इब्रानियां 4:2 - ओङ राजपूत

² अम्हानु वी वांचे आलीकर सुसमाचार सुणाला गेला, पर सुणने आले वचना लारे वानु कुई फायदा कोनी हुला, कांकि वाणे विश्‍वास लारे कोनी मनला हुता।

इब्रानियां 4:2 ပူးပေါင်းရင်းမြစ်များ

प्रेरितां चे काम 13:46

बल्ति पौलुस ते बरनबास ने बेखौफ हुती कर केहले, “जरुरी हुते, कि नरीकारा चा वचन पेहले तम्हानु सुणाला जईया, पर जबकि तम्ही ओनु मना ही ना, ते आपणे आप नु अनन्त जीवन चे लायक ना ठहरावा, तां हमा, अम्ही नेरीया जातिया सनु फिरु पले।

प्रेरितां चे काम 3:26

नरीकारा ने आपणे पूत ईशु नु मरला आला महु जीते करती कर सारा कनु पेहले तम्चे गोढु भेज़ले, कि तम्चे महु हर हेक नु तम्चे गन्दे कामा कनु हटाती कर आशीष ङियो।”

रोमियां 2:25

अगर तम्ही व्यवस्था उपर चला, तां खतने लारे फायदा छै, पर अगर तम्ही व्यवस्था नु ना मना, तां तम्चा खतना, बिना खतने ची दशा ठहरला।

रोमियां 3:3

अगर कोच्छ वांचे महु विश्‍वासयोग ना निकड़ले तां का हुले? का वांचे विश्‍वासयोग ना हुवणे लारे नरीकारा ची विश्‍वासयोगता खत्तम हुती जई? कङी वी ना।

1 कुरिन्थियां 13:3

अगर मैं आपणी सारी जायजात कंगाला नु बांटती ङिये ते आपणे शरीर भसम हुवणे वास्ते बलिदान करती ङिये, पर प्रेम ना राखे, तां मनु कुई फायदा कोनी।

गलातियां 3:2

मैं ब़स तम्हा कनु इतने ही जाणने चाहवें कि का पवित्र आत्मा तम्हानु व्यवस्था चे कामा लारे, जा विश्‍वास लारे मिड़ला,

गलातियां 3:8

पवित्रशास्त्रा ने पेहले ही जाणती कर कि नरीकारा ने नेरीया जातिया नु विश्‍वास लारे ही धर्मी ठहरावी, पेहले कनु अब्राहम नु सुसमाचार सुणाती ङिला कि दुधे मां सारीया जातिया आशीष पावे।

गलातियां 4:13

तम्ही जाणा कि मैं पेहले शरीरा ची बिमारी चे वजह पेहली वारी तम्हानु ही सुसमाचार सुणाला।

1 थिस्सलुनीकियां 1:5

कांकि अम्चा सुसमाचार तम्चे गोढु हेको वचना मां ही कोनी, बल्कि ताकत ते पवित्र आत्मा, ते इरादे लारे पुज़ला, जिंवे तम्ही जाणा कि अम्ही तम्चे फायदे चे वास्ते किसड़ा जीवन जीते तम्चे मां किवें बणती गेलते।

1 थिस्सलुनीकियां 2:13

ऐवास्ते अम्ही वी नरीकारा चा धन्यवाद लगातार करते रिहुं, कि जब अम्चे जरिये नरीकारा चे सुसमाचार चा वचन तम्चे गोढु पुज़ला, तां तम्ही ओ बन्दे चा ना, पर नरीकारा चा वचन समझती कर ग्रहण करला, ते ओ तम्चे मां जको विश्‍वास राखा, असरदार छै।

1 तीमुथियुस 4:8

कांकि कसरत लारे शरीरा नु थोड़ा फायदा तां हुवे वे, पर नरीकारा ची भग़ती सारीया बाता चे वास्ते लाभदायक छै, कांकि ऐ समय ची ते आणे आले जीवन ची आशीषा ची प्रतिज्ञा ऐचे वास्ते छै।

इब्रानियां 11:6

ते बिना विश्‍वास चे नरीकारा नु खौश करने अनहोणे छै, कांकि नरीकारा चे गोढु आणे आले इन्साना वास्ते ईं जरुरी छै ऊं हा विश्‍वास करो कि नरीकार छै ते ईं वी कि ओ वानु प्रतिफल ङिये, जको ओची खोज करी।

इब्रानियां 3:12

हे माये भऊ, चौकस रिहा, कि तम्चे मां इसड़े बुरे ते अविश्‍वासी मन ना हो जको जीते नरीकारा कनु दूर हुती जाये।

इब्रानियां 4:6

ऐवास्ते कि कईयां वास्ते हा प्रवेश, हमा वी खुला ब़ुलावा छै। पर जानु ऐचे पेहले सुसमाचार सुणाला तां गेला वे आपणी अनाज्ञाकारिता ची वजह कनु प्रवेश ना कर सग़ले।

याकूब 1:21

ऐवास्ते, सारी मलिनता ते बैरभाव ची बढ़ोतरी नु दूर करती कर, ओ वचना नु नरमाई लारे ग्रहण करती गिहा, जको दिला मां राहला गेला ते जको तम्ची जानी चा उद्धार कर सग़े।

1 पतरस 1:12

वांचे उपर ईं वी उजागर करले गेले, कि वे आपणी कोनी बल्कि तम्ची सेवा करने चे वास्ते ये बाता किही पलते ले, जाया समाचार तम्हानु हमा वांचे जरिये मिड़ला जेह्णे पवित्र आत्मा चे जरिये जको स्वर्ग़ा कनु भेज़ला गेला तम्हानु सुसमाचार सुणाला, जा बाता नु जाणने चे वास्ते तां स्वर्ग़दूत वी तरसते रिही।