इब्रानियां 2:14 - ओङ राजपूत

¹⁴ ऐवास्ते कि ऊलाद्ध लुहींया ची ते मांस ची हुवे, मसीह ईशु वी लुहीं ते मांस चे हुती गेले कि मौत चे जरिये ओ ओनु यानि शैताना नु, जाये मां मौत ची ताकत हुती, कमजोर करती ङियो

इब्रानियां 2:14 ပူးပေါင်းရင်းမြစ်များ

मत्ती 16:17

ईशु ने ओनु उत्तर ङिला, “हे शमौन, योना चा पूत, तु धन्‍न छी, कांकि मांस ते लुहींया ने ना पर माये ब़ा नरीकारा ने जको स्वर्ग़ा मां छै, हा बात दुधे उपर उजागर करली।

मत्ती 25:41

“बल्ति खब़्ब़े पासे आला नु किही, ‘हे श्रापित लौक, माये सामणे कनु ओ अनन्त जाखते मां चाह्‍ले जावा, जको शैतान ते ओचे दूता वास्ते तियार करले गेले।

यूहन्‍ना 1:14

ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

यूहन्‍ना 12:24

मैं तम्हानु सच्‍च-सच्‍च किहे, कि जब तक कणकी चा ङाणा भोंये मां ढेती कर खत्तम ना हुती जई, ओ हेकला रिहे। पर जिसे बेले खत्तम हुती जाये, ते ब़ोहत फल आणे।

रोमियां 14:9

कांकि मसीह ऐवास्ते मरला ते जीता वी हुती गेला, कि ओ मरला आला चा ते जीता चा, ङुंहु चा प्रभु हो।

रोमियां 8:3

कांकि जको काम व्यवस्था, शरीरा चे वजह दुर्बल हुती कर ना कर सग़ली, ओनु नरीकारा ने करले, यानिकि आपणे ही पूता नु पापमय शरीरा ची समानता मां, ते पाप चे बलिदान हुवणे चे वास्ते भेज़ती कर, शरीरा मां पापा उपर ङण्ड ची आज्ञा ङिली।

1 कुरिन्थियां 1:28

ते नरीकारा ने जग़त चे नीच ते तुच्छा नु, यानि जको छी वी कोनी वानु वी चुणती गेले कि वानु जको छी, बेकार ठहराओ,

1 कुरिन्थियां 15:50

हे माये भऊ, मैं ईं किहे पला कि मांस ते लुहीं नरीकारा चे राज़ चे अधिकारी ना हो सग़ी। ते ना नाशवान अविनाशी चा अधिकारी हो सग़े।

गलातियां 4:4

पर जिसे बेले समय पूरा हुला तां नरीकारा ने आपणे पूता नु भेज़ले, ओ हेक असतरी महु जमला ते व्यवस्था चे अधीन पैदा हुला।

कुलुस्सियां 2:15

ते ओणे आत्मिक प्रधानता ते बुराई चा आत्मिक शक्‍तिया नु आपणे उपरु उतारती कर वांचा खुल्‍लम-खुल्‍ला तमाशा बणाला ते क्रूसा ची वजह वांचे उपर जय-जयकार ची अवाज सुणाली।

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

2 तीमुथियुस 1:10

पर हमा अम्चे उद्धार करने आला ईशु मसीह चे प्रकट हुवणे चे जरिये प्रकाशित हुला, जेह्णे मौत चा नाश करला, ते जीवन ते अमरता नु ओ सुसमाचार चे जरिये प्रकाशमान करती ङिला।

इब्रानियां 10:10

नरीकारा ची इच्छा लारे अम्ही ईशु मसीह चे शरीरा चा हेक ही बार बलिदान चढ़ाले जाणे चे जरिये पवित्र करले गेले।

इब्रानियां 10:5

ऐवास्ते मसीह संसारा मां आते बेले केहले, “बलिदान ते भेंट ची तु इच्छा कोनी करली, पर हेक शरीरा ची, जको तु माये वास्ते तियार करले।

इब्रानियां 2:17

ऐवास्ते ओनु जरुरी हुते, कि सब बाता मां आपणे भावां आलीकर बणो, जाये कनु ओ वां बाता मां जको नरीकारा लारे मेल खई, हेक दया करने आला ते भरोसेमन्द महायाजक बणो, कि लौका चे पापा वास्ते प्रायश्‍चित करो।

इब्रानियां 2:18

कांकि जब ओणे परीक्षा ची दशा मां ङोख चले, तां ओ वांची वी सहायता कर सग़े, जाई परीक्षा हुवे।

इब्रानियां 4:15

कांकि अम्चा महायाजक इसड़ा कोनी जको अम्ची कमजोरीया मां अम्चे लारे ङुखी ना हो सग़ो। बल्कि ओ सब बाता मां अम्चे आलीकर परखला गेला, तां वी निष्पाप रेहला।

इब्रानियां 9:15

ऐवास्ते ओ हेक नवीं वाचा चा बिचोला छै, कि वे मौत चे जरिये जको पेहली वाचा चे समय चे अपराधा कनु छुटकारा गेहणे वास्ते हुली, हकारले आले लौक वायदे चे अनुसार अनन्त विरासत नु गिहो।

1 पतरस 1:20

ऐ संसारा ची शुरुआत कनु ही पेहले ओनु चुणती गेलते ले, पर तम्चे वास्ते ओनु यां आखरी ङिहां मां ओणे उजागर करले।

प्रकाशितवाक्य 1:18

“मैं ओही छै जाये कनु जीवन छै। पेहले मैं मरती गेलता ते हमा ङेख मैं युग-युग जीता छै, ते मौत ते अधोलोक चीया कुंजीया माये ही गोढु छी।

प्रकाशितवाक्य 12:9

ते ओ बङा अजगर यानिकि ओही पुराणा नाग़, जको इबलीस शैतान किहवावे, ते सारे संसारा नु भरमावे, धरती उपर ढाती ङिला गेला, ते ओचे दूत ओचे लारे तले भुकाती ङिले गेले।

प्रकाशितवाक्य 2:10

जको ङोख तनु भोग़णे हुवे वाकनु ना ङर। कांकि ङेखा, शैतान तम्हा महु कईयां नु कैदखाने मां नाखणे उपर छै, कि तम्ही परखले जावा ते तम्हानु ङस ङिहां तक क्लेश चवणे पड़े। मरणे तक विश्‍वासी बणले रिहा तां मैं तम्हानु जीवन चा मुग़ट ङी।

प्रकाशितवाक्य 20:2

ते ओणे ओ अजगर नु, यानिकि पुराणे नाग़ा नु, जको इबलीस ते शैतान छै, पकड़ती कर हजार साला चे वास्ते संगला लारे ब़ांथी नाखले।