इब्रानियां 5:13 - ओङ राजपूत

¹³ कांकि ङूध पीणे आले नु तां धार्मिकता चे वचना ची पिछाण ना हुवी, कांकि ऊं ब़ाल छै।

इब्रानियां 5:13 ပူးပေါင်းရင်းမြစ်များ

मत्ती 11:25

ओही बेले ईशु ने केहले, “हे ब़ा, स्वर्ग़ ते धरती चा प्रभु, मैं दुधा धन्यवाद करे पला कि तु यां बाता नु ज्ञानीया ते समझदारा कनु लुकाती राखलीया, ते ब़ाला उपर प्रकट करलीया,

मरकुस 10:15

मैं तम्हानु सच्‍च किहे जको कुई नरीकारा चे राज़ नु ब़ाला आलीकर स्वीकार नी करी, ओ ओचे मां कङी ना जा सग़ी।”

रोमियां 2:20

ते ब़ुध्दिहीना चा सिखावणे आला, ते ब़ाला चा शिक्षक छी, कांकि व्यवस्था मां ज्ञान ते सच्‍चाई चा नमुना तनु मिड़ला छै।

1 कुरिन्थियां 13:11

जिसे बेले मैं ब़ाल हुता तां मैं ब़ाला आलीकर ब़ोलता, ब़ाला आलीकर मन हुते, ब़ाला ची समझ हुती। पर सियाणा हुती गेला तां ब़ाला चीया बाता छोड़ती ङिलीया।

1 कुरिन्थियां 14:20

हे माये भऊ, तम्ही समझदारी मां ब़ाले ना बणा। बल्ति वी बुराई मां तां ब़ाले रिहा, पर समझदारी मां सियाणे बणा।

1 कुरिन्थियां 3:1

हे माये भऊ, मैं तम्चे लारे ये रीति लारे बाता नी कर सग़ला, जिंवे आत्मिक लौका लारे करजेवे पर जिंवे संसारिक लौका लारे, ते वांचे लारे जको मसीह मां ब़ाला आलीकर छी।

2 कुरिन्थियां 3:9

अगर जब दोषी ठहराणे आली व्यवस्था तेजोमय हुती, तां धर्मी ठहराणे आली व्यवस्था होर वी तेजोमय कां नी हुवी?

इफिसियां 4:14

अम्ही इसड़ी ब़ाले बणली ना रिहुं कि हवाई लारे उछलती ना जऊं बन्दी जको ठग़्ग़ विधिया नु बधावी, भ्रम चे लारे भरले आले व्यवहार कनु, ते इसड़े ढोंगीपणे कनु इंगे-ऊंगे भटकाती ङी

2 तीमुथियुस 3:16

पूरा पवित्रशास्त्र नरीकारा ची प्रेरणा लारे रचला गेला ते उपदेश, ते गलती उपर समझाणे, ते सुधारने, ते धर्म ची शिक्षा चे वास्ते लाभदायक छै।

1 पतरस 2:2

नवें जमले आले ब़ाला आलीकर, शोद्ध आत्मिक ङूधा ची इच्छा राखा, ताकि ओचे जरिये तम्चा उद्धार ते बढ़ोतरी हो।

2 यूहन्‍ना 1:11

कांकि जको कुई इसड़े बन्दे नु नमस्कार करे। ऊं ओचे बुरे कामा मां हेंस्सेदार छै।