इब्रानियां 12:23 - ओङ राजपूत

²³ तम्ही नरीकारा ची वां पलेठी आला ची कलीसिया चे गोढु आती गेले, जाये नां स्वर्ग़ा मां लिखले गेले छै। तम्ही नरीकारा चे गोढु आती गेले जको सब चा न्यांयी छै, ते वां धर्मीया ची आत्मा चे गोढु आती गेले जको सेद्ध बणले हुते।

इब्रानियां 12:23 ပူးပေါင်းရင်းမြစ်များ

लूका 10:20

तां वी ऐवास्ते खौश ना हो, कि आत्मा तम्चे बसा मां छै, पर ये बाते कनु खौश हो, कि तम्चे नां स्वर्ग़ा उपर नरीकारा ने लिखले।”

यूहन्‍ना 5:27

बल्कि ओनु न्यां करने चा वी अधिकार ङिला ऐवास्ते मैं इन्साना चा पूत छै।

प्रेरितां चे काम 20:28

ऐवास्ते आपणी ते पुरे झुन्डा ची ङेख-रेख करा, जाये मां पवित्र आत्मा ने तम्हानु नु मुखिया ठहराले कि तम्ही नरीकारा ची कलीसिया ची रखवाली करा, ओणे तम्हानु आपणे पूता चे लुहींया लारे मोल गेहती गेले।

1 कुरिन्थियां 13:12

हमा अम्हानु शीशे मां धुंधले जा ङिसे पर ओ बेले अम्ही आमणे-सामणे ङेखु। ऐ बेले माया ज्ञान अधूरा छै, पर ओ बेले माया ज्ञान उसड़ा ही हुती जई, जिसड़ा ऐ बेले माये बारे मां नरीकारा जाणे।

1 कुरिन्थियां 15:49

ते जिंवे अम्ही इन्साना चा शरीरिक रुप धारण करला जको माटी चे हुते, ते यूंही ओ स्वर्ग़ीय इन्साना चा रुप वी धारण करु।

1 कुरिन्थियां 15:54

ते जब हा नाशवान अविनाशी नु ते मरणहार अमरता नु धारण करती गिही, तब पवित्रशास्त्र चा हा वचन पूरा हुती जई, “जय ने मौत नु निग़लती गेहले।

2 कुरिन्थियां 5:8

ऐवास्ते अम्ही हिम्मत ब़ांहली रिहुं, ते शरीरा नु छोड़ती कर प्रभु चे लारे रेहणे होर वी आच्छे समझु।

इफिसियां 1:22

नरीकारा ने सब कोच्छ ओचे वशा मां करती ङिले, ओनु सारा महु बङे बणाती कर कलीसिया नु ङिले जती।

फिलिप्पियां 4:3

हे सच्‍चा भईवाल, मैं दुधे कनु वी बिनती करे पला कि तु वां असतरीया ची सहायता कर। कांकि वाणे माये लारे सुसमाचार प्रचार करने मां, क्लेमेन्स ते माये नेरे भईवाला समेत मेहनत करली, जाये नां जीवन ची किताबे मां लिखले पले।

कुलुस्सियां 1:12

ते ब़ा चा धन्यवाद करते रिहा, जेह्णे अम्हानु ऐस लायक बणाले कि ज्योति मां पवित्र लौका चे लारे वसीयत मां भईवाल हुले।

कुलुस्सियां 1:24

हमा मैं वां ङुखा चे वजह खुशी मनावे, जको तम्चे वास्ते चवे, मसीह ची देह रूपी कलीसिया चे क्लेश मां हमेशा भईवाल हुता रिहे।

1 तीमुथियुस 3:5

कांकि कुई आपणे घरा ही चा प्रबन्ध ना करने जाणता हो, तां ओ नरीकारा ची कलीसिया ची रखवाली किवें करी?

इब्रानियां 11:4

विश्‍वासा लारे ही हाबिल ने कैन कनु उत्तम बलिदान नरीकारा नु चढ़ाला, विश्‍वास ची वजह कनु खौद्द नरीकारा ने प्रशंसा लारे हाबिल नु धर्मी घोषित करले, नरीकारा ने हाबिल चे भेंट ची प्रशंसा करली मतलब ओची मौत हुती चुकली ओचा हाओ विश्‍वास आज़ वी अम्चे वास्ते ग़वाही छै।

इब्रानियां 11:40

कांकि नरीकारा ने अम्चे वास्ते पेहले कनु हेक उत्तम बात ठहराली कि वे अम्चे लारे जुड़ले बिना सेद्ध ना बण सग़ो।

इब्रानियां 2:12

पर ओ किहे, “मैं दुधे नां आपणे भावां नु सुणावी, सभा चे बीच मां मैं दुधा भज़न गांवी।”

इब्रानियां 9:27

ते जिंवे इन्साना वास्ते हेक वारी मरणे ते ओचे बाद न्यां चे हुवणे तय छै,

याकूब 1:18

ओणे आपणी ही इच्छा लारे अम्हानु सच्‍च चे वचना चे जरिये पैदा करले कि अम्ही ओची सृष्टि करली हुली चीजा महु हेक तरह चे पेहला फल छिऊं।

1 पतरस 2:23

ओ गाली सुणती कर कानु गाली ना काढ़ता, ते ङोख भोग़ती कर कानु वी धमकी ना ङिता, पर आपणे आप नु न्यां करने आले नरीकारा चे हाथा मां सोंपती ङिले।

प्रकाशितवाक्य 13:8

धरती चे सब रेहणे आले, जाई नांवे ओ मैमणे ची जीवन ची किताबे मां लिखली कोनी गेली, जको संसारा ची शुरुआत चे समय कनु ही बलिदान हुला, ओ ढौरा ची पूजा करे।

प्रकाशितवाक्य 14:4

ये वे बन्दी छी यांणे कुई असतरी लारे आपणे आप नु गन्दे कोनी करले। कांकि वे कुंवारे हुते, ते जिठे-किठे मैमणे जते, वे बन्दी ओचे भांसु टुरती पड़ती। सारी इन्सानी जाति कनु मोल गेहती कर छुड़ाती गेले ते। वे नरीकारा चे ते मैमणे चे वास्ते रहड़ी चे पेहले फल हुते।

प्रकाशितवाक्य 20:15

ते जाये काये नां “जीवन ची किताबे” मां लिखले आले कोनी मिड़ले, ओ जाखते ची झील मां नाखला गेला।

प्रकाशितवाक्य 6:11

वांचे महु हर-हेक नु चिट्टी ओढ़णी ङिली गेली, ते वानु केहले गेले कि, “नेरा थोड़ी देर तक आराम करा, जब तक कि तम्चे लारे चे दास ते भऊ जको तम्चे आलीकर मरीजणे आले छी, वांची वी गिणती पुरी ना हुती गिहो।”

प्रकाशितवाक्य 6:9

जब मैमणे ने पाँचवी मौहर खोड़ली, तां मैं वेदी चे तले वांची आत्मा नु ङेखले, जको नरीकारा चे वचना ची वजह ते, वे ग़वाही ची वजह कनु जको वाणे ङिली हुती, मारती नाखले गेलते।