इब्रानियां 3:6 - ओङ राजपूत

⁶ पर मसीह पूता आलीकर नरीकारा चे घरा चा अधिकारी छै। अगर अम्ही मजबूत विश्‍वासा उपर ते आपणी आस चे गर्व उपर अन्त तक मजबूती लारे बणले रिहुं, तां अम्ही ओचे घराणे छिऊं।

इब्रानियां 3:6 ပူးပေါင်းရင်းမြစ်များ

मत्ती 10:22

माये नांवा ची वजह कनु सारे लौक तम्चे लारे बैर राखे, पर जको अन्त तक सब्र करली रिही ओचा उद्धार हुवी।

मत्ती 16:18

ते मैं वी तनु किहे पला कि तु पतरस छी, ते मैं ऐ पत्थरा उपर आपणी कलीसिया बणावी, ते अधोलोक चे फाटक ओचे उपर हावी नी हुवी।

मत्ती 24:13

पर जको अन्त तक सब्र करली रिही, ओचा उद्धार हुवी।

रोमियां 11:22

ऐवास्ते नरीकारा ची दयालुता ते सख्ताई नु ङेख। जको ढेती गेले, वांचे उपर सख्ताई, पर दुधे उपर दयालुता, अगर तु ओचे मां बणला रिहे। ना तां, तु वी बाढती कर नाखला जाये।

रोमियां 12:12

आपणी आस चे बारे मां खौश रिहा, क्लेश चे बारे मां तसल्‍ली राखा ते प्राथना चे बारे मां मजबूत रिहा।

रोमियां 15:13

ऐवास्ते नरीकार जको आस चा दाता छै, तम्हानु विश्‍वास करने मां ते हर-तरहा ची खुशी ते शान्ति लारे भरती नाखो, कि पवित्र आत्मा ची सामर्थ लारे तम्ची आस बधती जाओ।

रोमियां 5:2

ते ओचे ही जरिये विश्‍वासा चे वजह ओ अनुग्रह तक जाये मां अम्ही बणले आले छिऊं, पोंहच वी हुली। ते अम्ही नरीकारा ची महिमा ची आस उपर घमण्ड करु।

1 कुरिन्थियां 3:16

का तम्ही ना जाणा, कि तम्ही नरीकारा चा मन्दर छिवा, ते नरीकारा ची आत्मा तम्चे मां बसे पला?

1 कुरिन्थियां 6:19

का तम्ही ना जाणा कि तम्चे शरीर पवित्र आत्मा चा मन्दर छै जको तम्चे भीतर बसला आला छै ते तम्हानु नरीकारा चे तरफु मिड़ला आला छै? तम्हानु तम्चे उपर अधिकार कोनी।

2 कुरिन्थियां 6:16

ते मूर्तिया चे लारे नरीकारा चे मन्दरा चा का रिश्ता? कांकि अम्ही तां जीते नरीकारा चे मन्दर छिऊं, जिसड़े कि नरीकारा ने केहले, “मैं वांचे मां वास करी ते वांचे मां टुरता फिरता रिही, ते मैं वांचा नरीकार हुवी, ते वे माये लौक हुवी।”

गलातियां 6:10

ऐवास्ते जिठे तक मौका मिले अम्ही सारा लारे भलाई करु इठे तक कि खास करती आपणे विश्‍वास करने आला भावां लारे।

गलातियां 6:9

ऐवास्ते आवा भलाई करते बेले कङी वी कोनी थाकु, कांकि अगर अम्ही भलाई करते रिहुं, तां आच्छा ब़ेहला आणे उपर अम्हानु ओचा फल मिली।

इफिसियां 3:12

मसीह मां हुती कर ओचे उपर विश्‍वास करने लारे अम्हानु हिम्मत ते भरोसा हुला कि अम्ही नरीकारा चे गोढु जा सग़ु।

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।

1 थिस्सलुनीकियां 5:16

सदा खौश रिहा।

2 थिस्सलुनीकियां 2:16

अम्चा प्रभु ईशु मसीह आप ही, ते अम्चा ब़ा नरीकार, जेह्णे अम्चे लारे प्रेम राखला ते अनुग्रह चे लारे हमेशा ची शान्ति ते आच्छी आस ङिली,

1 तीमुथियुस 3:15

कि अगर माये आणे मां देर हुवे तां तु जाणती गिहो, कि नरीकारा चा कुणम्बा, जको जीते नरीकारा ची कलीसिया छै, ते जको सच्‍चाई चा खम्बा, ते नीम छै, ओचे मां किसड़ा बर्ताव करना चाही छै।

इब्रानियां 1:2

पर यां ङिहां चे अन्त मां अम्चे लारे आपणे पूता चे जरिये बाता करलीया, जानु ओणे सारीया चीजा चा वारिस ठहराले ते ओचे जरिये ओणे सारी सृष्टि वी रचली छै।

इब्रानियां 10:19

ऐवास्ते हे माये भऊ, जबकि अम्हानु ईशु चे लुहींया लारे अति पवित्र स्थान मां जाणे ची पुरी हिम्मत हुती गेली,

इब्रानियां 10:21

ते ऐवास्ते अम्चा इसड़ा महान याजक छै, जको स्वर्ग़ा मां नरीकारा चे घरा चा अधिकारी छै,

इब्रानियां 10:23

हमा अम्ही बिना कुई शक्‍क चे आपणी वे आस मां अटल रिहुं, जको अम्ही स्वीकार करली, कांकि जेह्णे वायदा करला ओ विश्‍वास योग्य छै।

इब्रानियां 10:35

ऐवास्ते आपणी हिम्मत ना छोड़ा कांकि ओचा प्रतिफल बङा छै।

इब्रानियां 11:1

हमा विश्‍वास, आस करली आलीया चीजा चा पक्‍का, ते अणङेखलीया चीजा चा प्रमाण छै।

इब्रानियां 3:14

अगर अम्ही आपणे पेहले भरोसे नु अन्त तक बणाली रिहुं, तां अम्ही मसीह चे भईवाल बणले रिहुं।

इब्रानियां 4:11

ऐवास्ते अम्ही ओ विश्राम मां जाणे वास्ते पूरा जत्तन करु, कि कुई जन वांचे आलीकर आज्ञा ना मनणे उपर वंचित रेहती जाओ।

इब्रानियां 4:14

ऐवास्ते जब नरीकारा चा पूत ईशु हेक इसड़ा महान महायाजक, जको स्वर्ग़ा मां गेला, जको अम्ही मनती गेले, ओचे मां विश्‍वास मां मजबूत बणले रिहुं।

इब्रानियां 4:16

ऐवास्ते अम्ही नरीकारा चे अनुग्रह चे सिंहासन चे सामणे हिम्मत ब़ांहती कर चालु, कि अम्चे उपर दया हो ते ओ अनुग्रह गिहुं जको जरुरी समय उपर अम्ची सहायता करो।

इब्रानियां 6:11

पर अम्ची हाओ इच्छा छै कि तम्चे महु हर हेक जणे अन्त तक इसड़ा ही यतन करते रिहो, ताकि तम्ही ओनु पक्‍के गे सग़ा जाई तम्हानु आस छै।

इब्रानियां 6:18

इठे कङी ना बदलने आलीया ङोन बाता छी, हेक ओचा वायदा ते हेक ओची कसम जाये बारे मां नरीकार कूड़ा साबित हो ही ना सग़ी। अम्ची मजबूती लारे हिम्मत ब़झती जाओ, जको आसरा गेहणे वास्ते ऐवास्ते द्रोड़ले कि वे आस नु जको सामणे पली आली छै गे सग़ु।

इब्रानियां 7:19

कांकि व्यवस्था ने कुई बाते ची सिद्धि कोनी करली ते विची जग़हा उपर हेक इसड़ी उत्तम आस मेहली गेली जाये जरिये अम्ही नरीकारा चे गोढु जा सग़ु।

1 पतरस 1:8

अगर तम्ही ओनु ङेखले कोनी, बल्ति वी तम्ही ओचे लारे प्रेम राखा। अगर तम्ही ओनु हमा ङेख ना सग़ा, पर बल्ति वी ओचा विश्‍वास करा ते हर हेक इसड़ी खुशी लारे भरीले आले छिवा, जको गिणती चे ब़ाहरु ते महिमा लारे भरीला आला छै।

1 पतरस 2:5

तम्ही वी आप जीते पत्थरा आलीकर आत्मिक घर बणते जावा पले, जाये कनु याजका चा पवित्र समाज बणती कर, इसड़े आत्मिक बलिदान चढ़ावा, जको ईशु मसीह चे जरिये नरीकारा नु ग्रहण हो।

1 पतरस 4:17

कांकि ओ समय आती गेला, कि पेहले नरीकारा चे लौका चा न्यां करला जई, ते जबकि न्यां ची शुरुआत अम्चे ही कनु हुवी। ते वा लौका चा का अन्त हुवी जको नरीकारा चे सुसमाचार नु ना मनी? जिंवे शास्त्र मां लिखले पले,

प्रकाशितवाक्य 2:18

“थुआतीरा ची कलीसिया चे दूता नु ईं लेख, “नरीकारा चा पूत जाया आँख जाखते चे ज्वाला आलीकर छी, ते जाये पग़्ग़ उत्तम पित्तला आलीकर छी, ओ ईं किहे कि,

प्रकाशितवाक्य 2:25

पर हव्वे, जको तम्चे गोढु छै विनु माये आणे तक थामली रिहा।

प्रकाशितवाक्य 2:26

जको जीतती जई ते माये कामा चे अनुसार आखरी तक करता रिहे मैं ओनु जाति-जाति चे लौका उपर अधिकार ङी।

प्रकाशितवाक्य 3:11

मैं जल्दी ही आणे आला छै, जको कोच्छ दुधे गोढु छै विनु थामली रेह कि कुई दुधा मुग़ट खोसती ना गिहो।