस नु जको सामणे पली आली छै गे सग़ु।

याकूब 1:17

कांकि हर हेक आच्छा वरदान ते हर हेक आच्छा दान उपर कनु ही छै, ते हा ओ परम ब़ा जेह्णे स्वर्ग़ीय सोज़ले नु पैदा करले जाये मां ना तां कुई बदलाव हो सग़े ते ना अदला बदली ची वजह कनु ओचे उपर छां पड़े।

याकूब 2:5

हे माये प्यारे भऊ, सुणा, का नरीकारा ने ऐ संसारा चे कंगाला नु कोनी चुणले कि विश्‍वासा मां अमीर ते ओ स्वर्ग़ राज़ चे अधिकारी हो जाया वायदा ओणे वांचे लारे करला जको ओचे लारे प्रेम राखे?

1 पतरस 1:3

अम्चे प्रभु ईशु मसीह चा नरीकारा ते ब़ा चा धन्यवाद हो, जेह्णे ईशु मसीह नु मरले आला महु जीते हुवणे चे जरिये, आपणी बङी दया लारे अम्हानु जीती उम्मीद चे वास्ते नवां जनम ङिला।

1 पतरस 3:7

यूंही हे घराआले, तम्ही वी समझदारी लारे घराआलीया लारे जीवन बितावा। ते असतरीया नु निर्बल चीज जाणती कर वांचा कद्दर करा, हा समझती कर कि अम्ही ङोनी जीवन चे वरदान चे वारिस छिऊं, जाये कनु तम्चीया प्राथना रुकती ना जाओ।