इब्रानियां 12:1 - ओङ राजपूत

¹ ये वजह कनु जबकि ग़वाहा ची इसड़ी बङी भीड़ अम्हानु घेरले आले छै, तां आवा, हर हेक रोकणे आली चीज ते उलझाणे आले पापा नु दूर करती कर, वा द्रोड़ जिसे मां अम्हानु द्रोड़ने छै, धीरज लारे उग़ते बधते जऊं,

इब्रानियां 12:1 ပူးပေါင်းရင်းမြစ်များ

मत्ती 10:22

माये नांवा ची वजह कनु सारे लौक तम्चे लारे बैर राखे, पर जको अन्त तक सब्र करली रिही ओचा उद्धार हुवी।

मत्ती 24:13

पर जको अन्त तक सब्र करली रिही, ओचा उद्धार हुवी।

मरकुस 10:50

ओ आपणी ओढ़णी भुकाती कर जल्दी ऊठला, ते ईशु चे गोढु आला।

लूका 12:15

ते ओणे वानु केहले, “चौकस रिहा, ते हर-तरहा चे लोभ कनु आपणे आप नु बचाती राखा, कांकि धन ची बढोतरी हुवणे उपर वी काया जीवन ओचे धन चे भरोसे खुशी लारे ना चल सग़ी।”

लूका 16:28

कांकि माये पाँच भऊ छी, ओ वांचे सामणे यां बाता ची ग़वाही ङियो, इसड़े ना हो कि वे वी ङुखा ची जग़ह मां आओ।’

लूका 21:34

“ऐवास्ते चौकस रेहजा, कङी इसड़े ना हो कि तम्चे मन हठीले, ते नशेबाज, ते ऐ जीवना ची चिन्ता लारे सुस्त हुती जाये, ते वे ङिहें तम्चे उपर फन्दे चे समान अचानक आती पड़ो।

यूहन्‍ना 3:32

जको कहीं ओणे ङेखले ते सुणले, ओची ग़वाही ङिये, ते कुई ओची ग़वाही ग्रहण ना करी।

यूहन्‍ना 4:39

ओ शहरा चे ब़ोहत से सामरिया ने वे असतरी चे केहणे लारे ईशु उपर विश्‍वास करला, कांकि विणे ग़वाही ङिली हुती, “ओणे सब कोच्छ जको मैं करले, मनु बावड़ती ङिले।”

यूहन्‍ना 4:44

कांकि ईशु ने आप ही ग़वाही ङिली कि भविष्यवक्‍ता आपणे देशा मां आदर ना पा सग़ी।

रोमियां 12:12

आपणी आस चे बारे मां खौश रिहा, क्लेश चे बारे मां तसल्‍ली राखा ते प्राथना चे बारे मां मजबूत रिहा।

रोमियां 2:7

जको लगातार आच्छे काम करते हुले, महिमा ते आदर ते अनन्त जीवन ची खोज मां रिही, वानु नरीकार अनन्त जीवन ङिही।

2 कुरिन्थियां 7:1

हे माये प्यारे भऊ, जबकि ये वायदे अम्हानु मिड़ले, तां आवा, अम्ही आपणे आप नु शरीर ते आत्मा ची सारी मलिनता कनु शोद्ध करु, ते नरीकारा चा भय मनते हुले पवित्रता नु सेद्ध करु।

गलातियां 2:2

माये जाणे इसड़े दर्शन चे तरफु हुले, जको सुसमाचार मां नेरीया जातिया मां प्रचार करे, ओ वानु मैं बावड़ती ङिले, पर एकान्त मां वानु जको बङे समझले जते ताकि इसड़े ना कि माई ऐ समय ची ते भांसली द्रोक भज़ बेकार ना चाह्‍ली जाओ,

गलातियां 5:7

तम्ही तां आच्छी तरह हेक मसीह जीन्दगी जीवा पलते हमा इसड़ा का हुती गेला जको तम्हानु सच्‍चाई उपर चलणे वास्ते रोके पला?

इफिसियां 4:25

ऐवास्ते कूड़ मारणे छोड़ती ङिया ते पड़ोसीया लारे सच्‍च ब़ोला कांकि अम्ही हेके शरीरा चे अंग छिऊं।

फिलिप्पियां 1:30

ते तम्ही इसड़ी मेहनत करा जिंवे तम्ही मनु करते ङेखले, ते हमा वी सुणा कि मैं उसड़े ही करे।

फिलिप्पियां 2:16

जब तम्ही जीन्दगी ङेणे आला सुसमाचार सुणावा तां तम्ही इसड़े ही करते रिहा, ताकि मसीह चे ङिओ मनु घमण्ड करने ची वजह हो कि ना माये द्रोड़ने ते ना माई मेहनत करले बेकार हुली।

2 तीमुथियुस 2:4

जिसे बेले कुई योद्धा लड़ाई उपर जाये वे, ते ऐवास्ते कि आपणी भरती करने आला नु खौश करो, आपणे आप नु संसारा चे कामा मां ना फसाओ।

2 तीमुथियुस 4:7

मैं मसीह चे कामा ची आच्छी कुश्ती लड़ती चुकला, मैं आपणी दौड़ पुरी करती गेली, मैं विश्‍वास ची रखवाली करली।

इब्रानियां 6:15

ऐवास्ते अब्राहम सब्र करती कर इन्तजार करता रेहला ते ओनु ऊं मिड़ले, जाया वायदा करला गेलता।

याकूब 1:3

ईं जाणती कर कि तम्चे विश्‍वासा चे परखणे जाणे लारे सब्र पैदा हुवे।

1 पतरस 2:1

ऐवास्ते हर-तरहा चा बैरभाव ते छल ते कप्पट ते डाह ते बदनामी नु दूर करती कर,

1 पतरस 4:2

ऐवास्ते कि भविष्य मां आपणे बाकि शरीरिक जीन्दगी बन्दा ची इच्छा चे अनुसार ना बल्कि नरीकारा ची इच्छा चे अनुसार बितावा।

1 पतरस 5:1

तम्चे महु जको अग़ुवा छै, मैं वांचे आलीकर अग़ुवा ते मसीह चे ङुखा चा ग़वाह ते प्रकट हुवणे आली महिमा मां भईवाल हुती कर वानु ईं समझावे पला,

1 पतरस 5:12

मैं सिलवानुस चे हाथे, जानु मैं विश्‍वासयोग भऊ समझे, साफ-साफ लिखती कर तम्हानु समझाले, ते हा ग़वाही ङिली छै कि नरीकारा चा सच्‍चा अनुग्रह हाओ छै। ऐचे मां मजबूत रिहा।

2 पतरस 1:6

ते समझ उपर संयम ते संयम उपर धीरज ते धीरज उपर भग़ती।

प्रकाशितवाक्य 1:9

मैं यूहन्‍ना जको तम्चा भऊ, ते ईशु मसीह चे क्लेश, ते राज़ ते सब्रा मां तम्चा भईवाल छै, नरीकारा चे वचन ते ईशु ची ग़वाही ची वजह कनु पतमुस चे टापू मां मनु भेज़ले गेले हुते।

प्रकाशितवाक्य 13:10

जानु कैदखाने मां जाणे, ऊं कैदखाने मां जई, जको तलवारी लारे मारी, जरुरी छै कि ऊं वी तलवारी लारे मारले जई। पवित्र लौका चा सब्र ते विश्‍वास ऐचे मां छै।

प्रकाशितवाक्य 22:16

“मैं, खौद्द ईशु, दुधे ते कलीसिया चे वास्ते, यां बाता ची ग़वाही ङेणे चे वास्ते, मैं आपणा स्वर्ग़दूत भेज़े पला। मैं दाऊद चे परिवारा चा वंश छै। ते सवेले चा चमकणे आला तारा छै।”

प्रकाशितवाक्य 3:10

तु माये सब्रा चे वचना नु थामले, ऐवास्ते मैं वी तनु परीक्षा ची वे घड़ी कनु बचाती राखी जको धरती उपर रेहणे आला चे परखणे वास्ते सारे संसारा उपर आणे आली छै।