इब्रानियां 3:1 - ओङ राजपूत

¹ ऐवास्ते, हे माये विश्‍वासी भऊ, तम्ही जको स्वर्ग़ीय ब़ुलावे मां भईवाल छिवा, ईशु उपर ध्यान ङिया, जको अम्चे वास्ते नरीकारा चा प्रेरित ते महायाजक छै।

इब्रानियां 3:1 ပူးပေါင်းရင်းမြစ်များ

यूहन्‍ना 17:3

ते अनन्त जीवन हा छै, कि वे तनु हेक ही सच्‍चे नरीकारा नु, ते ईशु मसीह नु, जानु तु भेज़ले, जाणो।

यूहन्‍ना 20:21

ईशु ने बल्ति वानु केहले, “तम्हानु शान्ति मिलो! यूंही जिंवे ब़ा नरीकारा ने मनु भेज़ले, मैं वी तम्हानु यूंही भेज़े पला।”

यूहन्‍ना 20:27

बल्ति ईशु ने थोमे नु केहले, “आ आपणी आंगली नाख, ते माये हाथा नु ङेख। आपणा हाथ आणती कर माये पासे मां घाल। वहम करना छोड़ पर विश्‍वास कर।”

प्रेरितां चे काम 1:15

वा ङिहां मां पतरस भावां चे आधी मां जको करीबन हेक साऔ बीस बन्दी भेली हुती भिले रेहती किहुं लाग़ला।

रोमियां 11:17

ते अगर कोच्छ लड़ीया भान्ती कर भुकाती नाखलीया गेलीया, ते तु जंगली जैतून ओचे मां पैवन्द करला गेला ते ओ जैतून चे आच्छे ब़ूटे ची ज़हड़े ची चिकणाई चा भईवाल हुला,

रोमियां 15:27

आच्छे तां लाग़ले, पर वे वांचे कर्जदार वी छी, कांकि अगर नेरीया जातिया वांचीया आत्मिक बाता मां शामिल हुले तां वांचे वास्ते वाजिब छै कि, संसारिक चीजा लारे वांची सेवा करा।

रोमियां 15:8

मैं किहे कि, जको वायदा नरीकारा ने पुरखा लारे करला गेला हुता, ओनु मजबूत करने वास्ते ते नरीकारा ची सच्‍चाई चा सबूत ङेणे वास्ते, मसीह खतना करले आले लौका चा सेवक बणला,

रोमियां 9:24

यानिकि अम्चे उपर जानु ओणे ना सेर्फ यहूदिया महु बल्कि नेरीया जातिया महु वी हकारले।

1 कुरिन्थियां 1:2

नरीकारा ची वे कलीसिया चे नांवे लिखली गेली, जको कुरिन्थुस शहरा मां छै, यानि वांचे नांवे जको मसीह ईशु मां पवित्र करले गेले, ते पवित्र हुवणे वास्ते हकारले गेले, ते वां सारा चे नांवे वी जको हर जग़हा अम्चे ते आपणे प्रभु ईशु चे नांवा लारे प्राथना करी।

1 कुरिन्थियां 10:17

ऐवास्ते, कि हेक ही रोटी छै तां अम्ही वी जको घणे छिऊं, हेक शरीर छिऊं, कांकि अम्ही सारे वे हेक रोटी मां भईवाल छिऊं।

1 कुरिन्थियां 9:23

ते मैं सब कोच्छ सुसमाचार वास्ते करे कि मैं ऐचे मां नेरा लारे वांचा भईवाल हुती जाये।

2 कुरिन्थियां 1:7

ते अम्ची आस तम्चे बारे मां पक्‍की छै, कांकि अम्ही जाणु, कि तम्ही जिंवे अम्चे ङुखा मां यूहीं अम्ची तसल्‍ली मां वी भईवाल छिवा।

2 कुरिन्थियां 9:13

तम्ची ये सेवा नु सबूत मनती कर वे नरीकारा ची महिमा करे, कांकि तम्ही मसीह चे सुसमाचार ची आज्ञा मनते हुले स्वीकार करले ते तम्ही नरीकारा चे लौका वास्ते ते सब ची सहायता करने मां उदारता ङिखाणली।

इफिसियां 3:6

मतलब हा छै कि, ईशु मसीह मां सुसमाचार चे जरिये नेरीया जातिया चे लौक यहूदिया लारे विरासत मां भईवाल हुती गेले, ते मसीह चे हेक ही शरीरा लारे ते वायदे मां भईवाल हुले।

इफिसियां 4:1

ऐवास्ते मैं पौलुस जको प्रभु ची सेवा करने ची वजह कनु कैद मां छै, तम्हा कनु बिनती करे पला कि जिसी बुलाहट कनु नरीकारा ने तम्हानु हकारले, ओचे अनुसार जीवन बितावा।

इफिसियां 4:4

हेक ही शरीर छै, हेक ही आत्मा छै ते हेक ही आस छै जिसे वास्ते तम्हानु हकारले,

फिलिप्पियां 3:14

निशाने सनु द्रोड़ता चाह्‍ला जाये, ताकि ओ इनाम गिहे जाये वास्ते नरीकारा ने मनु मसीह ईशु मां उपर स्वर्ग़ा सनु हकारले।

कुलुस्सियां 1:12

ते ब़ा चा धन्यवाद करते रिहा, जेह्णे अम्हानु ऐस लायक बणाले कि ज्योति मां पवित्र लौका चे लारे वसीयत मां भईवाल हुले।

कुलुस्सियां 3:12

ऐवास्ते नरीकारा ने चुणले आला ची तरह जको पवित्र ते प्यारे छी, बङी दया, ते भलाई, ते दीनता, ते नरमाई, ते सहनशीलता धारण करा,

1 थिस्सलुनीकियां 2:12

कि तम्चा चाल-चलन नरीकारा चे काबिल हो, जको तम्हानु आपणे राज़ ते महिमा मां हकारे।

1 थिस्सलुनीकियां 5:27

मैं तम्हानु प्रभु चे नांवा लारे आज्ञा ङिये पला, कि हा चिठ्ठी सारा भावां नु ते ब़ेहणीया नु पढ़ती कर सुणाली जाओ।

2 थिस्सलुनीकियां 1:11

ऐवास्ते अम्ही सदा तम्चे वास्ते हर ङिओ प्राथना करु वी, कि अम्चा नरीकार तम्हानु ऐ ब़ुलाहट चे योग्य समझो, ते भलाई ची हर हेक इच्छा, ते विश्‍वास चे हर हेक कामा नु सामर्थ लारे पूरा करो।

2 थिस्सलुनीकियां 2:14

जाये वास्ते ओणे तम्हानु अम्चे सुसमाचार चे जरिये हकारले, कि तम्ही अम्चे प्रभु ईशु मसीह ची महिमा नु प्राप्त करा।

1 तीमुथियुस 6:12

विश्‍वास चे सुसमाचार चे वास्ते आच्छी कुश्ती लड़, ते ओ अनन्त जीवन नु घालती गे, जाये वास्ते तु हकरवाला गेला, ते घणे ग़वाह चे सामणे मनले हुते।

1 तीमुथियुस 6:2

ते जाये स्वामी विश्‍वास करने आले छी, याहनु वे भऊ ते ब़ेहणी हुवणे ची वजह तोच्छ ना समझो, बल्कि वांची नेरी सेवा करो, कांकि ऐचे कनु फायदा चवणे आले विश्‍वास करने आले ते प्रेमी छी। जा बाता चा उपदेश करले कर ते समझाता रेह।

2 तीमुथियुस 1:9

जेह्णे अम्चा उद्धार करला, ते पवित्र बुलाहट लारे हकारले, ते हा अम्चे कामा चे अनुसार कोनी, पर आपणी मनसा ते ओ अनुग्रह चे अनुसार छै, जको ईशु मसीह मां शुरुआत कनु अम्चे उपर हुला।

2 तीमुथियुस 2:7

जको मैं किहे पला, ओचे उपर ध्यान ङे ते प्रभु तनु सारीया बाता ची समझ ङिही।

इब्रानियां 10:19

ऐवास्ते हे माये भऊ, जबकि अम्हानु ईशु चे लुहींया लारे अति पवित्र स्थान मां जाणे ची पुरी हिम्मत हुती गेली,

इब्रानियां 10:21

ते ऐवास्ते अम्चा इसड़ा महान याजक छै, जको स्वर्ग़ा मां नरीकारा चे घरा चा अधिकारी छै,

इब्रानियां 10:23

हमा अम्ही बिना कुई शक्‍क चे आपणी वे आस मां अटल रिहुं, जको अम्ही स्वीकार करली, कांकि जेह्णे वायदा करला ओ विश्‍वास योग्य छै।

इब्रानियां 13:22

हे माये भऊ, मैं तम्चे कनु बिनती करे पला कि ऐ हिम्मत चे उपदेश चीया बाता नु मनती गिहा, कांकि मैं तम्हानु ईं ब़ोहत थोड़े शब्दा मां लिखले छै।

इब्रानियां 2:11

कांकि पवित्र करने आला ते जको पवित्र करले जई, सब हेक ही ब़ा कनु छी, यानि नरीकार कनु। येही वजह कनु ईशु वानु भऊ केहणे कनु ना लज़ावी।

इब्रानियां 2:17

ऐवास्ते ओनु जरुरी हुते, कि सब बाता मां आपणे भावां आलीकर बणो, जाये कनु ओ वां बाता मां जको नरीकारा लारे मेल खई, हेक दया करने आला ते भरोसेमन्द महायाजक बणो, कि लौका चे पापा वास्ते प्रायश्‍चित करो।

इब्रानियां 3:12

हे माये भऊ, चौकस रिहा, कि तम्चे मां इसड़े बुरे ते अविश्‍वासी मन ना हो जको जीते नरीकारा कनु दूर हुती जाये।

इब्रानियां 3:14

अगर अम्ही आपणे पेहले भरोसे नु अन्त तक बणाली रिहुं, तां अम्ही मसीह चे भईवाल बणले रिहुं।

इब्रानियां 6:20

जिठे ईशु ने मेलिकिसिदक ची रीति उपर सदा काल चा महायाजक बणती कर, अम्चे वास्ते अग़ुवे चे रुप मां प्रवेश करले।

इब्रानियां 7:26

कांकि इसड़ा ही महायाजक अम्चे लायक हुता, जको पवित्र, ते निष्कपट ते निर्मल ते पापीया कनु अलग़, ते स्वर्ग़ा कनु वी ऊंचा करला आला हो।

इब्रानियां 7:28

कांकि व्यवस्था तां कमजोर इन्साना नु महायाजक चुणती गिहे, पर वे कसमी ची वाचा जको व्यवस्था चे बाद खाली गेली, ओ पूता नु नियुक्‍त करे जको अनन्त काल वास्ते सेद्ध बणाती ङिले।

इब्रानियां 9:11

पर जब मसीह आणे आलीया आच्छीया चीजा चे महायाजक चे रुप मां प्रकट हुला, ओणे उत्तम ते सेद्ध तम्बूआ महु, जको हाथा चा बणाला आला कोनी यानि संसारिक कोनी हुता।

इब्रानियां 9:15

ऐवास्ते ओ हेक नवीं वाचा चा बिचोला छै, कि वे मौत चे जरिये जको पेहली वाचा चे समय चे अपराधा कनु छुटकारा गेहणे वास्ते हुली, हकारले आले लौक वायदे चे अनुसार अनन्त विरासत नु गिहो।

1 पतरस 2:9

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले,

1 पतरस 3:5

कांकि बीतले आले युगा चा वे पवित्र असतरीया आपणे आप नु सजाणे संवारने चा हाओ ही ढंग हुता, जाया उम्मीदा नरीकारा उपर टिकलीया आलीया हुतीया। वे आपणे आपणे मुणसा चे वशा मां रेहतीया।

1 पतरस 5:1

तम्चे महु जको अग़ुवा छै, मैं वांचे आलीकर अग़ुवा ते मसीह चे ङुखा चा ग़वाह ते प्रकट हुवणे आली महिमा मां भईवाल हुती कर वानु ईं समझावे पला,

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।

1 यूहन्‍ना 1:3

ते जानु अम्ही ङेखले ते सुणले ओचा समाचार तम्हानु ङिऊं पले, ऐवास्ते कि तम्ही वी अम्चे लारे शामिल हुवा, ते अम्ची हा सहभागिता ब़ा नरीकारा चे लारे ते ओचे पूत ईशु मसीह चे लारे छै।

यहूदा 1:1

हा चिठ्ठी यहूदा चे तरफु जको ईशु मसीह चा दास ते याकूब चा भऊ छै, वां हकारले आला चे नांवे लिखली गेली, जको नरीकार ब़ा चे प्यारे ते ईशु मसीह चे वास्ते सम्भालती कर राखले गेले।

प्रकाशितवाक्य 17:14

वे मैमणे लारे योद्ध करे, ते मैमणे वांचे कनु जीतती जई, कांकि ओ प्रभुआं चा प्रभु ते राजा चा राजा छै, ते जको हकारले गेले, ते चुणले आले, ते विश्‍वासी छी ओ ओचे लारे छै, वे वी जीतती जाये।”

प्रकाशितवाक्य 18:20

हे स्वर्ग़, ते हे पवित्र बन्दी, ते प्रेरित, ते भविष्यवक्‍ता, ओचे उपर आनन्द करा, कांकि नरीकारा ने न्यां करती कर तम्चा पलटा गेला।”