इब्रानियां 6:11 - ओङ राजपूत

¹¹ पर अम्ची हाओ इच्छा छै कि तम्चे महु हर हेक जणे अन्त तक इसड़ा ही यतन करते रिहो, ताकि तम्ही ओनु पक्‍के गे सग़ा जाई तम्हानु आस छै।

इब्रानियां 6:11 ပူးပေါင်းရင်းမြစ်များ

मत्ती 24:13

पर जको अन्त तक सब्र करली रिही, ओचा उद्धार हुवी।

लूका 1:1

आदरणीय थियुफिलुस, ब़ोहता ने वा बाता चा जको अम्चे बीच मां बितलीया, इतिहास लिखणे मां हाथ लाला,

रोमियां 12:8

जानु होंसला ब़न्धावणे चा वरदान मिड़ला, ओ होंसला ब़न्धाता रिहो, ते दान ङेणे आला खुले मना लारे दान करो, जको अगुवाई करे, ओ लगन लारे करो, जको दया करे, ओ खुशी लारे करो।

रोमियां 15:13

ऐवास्ते नरीकार जको आस चा दाता छै, तम्हानु विश्‍वास करने मां ते हर-तरहा ची खुशी ते शान्ति लारे भरती नाखो, कि पवित्र आत्मा ची सामर्थ लारे तम्ची आस बधती जाओ।

1 कुरिन्थियां 13:13

पर हमा विश्‍वास, आस, प्रेम ये तीन टिकाऊं छी, पर यांचे महु सबकनु बङा प्रेम छै।

1 कुरिन्थियां 15:58

ऐवास्ते हे प्यारे भऊ, मजबूत ते अटल रिहा, ते प्रभु चे कामा मां सदा बधते जावा, तम्ही ईं जाणा, तम्ची मेहनत प्रभु मां बेकार कोनी।

गलातियां 5:5

पर अम्ही विश्‍वास चे वजह नरीकारा चे सामणे निर्दोष बणने ची आस राखु। पवित्र आत्मा ची सहायता लारे अम्ही ऐची बाट ङेखु भिले।

गलातियां 6:9

ऐवास्ते आवा भलाई करते बेले कङी वी कोनी थाकु, कांकि अगर अम्ही भलाई करते रिहुं, तां आच्छा ब़ेहला आणे उपर अम्हानु ओचा फल मिली।

फिलिप्पियां 3:15

सो अम्चे महु जितने आत्मिकता ची समझ मां मजबूत हुती चुकले, हाओ विचार राखो, ते अगर कुई बाते मां तम्चे आपस मां विचार ना मिलते हो तां नरीकार ओ वी तम्चे उपर उजागर करती ङी।

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।

कुलुस्सियां 1:5

ईं वे उम्मीद ते प्रेम चे वजह हुले जको तम्चे वास्ते स्वर्ग़ा मां पली छै, जाई चर्चा तम्ही ओह सुसमाचार चे सच्‍चे वचना मां सुणती चुकले।

कुलुस्सियां 2:2

ईं मैं ऐवास्ते किहे ताकि वांचे मना मां बढावा मिलो ते वे प्रेम मां आपस मां ग़ठले रिहो, ते वे पुरी समझ चा सारे धन नु प्राप्त करो, जाये कनु वे नरीकारा चे भेद नु यानि मसीह नु पिछाणती गिहो।

1 थिस्सलुनीकियां 1:5

कांकि अम्चा सुसमाचार तम्चे गोढु हेको वचना मां ही कोनी, बल्कि ताकत ते पवित्र आत्मा, ते इरादे लारे पुज़ला, जिंवे तम्ही जाणा कि अम्ही तम्चे फायदे चे वास्ते किसड़ा जीवन जीते तम्चे मां किवें बणती गेलते।

1 थिस्सलुनीकियां 4:10

ते सारे मकिदुनिया चे सब भावां लारे इसड़े करा वी हुवा, पर हे माये भऊ ते ब़ेहणीया! अम्ही तम्हानु समझाऊं, कि नेरे वी प्रेम मां बधते जावा।

2 थिस्सलुनीकियां 3:13

ते तम्ही, ओ माये भऊ ते ब़ेहणीया, भलाई करने मां हिम्मत ना छोड़ा।

इब्रानियां 10:22

तां आवा, अम्ही सच्‍चे मना लारे, ते पुरे विश्‍वासा लारे, ते विवेक चा दोष दूर करने वास्ते दिला उपर मसीह चे लुहींया चा छिड़काव गेहती कर, ते शरीरा नु शोद्ध पाणीया लारे धुवाती कर, नरीकारा चे गोढु जऊं।

इब्रानियां 3:14

अगर अम्ही आपणे पेहले भरोसे नु अन्त तक बणाली रिहुं, तां अम्ही मसीह चे भईवाल बणले रिहुं।

इब्रानियां 3:6

पर मसीह पूता आलीकर नरीकारा चे घरा चा अधिकारी छै। अगर अम्ही मजबूत विश्‍वासा उपर ते आपणी आस चे गर्व उपर अन्त तक मजबूती लारे बणले रिहुं, तां अम्ही ओचे घराणे छिऊं।

1 पतरस 1:21

जको ओचे जरिये ओ नरीकारा उपर विश्‍वास करा, जेह्णे ओनु मरले आला महु जीते करले, ते महिमा ङिली, कि तम्चा विश्‍वास ते उम्मीद नरीकारा उपर हो।

2 पतरस 1:10

ऐ वजह कनु हे माये भऊ, ईशु चे हकारले आले, ते चुणले आले ते पक्‍के करले आले तां तम्ही कोशिस करते रिहा, कांकि इसड़े करने लारे तम्ही कङी वी ठोकर नी खावा।

2 पतरस 3:14

ऐवास्ते, हे माये प्यारे भऊ जबकि तम्ही यां बाता ची आस ङेखा पले तां जत्तन करा कि तम्ही शान्ति लारे ओचे सामणे बेदाग ते बेकसूर ठहरा।

1 यूहन्‍ना 3:14

अम्ही जाणु कि अम्ही मौत कनु पार हुती कर जीवन मां पुज़ले। कांकि अम्ही भावां ते ब़ेहणीया लारे प्रेम राखु। जको प्रेम ना राखी ओ मौत ची दशा मां रिहे।

1 यूहन्‍ना 3:19

ऐचे कनु अम्ही जाणु कि अम्ही सच्‍चाई चे छिऊं, ते नरीकारा चे सामणे आपणे मना मां हिम्मत कर सग़ु।

प्रकाशितवाक्य 2:26

जको जीतती जई ते माये कामा चे अनुसार आखरी तक करता रिहे मैं ओनु जाति-जाति चे लौका उपर अधिकार ङी।