इब्रानियां 12:25 - ओङ राजपूत

²⁵ ऐचा ध्यान रिहो कि तम्ही ओची आज्ञा ना टाला, जको तम्चे लारे बाता करे पला। जब वे, ङण्ड कनु नी बच सग़ले, जेह्णे ओची आज्ञा नी मनली, जेह्णे वानु धरती उपर चितावनी ङिली हुती, तब अम्ही ङण्ड कनु किवें बच सग़ु, अगर अम्ही ओची ना सुणु, जको स्वर्ग़ा कनु अम्हानु चितावनी ङिये?

इब्रानियां 12:25 ပူးပေါင်းရင်းမြစ်များ

मत्ती 17:5

ओ ब़ोले ही पलता कि हेक चिट्टे बदला ने वानु घेरती गेले, ते ओ बदला महु हा अवाज आली, “हा माया प्यारा पूत छै, जाये कनु मैं खौश छै। ऐची सुणा!”

मत्ती 8:4

ईशु ने ओनु केहले, “ङेख, कानु कहीं ना किहो, पर जती कर आपणे आप नु याजक नु ङिखाण ते जको चढ़ावा मूसा भविष्यवक्‍ता ने ठहराला छै ओ भेंट चढ़ा, ताकि लौका चे वास्ते ग़वाही हो।”

प्रेरितां चे काम 7:35

“जिसे मूसा नु वाणे ईं केहती कर नकारले हुते, ‘तनु केहणे अम्चे उपर अधिपति ते न्यायधीश ठहराले?’ ओनु ही नरीकारा ने अधिपति ते छुड़ावणे आला ठहराती कर, ओ स्वर्ग़दूता चे जरिये जेह्णे ओनु झाड़ी मां दर्शन ङिला हुता, भेज़ले।

1 थिस्सलुनीकियां 5:15

चौकस! कुई काये लारे बुराई चे बदले बुराई ना करो, पर सदा भलाई करने चे वास्ते तियार रिहा, ते अापस मां ते सारा लारे वी भलाई ही ची कोशिस करा।

2 तीमुथियुस 4:4

ते आपणे कान सच्‍चाई कनु फेरती कर, कथा-कहाणीया उपर लावे।

इब्रानियां 1:1

पेहले युगा मां नरीकारा ने अम्चे ङाङा-ब़ा लारे थोड़े-थोड़े करती ते हर-प्रकार चीया भविष्यवक्‍ता चे जरिये बाता करलीया।

इब्रानियां 11:7

विश्‍वासा लारे ही नूह ने वां बाता चे बारे मां जको ओ बेले कोनी ङिसी पलतीया, चितावनी मिलणे उपर भग़ती लारे आपणे घराणे चे बचाव वास्ते जहाज बणाला। ऐचा नतीजा हा हुला कि संसारा दोषी ठहराला गेला ते नूह धार्मिकता चा वारिस हुला, जको विश्‍वासा लारे हुवे।

इब्रानियां 12:19

ते तुरही ची तेज अवाज, ते नरीकारा चे ब़ोलणे चे इसड़े शब्द हुते, वानु सुणले आला ने बिनती करली कि हमा अम्चे लारे होर बाता ना करलीया जाओ।

इब्रानियां 3:12

हे माये भऊ, चौकस रिहा, कि तम्चे मां इसड़े बुरे ते अविश्‍वासी मन ना हो जको जीते नरीकारा कनु दूर हुती जाये।

इब्रानियां 3:17

ते नरीकार चालीस साला तक किसे लौका लारे गुस्से रेहला? का वांचे लारे कोनी जेह्णे पाप करला, ते वांचीया लाशा बरब्याना मां पलीया रेहलीया?

इब्रानियां 8:5

ये वे याजक छी जको स्वर्ग़ीय चीजा चे प्रतिरुप ते प्रतिबिम्ब ची सेवा करी जिंवे कि जिसे बेले मूसा तम्बू बणावणे उपर हुता तां ओनु ईं चिताले गेले, “ङेख जको नमुना तनु पहाड़ा उपर ङिखाणला गेला हुता, ओचे अनुसार सब कोच्छ बणाओ।”

1 पतरस 1:22

हमा ङेखा, जिसे बेले तम्ही सच्‍चाई चा पालन करते हुले, सच्‍चे भाईचारे चे प्रीति नु उजागर करने चे वास्ते आपणी आत्मा नु पवित्र करते गेले ते पवित्र मना लारे हेके ङुजे लारे प्रेम राखा।

प्रकाशितवाक्य 19:10

ते मैं ओनु ङण्डवत करने चे वास्ते ओचे पग़्ग़ा मां ढेला, ओणे मनु केहले, ङेख, “इसड़े ना कर, मैं दुधा ते दुधे भावां चे लारे चा दास छै, जको ईशु ची ग़वाही ङेणे उपर मजबूत छै, नरीकारा नु ही ङण्डवत कर, कांकि ईशु ची ग़वाही भविष्यवाणी ची आत्मा छै।”

प्रकाशितवाक्य 22:9

ते ओणे मनु केहले, “ङेख, तु इसड़े ना कर। कांकि मैं दुधा ते दुधे भावां चा ते भविष्यवक्‍ता चा ते ये किताबे चा बाता नु मनणे आला लारे चा दास छै। नरीकारा नु ही ङण्डवत कर।”