इब्रानियां 5:1 - ओङ राजपूत

¹ हर हेक महायाजक इन्साना महु चुणला जाये, ते इन्साना वास्ते ही वां बाता चे बारे मां जको नरीकारा लारे सम्बन्ध राखे ठहराला जाये, कि भेंट ते पाप-बलि चढ़ाले करो।

इब्रानियां 5:1 ပူးပေါင်းရင်းမြစ်များ

रोमियां 15:17

ऐवास्ते वां बाता चे बारे मां जको नरीकारा लारे सम्बन्ध राखी, मैं मसीह ईशु मां गर्व कर सग़े।

1 कुरिन्थियां 15:3

ऐ वजह कनु मैं सबकनु पेहले तम्हानु वाहो बात पुचाती ङिली जको माये कनु पुज़ली हुती, कि पवित्रशास्त्र चे वचन चे अनुसार ईशु मसीह अम्चे पापा वास्ते मरती गेला,

इब्रानियां 10:11

ते हर हेक याजक तां भिले रेहती कर हर ङिओ सेवा करे ते हेक ही तरह चे बलिदाना नु जको पापा नु कङी दूर ना कर सग़ी बार-बार चढ़ावे।

इब्रानियां 10:12

पर मसीह तां पापा चे बदले हेक ही बलिदान सदा वास्ते चढ़ाती कर नरीकारा चे सज़्ज़े पासु जती ब़ेहला।

इब्रानियां 11:4

विश्‍वासा लारे ही हाबिल ने कैन कनु उत्तम बलिदान नरीकारा नु चढ़ाला, विश्‍वास ची वजह कनु खौद्द नरीकारा ने प्रशंसा लारे हाबिल नु धर्मी घोषित करले, नरीकारा ने हाबिल चे भेंट ची प्रशंसा करली मतलब ओची मौत हुती चुकली ओचा हाओ विश्‍वास आज़ वी अम्चे वास्ते ग़वाही छै।

इब्रानियां 2:17

ऐवास्ते ओनु जरुरी हुते, कि सब बाता मां आपणे भावां आलीकर बणो, जाये कनु ओ वां बाता मां जको नरीकारा लारे मेल खई, हेक दया करने आला ते भरोसेमन्द महायाजक बणो, कि लौका चे पापा वास्ते प्रायश्‍चित करो।

इब्रानियां 7:27

ते वां महायाजका आलीकर ओनु जरुरी कोनी कि हर ङिओ पेहले आपणे पापा वास्ते ते बल्ति लौका चे पापा वास्ते बलि भेंट चढ़ाओ, कांकि ओणे आपणे आप नु बलि चे रूपा मां भेंट चढ़ाती कर विनु हेके वारी निपटाती ङिले।

इब्रानियां 8:3

कांकि हर हेक महायाजक भेंट ते बलिदान चढ़ाणे वास्ते चुणला जता ऐवास्ते जरुरी छै कि ऐ महायाजका कनु वी कोच्छ चढ़ाणे वास्ते हो।

इब्रानियां 8:4

अगर मसीह ईशु धरती उपर हुवीया तां ओ याजक हो ही ना सग़ीया। कांकि इठे व्यवस्था चे अनुसार भेंट चढ़ाणे वास्ते याजक छी।

इब्रानियां 9:9

हा तम्बूआ चे पेहले खाने वर्तमान काल चा चैन्ह छै, सच्‍च ईं छै कि भेंट ते बलि जको याजका चे जरिये चढ़ाली जती अराधना करने आला चे विवेक सेद्ध ना हो सग़ी।