इब्रानियां 13:18 - ओङ राजपूत

¹⁸ अम्चे वास्ते लगातार प्राथना करते रिहा कांकि अम्हानु भरोसा छै कि अम्चा विवेक शोद्ध छै, ते अम्ही सारीया बाता मां आच्छी चाल चलणे चाहु।

इब्रानियां 13:18 ပူးပေါင်းရင်းမြစ်များ

प्रेरितां चे काम 23:1

पौलुस ने महासभा सनु ध्यानारीत ङेखती कर केहले कि, “हे माई भऊ, मैं आज़ तक नरीकारा चे वास्ते बेलकोल इमानदारी लारे जीवन बिताला।”

प्रेरितां चे काम 24:16

ऐचे कनु मैं आप वी जत्तन करे पला कि नरीकारा ची, ते इन्साना ची तरफ माया विवेक सदा निर्दोष रिहो।

रोमियां 12:17

बुराई चे बदले काई वी लारे बुराई ना करा, जको बाता सब लौका ची नजरी मां सही छी, वेही करले करा।

रोमियां 13:13

जिंवे ङिहां मां अम्ही रिहुं वी, यूंही अम्हानु सिधी चाल चलणी चाही छै, ना कि लीलाक्रीड़ा, ते पियक्‍कड़पन, ना व्यभिचार, ते लोचपण मां, ते ना ही झग़ड़े ते ईर्ष्या मां लाग़ले रिहा।

रोमियां 15:30

ते हे माये भऊ, मैं ईशु मसीह चा, जको अम्चा प्रभु छै ते पवित्र आत्मा चे प्रेम ची याद ङिवाती कर, तम्चे कनु बिनती करे पला, कि माये वास्ते नरीकारा कनु प्राथना करने मां माये लारे मिलती कर लौ लाली रिहा।

2 कुरिन्थियां 1:12

कांकि अम्ही आपणे विवेक ची, ये ग़वाही उपर घमण्ड करु, कि दुनिया मां ते खास करती तम्चे बीच मां, अम्चा व्यवहार नरीकारा चे जरिये ङिली गेली पवित्रता ते सच्‍चाई सहित रेहला, जको संसारिक ज्ञान चा कोनी, पर हेको नरीकारा चे अनुग्रह चा नतीजा हुता।

फिलिप्पियां 4:8

हे भऊ ते ब़ेहणीया, जको-जको बाता सच्‍च छी, ते जको-जको बाता आदरमान चा छी, ते जको-जको बाता वाजिब छी। ते जको-जको पवित्र छी,ते जको-जको बाता सुहावनीया छी, ते जको-जको बाता मन भावनीया छी। यानि जको सदगुण ते प्रशंसा चीया बाता छी, वांचे उपर ध्यान लाले करा।

कुलुस्सियां 4:3

ऐचे लारे-लारे अम्चे वास्ते प्राथना करते रिहा, कि नरीकार अम्चे वास्ते वचन सुणावणे चा इसड़ा मार्ग़ खोलती ङियो, कि अम्ही मसीह चे ओ भेद चा जिक्र कर सग़ु, जाये वजह मैं कैद मां छै।

1 थिस्सलुनीकियां 4:12

ऐचे कनु कलीसिया चे ब़ाहर चे लौक तम्चे जीणे चे ढगां चा कद्दर करे। ऐचे कनु तम्हानु कुई ङुजा उपर वी निर्भर नी हुवणे पड़ी।

1 थिस्सलुनीकियां 5:25

हे माये भऊ ते ब़ेहणीया, अम्चे वास्ते प्राथना करा।

2 थिस्सलुनीकियां 3:1

ऐवास्ते, ओ माये भऊ ते ब़ेहणीया, अम्चे वास्ते प्राथना करले करा, कि प्रभु चा वचन इसड़ा खुलती कर फेलो, ते महिमा पा सग़ु, जिसड़े तम्चे मां हुले,

1 तीमुथियुस 1:5

आज्ञा चा निचोड़ हा छै, कि शोद्ध मन ते आच्छा विवेक, ते बिना कप्पट करले विश्‍वास लारे प्रेम पैदा हुला हो।

1 पतरस 2:12

नेरीया जातिया मां तम्चा चाल-चलन भला हो, ऐवास्ते कि जिसीया जिसीया बाता मां वे तम्हानु बदनाम करी, वे तम्चे भले कामा नु ङेखती कर, प्रभु चे आणे चे ङिओ वे नरीकारा ची महिमा करो।

1 पतरस 3:16

ते आपणे विवेक नु वी शोद्ध राखा, ऐवास्ते कि जिसीया बाता चे बारे मां वे जको मसीह मां तम्चे आच्छे चाल-चलन चा अपमान करी, शर्मसार हो।

1 पतरस 3:21

ते ओही पाणीया ची मिसाल वी यानिकि बपतिस्मा, ईशु मसीह चे जीते हुवणे चे जरिये, हमा तम्हानु बचावे, ओचे कनु शरीरा चे मैल नु दूर करने चा मतलब कोनी छै, पर शोद्ध विवेक लारे नरीकारा चे हाथा मां हुती जाणे चा मतलब छै।