इब्रानियां 6:1 - ओङ राजपूत

¹ ऐवास्ते आवा मसीह ची शिक्षा ची शुरु चा बाता छोड़ती कर, अम्ही सिद्धता सनु बधते चालु। जिंवे कि मरले आले कामा कनु मन फिरावणे ते नरीकारा उपर विश्‍वास करना,

इब्रानियां 6:1 ပူးပေါင်းရင်းမြစ်များ

मत्ती 21:29

ते ओणे उत्तर ङिला, ‘मैं ना जई,’ पर बादा मां पछताती कर चाह्‍ला गेला।

मत्ती 21:32

कांकि यूहन्‍ना बपतिस्मा ङेणे आला धर्म चा मार्ग़ ङिखाणता हुला तम्चे गोढु आला, ते तम्ही ओचा विश्‍वास कोनी करला। पर चुंगी गेहणे आला ने ते वेश्या ने ओचा विश्‍वास करला। ते तम्ही ईं ङेखती कर बादा मां वी नी पछताले, ते ना ओचा विश्‍वास करला।”

मत्ती 3:2

“पापा कनु मन फिरावा, कांकि स्वर्ग़ चा राज़ गोढु छै।”

मत्ती 4:17

ओ समय कनु ईशु ने सुसमाचार चा प्रचार करना ते ईं केहणे शुरु करले, “आपणे पापा कनु मन फिरावा कांकि स्वर्ग़ चा राज़ गोढु छै।”

मत्ती 5:48

ऐवास्ते चाही छै कि तम्ही सेद्ध बणा, जिंवे तम्चा स्वर्ग़ीय ब़ा सेद्ध छै।

मत्ती 7:25

“ते मिंही बरसला, ते बाढ़ा आलीया, ते अन्धारीया चढ़लीया, ते ओ घरा लारे टकरालीया, बल्ति वी ऊं कोनी ढेले, कांकि ओची नीम चट्टान चे उपर नाखली गेलती।

मरकुस 1:1

नरीकारा चा पूत ईशु मसीह चे सुसमाचारा ची शुरुआत,

मरकुस 6:12

तब वाणे जती कर प्रचार करला कि मन फिरावा।

लूका 6:48

ओ उसड़े इन्साना चे समान छै, जेह्णे घर बणाते बेले भोंये गहरी खोदती कर चट्टान चे उपर नीम घाली, ते जिसे बेले बाढ़ आली तां धार वे घरा चे उपर लाग़ली पर ओनु हला ना सग़ली, कांकि ऊं पक्‍के बणले आले हुते।

यूहन्‍ना 12:44

ईशु ने ऊंची अवाजी मां केहले, “जको माये उपर विश्‍वास करी ओह माये उपर ना, पर माये भेज़णे आले उपर वी विश्‍वास करे।

यूहन्‍ना 14:1

ईशु ने बल्ति चैला नु केहले, “तम्चे मन उदास ना हो। नरीकारा उपर विश्‍वास करा, ते माये उपर वी विश्‍वास करा।

यूहन्‍ना 5:24

“मैं तम्हानु सच्‍च-सच्‍च किहे पला, जको माया वचन सुणती कर माये भेज़णे आले उपर विश्‍वास करे अनन्त जीवन ओचा छै ते ओचे उपर सजा ची आज्ञा नी हुवी पर ओ मौत कनु पार हुती कर हमेशा ची जीन्दगी मां घिरती चुकला।

प्रेरितां चे काम 11:18

ईं सुणती कर, वे चोप रेहले ते नरीकारा ची बढ़ाई करती किहुं लाग़ले, “बल्ति तां नरीकारा ने नेरीया जातिया नु वी जीवन वास्ते मन फिराव चा दान ङिला।”

प्रेरितां चे काम 17:30

हमा तक तां नरीकारा ने अज्ञानता चे समय उपर ध्यान कोनी ङिला। पर हमा तां हर जग़हा सारा बन्दा नु मन फिरावणे ची आज्ञा ङिये पला।

प्रेरितां चे काम 2:38

पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

प्रेरितां चे काम 20:21

बल्ति मैं यहूदिया नु ते यूनानिया नु चिताता रेहला कि नरीकारा सनु मन फिरावा, ते अम्चे प्रभु ईशु मसीह उपर विश्‍वास करा।

प्रेरितां चे काम 26:20

बल्ति मैं सबकनु पेहले दमिश्क शहरा मां, ते ऐचे बाद यरुशलेम मां रेहणे आला नु, ते सारे यहूदिया प्रदेस मां, ते नेरीया जातिया नु समझाता रेहला, कि मन फिरावा ते नरीकारा सनु फिरती कर मन फिराव चे लायक काम करा।

प्रेरितां चे काम 3:19

ऐवास्ते मन फिरावा ते हटती आवा कि तम्चे पाप मिटाले जाओ, जाये कनु प्रभु चे सामणे सोख भरी ङिहें आओ।

1 कुरिन्थियां 13:10

पर जिसे बेले सर्वसिद्ध आवी, तां अधूरा मिटती जई।

1 कुरिन्थियां 2:6

फेर वी मैं वानु, जको मजबूत छी, ज्ञान भरला सनेसा ङिये पर हा ज्ञान ना ऐ युगा चा ते ना ऐ युगा चे हाकिमा चा, जाया नाश हुवणे तय छै।

2 कुरिन्थियां 7:1

हे माये प्यारे भऊ, जबकि ये वायदे अम्हानु मिड़ले, तां आवा, अम्ही आपणे आप नु शरीर ते आत्मा ची सारी मलिनता कनु शोद्ध करु, ते नरीकारा चा भय मनते हुले पवित्रता नु सेद्ध करु।

2 कुरिन्थियां 7:10

ऊं ङोख जको नरीकार चे तरफु आवे, ऊं उद्धार ङेणे आले पश्‍चयाताप चा वजह बणती जाये, ते बल्ति ओनु पछताणे ना पड़ी। पर संसारिक ङोख मौत पैदा करे।

इफिसियां 2:1

ओणे तम्हानु जिवाले, जको आपणे अपराधा ते पापा ची वजह कनु मरले आले हुते,

इफिसियां 2:5

जब अम्ही अपराधा ची वजह मरले आले हुते तां अम्हानु मसीह चे लारे जीते करले, ते अनुग्रह लारे ही तम्चा उद्धार हुला।

इफिसियां 4:12

ओणे इसड़े करले कि नरीकारा चे पवित्र लौक सेवा करने चे लायक बणो ताकि मसीह ची देह जको कलीसिया छै विनु मजबूत करो।

कुलुस्सियां 1:28

मसीह चा प्रचार करती कर अम्ही हर हेक बन्दे नु चिताती ङिऊं, ते सारे ज्ञान कनु हर हेक बन्दे नु सिखाऊं, कि अम्ही हर हेक बन्दे नु मसीह मां सेद्ध करती कर नरीकारा चे सामणे खड़े करु।

कुलुस्सियां 3:14

यां सारा चे उपर जको प्रेम नु धारण करती गिहा जको प्रेम सारा नु एकता मां ब़ांधे।

कुलुस्सियां 4:12

इपफ्रास जको तम्चे महु हेक छै ते मसीह ईशु चा दास छै, तम्हानु नमस्कार किहे पला ते सदा तम्चे वास्ते प्राथना मां यतन करे, ताकि तम्ही सेद्ध हुती पुरे विश्‍वास चे लारे नरीकारा ची मर्जी उपर बणले रिहा।

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

1 तीमुथियुस 6:19

कि वे आपणे वास्ते आग़ु कनु इसड़ा धन भेला करो कि आणे आले समय चे वास्ते आच्छी नीम बणती जाओ जाये कनु ओ ओनु पकड़ती गिहो जको सच्‍चमां जीवन छै।

2 तीमुथियुस 2:19

तां वी नरीकारा ची पक्‍की नीम बणली रिहे, ते ओचे उपर हा छाप लाग़ली पली, “प्रभु आपणा नु पिछाणे,” ते “जको कुई प्रभु चे नां गिहे, ऊं अधर्म कनु बचले रिहो।”

इब्रानियां 11:6

ते बिना विश्‍वास चे नरीकारा नु खौश करने अनहोणे छै, कांकि नरीकारा चे गोढु आणे आले इन्साना वास्ते ईं जरुरी छै ऊं हा विश्‍वास करो कि नरीकार छै ते ईं वी कि ओ वानु प्रतिफल ङिये, जको ओची खोज करी।

इब्रानियां 12:13

ते आपणे पग़्ग़ा वास्ते सिधे मार्ग़ बणावा, कि लंगड़ा, अपंग ना हुती जाओ, पर भला चंगा हुती जाओ।

इब्रानियां 7:11

अगर लेवीये याजक पद्द चे जरिये सिद्धि प्राप्त हो सग़े, जाये सहारे लौका नु व्यवस्था मिड़ली हुती, तां बल्ति का जरुरत हुती कि ङुजा याजक मेलिकिसिदक ची रीति उपर खड़ा हो, ते हारुन ची रीति चे नी किहवावी?

इब्रानियां 9:14

तां मसीह चे लुहीं, जेह्णे आपणे आप नु अनन्त आत्मा चे जरिये खौद्द नु नरीकारा चे सामणे निर्दोष बलि चे रूपा मां भेंट करती ङिले, जीते नरीकारा ची सेवा वास्ते तम्चे विवेक नु मरले आले कामा कनु शोद्ध किवें नी करी?

याकूब 1:4

पर सब्रा नु आपणे पुरे काम करु ङिया, कि तम्ही पुरे ते सेद्ध हुती जावा ते तम्चे मां कुई बाते ची घटी ना रिहो।

1 पतरस 1:21

जको ओचे जरिये ओ नरीकारा उपर विश्‍वास करा, जेह्णे ओनु मरले आला महु जीते करले, ते महिमा ङिली, कि तम्चा विश्‍वास ते उम्मीद नरीकारा उपर हो।

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।

1 यूहन्‍ना 4:12

नरीकारा नु कङी किह्णी कोनी ङेखले, अगर अम्ही आपस मां प्रेम राखु, ते नरीकार अम्चे मां बणला रिहे, ते ओचा प्रेम अम्चे मां सेद्ध हुती गेला।